هلا بنات شخباركم ويش مسويين والله لكم وحشة

ساره تراني زهقت و انا دخلت السابع بس الشريط ما تحرك ...


علامه تعجب

هلا حبيبتي اشحالج يالغاليه
و شخبار البيبي ؟؟ بنت ولا ولد

لموووووووووووووووووووويه

من اي ماركه تستخدمين الشامبو والصابون وكريم بعد السباحه والباميرز حق عمر وناويه تستخدمينه للبيبي...

فراشه كتبت موضوع وذكرت mustela وهو طبي وانا سمعت عنه من قبل بس مااستخدمته

اتمنى البنات بعد يفيدونه؟؟

عن نفسي كنت استخدم لرشود سيباميد لانه طبي ما احب استخدم غير الطبي بس مليت منه خاطري اغير...

كبرى
بخصوص خط النت ترا ريلي لازم بحطه لانه ما يستغني عنه ويفكر يشتري كيمره عشان نشوفه بالصوره :22:

ام ليال
صوري المنشفه اريد اشوف شكلها

راس المعزه
استويتي مثلي ريلج بعد بيسافر
انا من الحين يقولي عندج شهر عشان تخلصين اغراضج يبغيني اخلص كل شي حتى للعيد يقولي خوري وخليه وحتى للمدارس يبغيني اشتري :eek:
امس وديت بنتي تويز ار اص قلت الها بشتري حق اخوج لعبه بمناسبه النجاح ويوم راحت :eek: يلست تلفلف المحل بكبره اكثر عن مره وتقول بشتري هذا يوم بنجح وبشتري ذاك قالي ريلي حرام عليج خبلتي بالبنت :22: شورايج بالحركه عشان تشد حيلها وتنجح
في ولدي كان زوجي وده يسميه عمار ويلست مرت اخوي دائما تضحك وتقوله هااااااااا ولدك بيطلع فلسطيني واهلي بعد كانو يضايقونه بالاسم فسماه سعود وهذي المره يقولي سميه انتي والين الحين ما خبرت حد عن جنسه ماريد اسمع نغزات افكر بعمير

مالي عيني
حق الغازات حاولي تمشين او كرمج الله يوم بتروحين الحمام بتجلسين على المرحاض اذا كان افرنجي اجلسي بوضعيه حمامات اول هذي الحركه زينه اذا كان عندج امساك

لمووويه
توقيعج مكتوب 26 اسبوع 4 ايام يوم بتكملين 27 بينتقل للسابع هذا حساب الشريط

الاريام
في بيبي شوب يايبيين قماطات غريبه روحي شوفي يمكن تلقين نفسه

البسمه
الاغراض الي تكون معروضه الحين ما يعرضونها في التنزيلات واكثر المحلات يوم تسوي تنزيلات يكون موديلاتهم قديمه
هو الزين التنزيلات للسرير او الكبت او سله للبيبي يعني من هذي الاشياء

الاريام
استعملهم ماركه مذركير لكن بنتي الثانيه تحسست منه فستعملت سيباميد زين الي عنده حساسيه