قفلت من عندها وهي تبكي ...وش تنصحونها يابنات ؟؟؟الرجاء المساعدة

بسم الله الرحمن الرحيم

يااخوات شكرا لكم على تعاونكم ومساعدتكم للبنات في اوقات الأزمات

اليوم انا اطرح هالمشكلة حقت صديقتي ...ويوم حكيتها على منتداكم قالت ..حطي المشكلة عندهم عشاني القى لها حل




صديقتي دوبها عروس مالها إلا 6 شهور متزوجة وتمدح في زوجها انه طيب ومايرد لها طلب ...
لكن المشكلة مره طالعت في جواله يعني عادي تبى تشوف مب حاطة في بالها شئ ...
وتشوف رساله منه لها يقولها العصر اليوم اكلمك ان شاء الله " طبعا الإسم إسم ولد " مو بنت
وهي من لهجة الرساله عرفت إنها لبنت
وفي رساله ثانية مرسوله لها فيها صورته
انصدمت وتقول رجولي ماشالتي ...وحست بالظلم والإهانه تقول أنا مومقصرة معاه في شئ وهي تحبه وتعزة عشان كذا ماعلمت أهلها ..لأنهم راح يشلوون همها وهي تقول انا مابا ابعد عنه ...وفوق هذا إن أهلها مايرضون بذا الشئ وممكن تصير مشكلة اكبر

اشو سوت :::
كلمت امه وأبوه "على فكرة وقتها كان في الحمام" يعني مايدري اتصلت على امه وابوه قعدت تبكي
وقالت لهم تعالو -- شافها تبكي ..سألها شفيك ..عطته الجوال ..وهو فهمها وعرف انها شافت الرسايل

يوم جو امه وابوه - وأهله علاقتها معاهم جدا طيبة - دخلت معاهم جا بيدخل عيت وقالت له بقعد معهم لحالي
وقالت لهم السالفة - قعدت تسال انا بيش مقصرة وش سويت -ومااستاهل منه كذا
دخل ابوه وتخاصم معاه - وهي كانت تبكي - وامه تهديها .- وهو رمي الجوال واخذ الشريحة وقال انا ماني راجع

المهم انه مارجع إلا اليوم الثاني في الصبح ..ولما نام نام في المجلس - موفي غرفة النوم -
وبعدها كتب لها رساله ..واعتذر منها ..وقالها ان علاقته بها من قبل مايخطبها
لكنها بنت ناس --- من الرياض -- وكانت تعرف زميل له --
ولما زميله تخاصم معاها -- ولانها واصلة -- نقلته من منطقتنا للرياض
---
هو يقولها مو عارف يتخلص منها خايف تسوي له مصيبة ومن قبل كانت تسدد فاتورة الجوال
وتسلفه لما يحتاج --

بعد ماوعدها انه مالها علاقه به ...وغير رقم جواله -- في السجل رساله منها -- واتضايقت اكثر

وقال هي بعد ماغير الرقم اخذت الرقم من اخوه --واتصلت عليه -- والبنت رقمها موزع عند العايله كلهم ماشاء الله حتى زوج اخته عنده الرقم

زميلتي انفعلت ودقت عليها --- وتهاوشت معاها وسفلت فيها

وهي تتصل على زوج زميلتي --وتشتكيه على حرمته

وطبعا لانها تعرف الجماعه كلهم -- صورها كانت عند وحد من الشباب -- زملاء زوجها
هي تبي تاخذ الصور وتحطها بالإنترنت ؟؟؟شورايكم

صدقوني فكرنا في حل مالقينا وماعرفت لا إنا ولا هي

وقالت هذا الحل الوحيد """ البنت واصلة وممكن تسوي مشكلة لصديقتي وزوجها """"

والشئ الثاني : هي تقول انها ماهي عارفة كيف تتعامل مع زوجها صارت ماتثق فيه
طول الوقت تبكي --- وتشك فيه
يعني كيف تتعامل معاه هو اعتذر لدرجة انه بكي --- وبكي ---- وبكي--- لين ماقبلت إعتذاره

بس شاكه ماهي قادرة تنسى القصة

شورايكم بتصرف صديقتي لما علمت أهله ...؟؟؟؟

وكيف تتعامل معاه ""لانه عنده دوام بالحج وهي عند بيت اهلها """"؟؟؟

وترسل صور الآدمية في النت ...وإلا وش الطريقة ساعدوها البنت مابتفك عنه ولا بتخليه ؟؟؟