مبروك الملف الجديد يابنات

ايمان ماشاء الله عليكي مسبتيش حاجة الا لما اكلمتي فيها

صباح الخير على احلى عرايس

بجد ايمان ماشاء الله كفت ووفت بس يا ريت ننفذ انا نفسي انفذ حتى نص الحاجات دي
يا رب قدرنا

بالنسبة لسها كانت اتكلمت عن ابنها وطريقتها الحلوة معاه

انا بقى هتكلم عن بنتي

ماشاء الله
هي عندها خمس سنين
من زمان وهي بيبي كنت بخليها تلم اللعب بتاعتها والموضوع ده كبر معاها ولغاية دلوقتي بخليها تنظف قودتها وترتبها على قدها يعني
وانا بساعدها من بعيد منغير ما تحس
والموضوع كان هيتطور معاها ويبقى عقدة نفسية ههههههه
ازاي


مرة بقولها روحي يا شوشو العبي باللعب بتاعتك
قالتلي لا يا مامي لحسن ابهدل قودتي وانا عاوزاها مترتبة ههههههههههه

طبعا فهمتها ان احنا نلعب زي ماحنا عاوزين واللعب تبقى بره الدولاب وعلى الارض وزي ماهي عاوزة بس بعد ما تخلص لعب وقبل ما تنام لازم توضب قودتها
وبس ربنا يهديها بس لانها ساعات بتتمرد ههههههههه

المهم بقى امبارح قلتلها يلا يا شوشو علشان تخلصي الهوم ورك لان عندك شغل كتير

فبصتلي وقالتلي شغل ايه قلتلها انا جبت بسله وعاوزاكي تعمليها لاني مش فاضية

المهم اتبسطت جدا جدا وطبعا قعدت معاها افصص البسلة وكانت سعيدة وبتقولي انا بساعدك يا مامي قلتلها لا انتي اللي عملتي كله وانا ساعدتك بس
انتي كبرتي خلاص وبقيتي بتعملي لوحدك

الموضوع ده بينمي فيهم حس المساعدة كمان بجد بتساعدني لاني مش بلاحق على كله لوحدي فهي بتساعد على قدها

طبعا انا مبزودش عليها يادوب حاجتها وكده بس حاسه ان الموضوع فارق جدا ومفيد

بمناسبة الاهتمام بالنفس
بقالي يومين قررت اوجد وقت لنفسي بالعافيه اهرب فيه من القرد الصغير اللي متعلق في رقبتي بسلسلة

المهم
الوقت الوحيد والمكان اللي خاص بيا لوحدي وانا في الحمام ههههههههه
مع انهم بيخبطوا عليا برضه وشيكو بيعيط طول منا جوة

المهم حطيت مايكب سريع في كيس اورجانزا شيك وحطيتهم في الحمام يعني لما ادخل اتوضى احط بعدها حاجة سريعة
كمان بعد ما برجع من الشغل قررت اني افك الكحكة اليتيمة واحط اي توكه في شعري مع رفعه طبعا علشان الشغل اللي ورايا في البيت

في ايه كمان اه
في غسول للوجه تحفه من ماي واي بيغسل الوش بدل الصابون اسمه بي ويت عن تجربه رائع وبيبيض طبيعي وريحته تحفه
المهم ان حتى ده كنت بكسل اعمله فالنهارده قررت التمرد على كسلي وغسلت وشي بيه الصبح حاسه انه رايق وريحته حلوة

مممممممم شوية حاجت بسيطة بس بتفرق والله حتى في النفسية

ايمان حقيقى ما شاء الله عليكى ما سيبتيش جاجة الا لما قلتيها
ربنا يباركلك فى بوددى ويجعله فى ميزان حسناتك
بس حاولى ما تغيبيش عننا كتير
وكل سنة وكل ستات القاعدة طيبين

الف مبروك الملف الجديد ... ودايما يا رب متجمعين على طاعة الله ... وفي حب الله
عطر حبيبتي انا بجد موش عندي حساسيه ابدا من موضوع اني موش مصريه ...ولا كنت حاطاها في بالي ولا في بالكم ...انا كنت بعبر عن شعور جالي بعيد عن الموضوع ده ... واسعدني جدا كلامك يا قمر
ايمان مرسي يا حبيبتي واحبك الله الذي احببتيني فيه ... ويسلم فمك على البرنامج الرائع اللي كتبتيه لينا ويا رب يقدرنا اننا ننجزه او ننجز اغلبه ...
ميرو برافو عليكي بجد بالنسبه لموضوع بنتك يا اروبه ...
وكل سنه وانتم طيبين ويا رب يعدي علينا العيد واحنا في احسن حال وفي رضا من الله ...