( قــــــــــصة ولادتي بعبودي)
طبعا بعد حوسه في قسم الحمل والامومه وبالتحديد ملف تجمع بنات المدينه كنت اقرا ومتررده ومو مقررره اولد فين وكنت خااايفه خووف مو طبيعي رغم اني مو بكريه عندي بنوته بس في حملي في الطفل الثاني زاد الخوف
المهم ياحبيباتي كل ماقلت بروح لدكتورة معينه اخاف وقلبي ينقبض يا وحده تمدح يا وحدة تذم
طبعا كنت مقرره على اساس اروح مستشفى الاحمدي بالمدينه وبالفعل رحت عشان على الاقل
اعرف مصيري اذا بولد عند الدكتوره اللي مدحوها واكيد يعرفوها حوامل تجمع المدينه الدكتورة فوزيه بسيوني
ور حت مع امي وماعجبني الوضع زحممممممه مووووت وعندها حالة ولاده ومادخلت عندها خرجت
وامي قالتلي لالا ماينفع استخيري وشوفي مستشفى ثاني
المهم استخرت ورحت لدكتورة ياناس عليها ماشاء الله عسل ربي يسعدها حرمة كبيرة ودينه وذكر الله على لسانها وهادا اهم شيء عندي وماشاء الله خبرة طويله في مجالها
رحت اتخيلو بنفس اليوم اللي ولدت فيه على اساس كشف عادي
طبعا اختكم في الله كانت معزومه وسهرانه عند قريبتها المهم وانا راجعه البيت في السياره حسيت بمغص وقلت لي امي انا خلالالاص بروح لعفت ماينفع اصبر اكتر من كدا وهادا مافتحت ملف يعني متااااااخرة مرررررة
رجعت البيت غيرت ملابسي واخدت شور ورحنا المستشفى
الحمدلله رحت بدري وماعندها زحمه دخلت تاني وحده سالتني اسئله روتينيه كم طفل عندك ولدتي طبيعي ولا قيصري .....؟؟؟ الخ
وشرحتلها حالتي اني جيت من سفر من اسبوعين وتعبانه وحاسه بطلق يروح ويجي
قالتلي اطلعي على السرير نطمن على وضع البيبي سوتلي سونار قالتلي ماشاء الله المويه كويسه والراس تحت لكن حجمه صغير شويه
بعدها كشفت عشان تشوف الرحم وانا وقتها خلالاص مرعوبه قالتلي اتخيلو ماشاء الله مفتوح اربعه سانتي بعدها سار وجهي كدا
جلست هيا على المكتب وانا خلصت وجيت اكمل هرج معاها طالعت في الساعه وكان وقتها 10 ونص صباح قالتلي خلاص ان شاء الله كدا بعد العصر تكوني ولادة
اختاري المستشفى اللي تبغيها طبعا انا قررت في اللحظه الاخيره على المطبقاني
قالتلي على اجراءات الدخول كيف والاوراق وخلاص خرجنا ايوة بما انو متاخره حتى تحاليل ماسويت
بس سوتلي تحليل دم عشان تشوف نسبة الهيمو جلوبين
خلص الوالد واخويا الاوراق ودفعو الفلوس طبعا زوجي للاسف مو معايااا انا عند اهلي
رجعت البيت الساعه 11 ونص والالم كل مالو يزيد شيكت على اغراضي واتجهزت ومشيت شويه في البيت حتى خلاص مو قادرة امشي سوتلي امي قرفه وشربتها بس كوب قلتلها اخااف تقفل الرحم
وقعدت اتالم لحد الساعه 2 الظهر دقيت على الدكتورة قلتلها خلاص مو قااادرة اصبر معايا الم
قالتلي خلاص اتوكلي على الله وروحي المستشفى وانا حاجيكي على هناك
رحنا وجلست في الغرفه عبال ما سوى ابويا الاوراق
ودوني انا وماما غرفة المخاض لوحدي ونمت على السرير جاتني قابله تونسيه كشفت عليا قالتلي 4 ونص
وعملت التخطيط اللي اكرهه من قلبي بعدها جات الدكتورة على الساعه 3 ونص وقاستلي لقتو 5
الحمدلله معايا طلق وبيفتح الرحم
وجات الساعه اربعه العصر والالم يزيد ويزيد وانا اااااه واااه ظهري خلاص الطلق حاااار وامي مرررة خايفه عليا قاعده مقابلتني
جات بعدها واعطتني حقنة شرجيه واقلها ماابغى انا مااخدتها في بنتي طبعا مو دكتورتي اللي اعطتني هيا لا القابله
وقالتلي يلا روحي الحمام الله يكرمكم وفرغي مزبوط هههههه قعدت اضحك
طبعا انا كل شويه رايحه جايه على الحمام احس بس ابغى اتبول كل ماجاتني طلقه نقزت على الحمام خخخخخخ
خلاص قرب الرعب
جات الساعه 5 ونص جات الدكتوره قاستلي قالت خلاص 6 شويه كدا حنفتح مويه الراس
فتحتها على الساعه 6 المغرب وانا بعدها صرت زي المجنونه على السرير سبحااان الله طلق الولد غير عن البنت
واعطتني ابره اعلى الفخذ حتى ماادري ايش هيا يبغالي اسئلها
ااذن المغرب قالت الدكتوره خلاص ماشاء الله اسمعي الاذان واقري الزلزله اهو دحين حندخلك الغرفه وشويه الا خالتي ناطه علينا سرت اقولهم ابغى الحمااااااااام
قالتلي حمام في عينك دحين بتدخلي
وجريت جري على غرفه الولاده اقولهم يدف يدف وهما وريا يمشو بالسيب بركة مانزل في السيب
كلو من القابله التونسيه اتاخرت ماجابت كرسي
وانقز على سرير الولاده وامسك المساكه واضغط سارو يقولولي اكتمي نفس اكتمي نفس ودفتين ونزل الحمدلله احلى عبودي
حطوه على بطني وسبحان الله نزل مكيس فكو الكيس عن وجهه وجسمه
وامي وخالتي حضرو الولاده وشافو كل شيء مسكينه احزن وانا في اسوا حالاتي شافوني
وحطيت الكمام بعدها ماحسيت بشيء بس اسمع صوت بكاء يتكررر وحاسه بنجوم وكاني في عالم تاني
خيطت وخلصت وودوني غرفتي اعطوني المغذي وابر مسكنه نمت ساعه كدا وصحيت دخلت الله يكرمكم غسلت جسمي بمويه حاااره ولبست بعدها حسيت براااحه تامه
بعدها ارتحت وبدات عاد الاتصالات
وجات بنوتتي الصغيره وشافتني بس تطالع مستغربه على الوضع الجديد
والحمدلله على كل حال...
بنات المدينه أي استفسار او سؤال أنا جاااااااااهزة بخصوص المستشفى والدكتورة ( عفت البكل)
اتمنى لكل وحده في فسم الحمل والامومه الولاده السهله الميسره
واعذروني على الاطاله
ولدت يوم الخميس 13-11- 1431 ه
صح نسيت اقولكم ماكملت التاسع اخدت بس اسبوعين منو وولدي جاء زغنطوط..
اضافة/ سعر الولاده 3200 شاملة كل شيء
الخياطه/ تجميليه اصلا عفت تسوي تجميليه من غير ماالوحده تطلب
الحمدالله على سلامتك
وعالبركه ماجاااااااااااك