السلام عليكم ورحمة الله وبركاته
مساء الخير لجميع المتواجدين كروشات ونفوسات مثلي
اكيد البنات اللي كانو معاي في قروب شهر 6 عارفين معاناتي واني كنت مطوفه على التاسع بأسبوعين وثلاثة ايام
وكنت انتظر الولاده بفارغ الصبررررررررررررررررر
المهم " كان يوم الاثنين بتاريخ 22-6-1430 صحيت الصبح على الساعه 9 وانا حاسه بألم شديد شوي ونغزات على تحت وشد في رجلي من اعلى الفخذ انا قلت يمكن الم عادي كالعاده ورجعت نمت وطول اليوم ماحسيت بشيء ابداً وقمت نظفت بيتي ومر اليوم بسلام
يوم الثلاثاء كنت مجهده من شغل البيت ونمت من بعد الظهر وصحيت العصر على الساعه 5 ودخلت المطبخ وقمت اسوي لي ولزوجي شيء ناكله لاني كنت مقرره انزل السوق اتسوق وامشي الا واحس بمغص زي مغص الدوره بالضبط يشدني شوي ويروح طبعا بدأ معاي من الساعه 5 الى الساعه 7 وهو كل ربع ساعه يجي ويروح وانا ياقلبي علي مافكرت انها ولاده على بالي بيروح ومن الخوف والله تمنيته يروح
والساعه 7 خرجت مع ابونا هايبربنده وتمشينا شوي الى واحس بالالم وصار منتظم يعني كل 10 دقايق يجيني مغص بأسفل البطن وعلى اسفل الظهر مثل الم الدوره وحده قويه ووحده تعدي على خير ووحده اقوى وعلى هالحال تقريبا ساعه ونص وانا افر واتسوق واتذكر كلام البنات لما يقولون الوحده اذا حست بالم لاتروح بدري كل ماتأخرت يكون احسن وامشي واقاوم انا وكرشتي الطلق اللي كان فيني هههههههههههههه والله رااااااااااايقه في السوق وفي قسم المواعين وما ادراك ما المواعين كل ماشفت صينيه ولا طقم حلو تعلقت فيه وجتني الطلقه ومسكت يد زوجي وشديت عليها والله حااااااااااااااااااااااااااااااااااااال
زوجي قاعد يحسب الانقباضات كل كم وانا اتقضى خخخخ وفيني جوع قمت على قسم الحلويات مفجوعه :f226:
ولما شد الالم خرجنا بسرعه ولما صرنا بالسياره قالي زوجي وين على المستشفى خلاص مع العلم اغراضي كلها كانت معاي بالسياره يعني ماكنت محتاحه البيت لكن فضلت اننا نرجع للبيت >>>>>>>> امحق من خوف
رجعت البيت واخذت دش وشربت كوب حليب دافيء واكلت تمر وجلست اقرأ الاذكار وكم سوره في المصحف وكلمت اختي وسألتها اروح ولا لا قالت لي اذا كان كل 10 دقايق خلاص روحي يامجنونه ليش قاعده تبين تولدين في البيت!!
انا هنا حسيت على دمي >>>>>>>>>> ماكنت اصلا ناويه اروح مادري وش جاني خوف ورهبه وتوتر
قمت الساعه 11.30بالضبط وطلبت زوجي نمشي المستشفى>>>>>>>>>>> صارت طلبه :icon33:
وعلى طول ع المستشفى وصلت الطواريء ودخلت الساعه 12.30 على الدكتوره المناوبه وقالتلي اطلعي على السرير اكشف عليك
((كشفت))
وكان الرحم مفتوح 4سانتي
كتبت لي ولاده وقعدت في سرير في الطواري وحطولي جهاز التخطيط على بطني وقياس نبض الجنين وركبولي وصلة المغذيه
وقعدت آمنه مطمئنه لم يعكر صفو صوت جهاز قياس النبضات الا آلام التقلصات اللي كان يجي ويروح
وفجــــــــــــأهـ
ومن غير سابق انذار >>>>>>>> تحلم بالانذار في الطواري :laugh2:
الا ووحده داخله بعربيه ويجلسونها الممرضات على السرير ويسحبون الستاره وهي تصارخ وتصيح بولد بولد ولا 5 دقايق الا وهي والده وسمعت صوت النونو وسمعت كل شيء طبعا
هنا بدأ القلق عندي يزيد وصارت دموعي كذا :icon33: من غير صوت
وبعدها قمت اتمشى في الاسياب وجلست مكان الممرضات اسولف مع ممرضه هناك زوجي كان موصي زوجها علي وهي ماقصرت حتى الاكل جابت لي ولما صارت الساعه3 الفجر جهزو غرفتي للولاده وركبت العربيه وعلى قسم الولاده ودعت زوجي ومشيت وكنت اشوفه واقف عندالباب وقلبي بيتقططططع عليه شال همي بقووووووه الله يخليه لي يارب
والممرضه توديني لقسم الولاده :11retcher كنت ادعي ان ربي يسهل علي وعلى كل مكروبه \\ دخلت قسم الولاده الفعليه ودخلت غرفتي الخاصه وكان النور فيها قوي بالمره مو مثل الغرفه اللي بالطواري وكان فيها ممرضه امريكيه زنجيه وكانت جدا حبوبه
ندخل في الجد؛؛
اخذت مني تحليل بول الله يكرمكم وركبت لي المغذيه والتخطيط والاكسجين وجلست اشفط فيه مدري اش السالفه والانقباضات كانت كل 5 دقايق
على الساعه 4 دخلت دكتوره باكستانيه وكشفت لقت الرحم مفتوح 7 سانتي وفكت موية الراس وخرجت وركبت لي الممرضه اللي كانت معاي قسطره طبعا خايفه لا اروح للحمام ويصير شيء لاسمح الله لان الطلق كان ماشاء الله عندي منتظم
ومن الساعه 6 الى 7 وانا رايحه في الرجلين من الالم وكل ماجاتني الطلقه مسكت السرير وانادي امي امي امي >>>>>>> ومحد حولك
وكانت الممرضه مثل العافيه على البدن تمسك ظهري وتصلحلي مساج و والله كان يخف الالم شوي
ولما جات الساعه 7 تمام بدلت الممرضه مناوبتها مع ممرضه فلبينيه انا هنا انهرت وكنت ابكي على الممرضه واقولها ستي وذ مي بليييييز (خليك معاي) وهي ودها تجلس لكن الارهاق باين على وجهها كانت تبي تطلع
المهم استلمت المناوبه الفلبينيه وكان لما تجيني الطلقه تحطلي الاكسجين اللي في مخدر ووالله يابنات ماكن ينفع نهائي احس بدوخه لكن الالم موجود
ولما عطتني مره ثانيه رفضت وما اخذته لاني شفت ان ماله اي فايده تذكر
وعلى الساعه 7ونص جاء الدكتور المناوب اللي يشوف الحالات الموجوده وكشف علي مع اني ماكنت ابي رجال يكشف علي لكن للضروره احكام وهو كان عارف شغله يعني بثواني كشف وقالهم ولاده خلاص وخرج
جهزو وضع الولاده على السرير :icon810: ودعيت بكل اللي في بالي ولاخواتي في التجمع اللي تذكرتهم وكان معاي قابله سعوديه ودكتوره مصريه والممرضه الفلبينيه وقالولي شدي على السرير وخذي نفس وادفعي بنفس طووويل وفعلا يابنات يبيله دفع بنفس طويل ودفعت مره واثنين وثلاثه وماكان فيه فايده وقالت لي الدكتوره يلا المره هذي خلي الدفع اطول واقوى وكانو يشجعوني ولما شافو ان مافي فايده صلحت الممرضه شق بالمقص ودفعت بعدها مرتين وكانت الاخيره قويه وساعدوني بضغط على بطني وطلعت احلى طفله في الدنيا :04: بنوتتي الغاليه وحطوها على بطني وقصو الحبل السري وشالوها وسمعت صوتها وكان احلى احساس والله في الدنيا بعدها طلعت المشيمه ونضفت مكان الخياطه وخيطت وللامانه الخياطه الداخليه ماحسيت فيها لكن الخارجيه كانت مؤلمه شوي ولما كانت تخيط ماكان على لساني غير هاتو بنتي هاتو بنتي كنت متحمسه المسها واشوف وجهها بوضوح بقوووه
خلصت الخياطه ودخلتني الحمام وانتو بكرامه واخذت دش خفيف ولبست ملابسي وخرجت واخذت احلى بنوته في حضني وعلى قد التعب اللي كان فيني والفجعه من احداث الولاده ومن اللي ولدت وسمعتها في الطواري واصوات الحريم اللي يصارخون وانا انتظر وقت ولادتي الا اني كنت فرحانه ببنتي المتغليه اللي مليت وانا حامل فيها
وجات على خير :icon28:
وفرح :arb: لما بشرته بولادتي
كانت ولادتي الاربعاء 24-6 الساعه 8 الصباح ولله الحمد
وصارلي من لما ولدت 21 يوم باقي نفاس لكن حبيت ادخل وابشركم اخواتي وحبيباتي وابلغكم بالقصه كامله واعذروني على الهدره وعقبال كل الحوامل الله يخارجهم على خير يارب :26:
وسلامتكم ..
همسةحب3 @hmshb3
عضوة فعالة
يلزم عليك تسجيل الدخول أولًا لكتابة تعليق.
حمدالله ع سلامتك ماشاء الله عليك ماكتبتي شي عن الالم يعني ريحتينا حسستيني ان البنات يبالغون بألام الولاده
ان شالله يبالغون.... ابي اونس نفسي
ان شالله يبالغون.... ابي اونس نفسي
الصفحة الأخيرة
بس جد ضحكتيني طلق وتتسوقين ههههههههههههههههههه
ياشين البكريه الجاهل ذكرتيني بنفسي :(