السلام عليكم يالغاليات,,,,
حبيت اليوم اذكر لكم قصة عمرها خمس سنين حدثت لي محاكيتكم ,,,,وتحديداً يوم كان عمر ابني البكر سنه وثلاث شهور توه فرحان بالمشي في شهر رمضان المبارك اعاده الله علينا واحنا باحسن حال قاعدين على الفطور.. ومكانها بيت اهل زوجي..خرج الرجال لاداء صلاة المغرب ونحن الحريم قاعدين على الفطور وطبعا هي لحظه الا وابني اختفى قمت مثل المجنون :o وصرت اركض ماني عارفه وين ادوره ورحت للباب الرئيسي ولقيته مفتوح وعرفت تلقائي انه طلع واخذت عباتي وصرت اركض في الشارع اللي للاسف ماكان فيه احد ..وبدأت الدنيا تظلم وصارت ام زوجي تركض في شارع وانا طلعت الشارع وانا منهارة مادري وين اروح الله لايوريكم اللي شفته والتفكير ذبحني مادري الولد في اي شارع هو اندعس اولا احد خطفه كل حاجة جت في بالي بس كنت لحظتها اتمنى اشوفه لوميت ولا يضيع ماادري وين ارضه.....وتلقائي صرت اركض في شارع وكان فيه اتجاه يسار ويمين وتلقائي من نفسي اتجهت يمين وكان معي اخو زوجي صغير يركض معي ومنهار مثلي ..وفجأه لقيت ناس متجمعين ..وانا وقفت اناظرهم وفجأه التفت علي واحد منهم ..,وقالي: انتي تدوري على ولد صرخت لاشعوري وقلت ايوه..قال هذا هو والدنيا ظلام ماشوف حاجة قلت ايه هو وصرت اركض له ومسكت الولد..........................
^
^
^
^
^
^
^
والحمدلله طلع ابني ضميته واخو زوجي يقول الحمدلله لقبناه وصار يركض من الفرحه اما انا انهرت في مكاني من البكاء
وقاعده ادعي للشخص الي كان ماسكه والى الان وانا ادعي له الله يوفقه وين ماراح ورجعت للبيت وصار الجميع يبكي
معي..وصرت الان مايغيب احد من اولادي عن نظري سببت القصةلي اثر نفسي اني افقد احد من اولادي ,,وصرت حتى ماتركهم عند احد اخذهم معاي وين ماروح...والحمدلله انهم في حضني ..اكتب لكم ورجعت للقصة ونزلت دموعي لكن حبيت اشاركم قصتي....
وشكرا لكم
الحلاغند @alhlaghnd
عضوة فعالة
يلزم عليك تسجيل الدخول أولًا لكتابة تعليق.
قلب إمرأة
•
ايضاً القصة أثرت في حين قرأتها وكان همي أن أصل إلى نهايتها وأن تكون نهاية سعيدة ,الحمد لله على رجوعه بالسلامة والله يوفقه وينجحه في حياته وتفرحي به وتزوجيه وتربي أولاده , وكل عام وأنت بخير ياغالية .
ديم 511
•
الحمد لله على سلامته
الله يعينى صراحه الاطفال في هالعمر اشقياء الامن رحم ربي
ع العموم الله يحفظ عيالك ويحميهم ويخليهم لك يارب
الله يعينى صراحه الاطفال في هالعمر اشقياء الامن رحم ربي
ع العموم الله يحفظ عيالك ويحميهم ويخليهم لك يارب
الصفحة الأخيرة