السلام عليكم كيفكم حبيباتي
انا الان والده ولي قرابة عشر ايام الله يعدي الايام الباقيه على خير لان بصراحه النفاس ممل وطوييييييييييييييل :09:
المهم بدات عندي الطلوق بتاريخ 1 وجلست ليوم 3 وبصلاة العصر شفت شويه دم مع افراز وطبعا من بداية التاسع وانا بين فترة والثانيه اشرب حليب محلى بعسل وشوية زعفران
ولما اذن العصر طبعا انا مجهزه كل شي شنطتي وشنطة البيبي وبعدها رحت امشي شوي بالبيت وكانت معاي وحده من خواتي الله يسعدها وين ماراحت ويرزقها ماتتمنى جات وقرت علي الاوراد وكمان قرتلي بمويه صحه اخذتها معاي
المهم وبعدها عالساعه 4 انطلقت عند الدكتوره بالمستوصف اللي هي فيه وفحصتني قالت اوكي ولاده وهووووووووووووووووب رحنا وكمان هي ركبت معاي انا وزوجي السياره وتوجهنا لمستشفى الولاده
دخلت وقالتلي امشي شوي بالمستشفى حتى تخلص اوراق الدخول والخرابيط حقت الولاده
وبعدها دخلنا الغرفه على صلاة المغرب قمت طلبتها اني اصلي قبل نفتح كيس الجنين
وبعد ماصليت دخلنا في موجة التجهيزات (شيل الملابس _ تركيب المغذيه _ تركيب جهاز الطلق_ الخ)
طبعا بهالوقت كنت على طول استغفر واقراء طبعا لولا الله ثم هالدكتوره ماكان قدرت اقول كلمتين على بعضها بس الله يجزاها الجنه جلست عند راسي وتذكرني بالاذكار ومع الوقت بدا الطلق يزيد وركبتلي الاكسجين ونمت معاه وكانت كل دقيقتين تجي عند راسي وتقرا وانا اسمعها زي الحلم
وبعد كذا جات ساعة الدفع شلت الاكسجين وجلست ادفع معاها وربي سهلها ولله الحمد
طبعا لابد من الالام والحمد لله على كل حال بس وربي يابنات انه لما كانت بتخيط ماكنت ابد احس بشي
وبعد الخياط جو الممرضات ونظفو ولبسوني وغطوني ببطانيه لان خبركم المكان بررررررررررد والجو شتوي
وبعد ساعه نزلوني غرفتي وياااااااااااااازين التعامل ويازين الغرفه حشى مو مستشفى الا فندق بجد كان رووووووعه ومريح و
خدمتهم تهبل وكل الممرضات عندهم اخلااااااااااااااق وبالاخص وحده مادري تونسيه او مغربيه اسمها هاجر كانت قمه بصراحه ومعي في الولاده طول الوقت
المهم بعد ماحطوني بالسرير وعلى ذيك المفرش ياااااااازينه يهبل لو مالفشله كان سرقته :35:خخخخخخ ابد مو شايفه خير بس والله اني صادقه لان كل مره اولد مايحطون ذيك المستشفيات الا الابيض وععععع ملل ودنا نغير
ذولي مفرشهم ساتان ولونه عنابي وكل الغرفه طقم يااااااااااااااالبيه
المهم وبعد نص ساعه جابو شوربه وشربتها ونمت شويتين وافز ابي بنيتي من خبالتي ومن الزين اللي شفته بالمستشفى نسيت اني جايبه بنت:04: قلت اني طالعه بفندق خخخخخخخخخخخ
ولما قمت طلبت البنيه عشان ارضعها وجابوها لي وطبعا توقيع عالدخله وعالطلعه
والحمد لله صحة البنيه تمام
وبعدها رجعتها وكملت نومتي وماقمت الا الساعه 9 تقريبا الصباح وطبعا انا قلت ابجلس يوم واحد واطلع اذا الاحوال تمام والحمد لله كانت تمام جتني الدكتوره وكشفت وسجلتلي خروج بس بعد مانخلص الاجراءات وعلى بال مايخلصها زوجي جتني فلبينيه للمساج تقول يامدام هذا هديه من مستشفى عاد انا هنا يووووووووووووووووووووه حالة اغماء :11retcherعلى طول رجعت للسرير وانبطحت على بطني << المحلها ان ظهري يوجعني موووووووت خخخخخخ
وبعد هالبريك المريح والله يابلاوي طلعت ماتصدقون وارتحت بعدها ولله الحمد
وبعدها بشوي تجيني وحده تقول عندك جلسة كوافير استشوار وميكـ اب خفيف للاستقبال ومتى تبين احجزلك عاد هنا انا الغيتها لان ابد مالها داعي الا للي بيجيها زوار وانا على وشك خروج والا والله يازينها من جلسه :icon18:
المهم طلعت عالساعه 3 العصر والحمد لله اللي سهل الولاده وجت هالبنوته بصحه وعافيه
عموما انا طولت عليكم بالهرج والقرقره بس ادري انكم حريم وودكم بالهرج الطويييييل
واي وحده تبي اسم المستشفى او اسم الدكتوره وعنوانها ترسلي عالخاص
واي اسئله انا جاهزه عالعام
اعذروني ياخواتي عالاسلوب والله اني اول مره اكتب زي هالموضوع
وبالختام ابي دعواتكم من كل قلب ان الله يحفظلي عيالي ويصلحهم يارب
تحياتي
هم مايلتم @hm_mayltm
عضوة نشيطة
قــــــ ولادتي ــــــــصة بافضل مستشفى وعلى ايد افضل دكتوره بالرياض << حياااااااكم
43
5K
يلزم عليك تسجيل الدخول أولًا لكتابة تعليق.
هم مايلتم
•
اييييييييييييييييييييييه نسيت اقولكم انا باذن المولى لي عوده معاكم بموضوع طبعا بعد ماخلص ال40 راح اكتب نظامي بصراحه انا الى الان مرتاااااااااااااااحه عليه وباقولكم عن نتايجه ان شاء الله
ماشاءالله تبارك الله
الله يعينك حبيبتي والف مبروك والحمدلله ع سلامتك
احب اقرا هذي القصص
مشكووووره
الله يعينك حبيبتي والف مبروك والحمدلله ع سلامتك
احب اقرا هذي القصص
مشكووووره
الحمد لله على السلامه وعلى البركه البنوته
بس يااختي ليش ما تكتبين اسم المستشفى هنا ليش لازم على الخااااااص وش السر
بس يااختي ليش ما تكتبين اسم المستشفى هنا ليش لازم على الخااااااص وش السر
الصفحة الأخيرة