السلام عليكم ورحمه الله وبركاته
كيفكم يابنات ..
اسئل الله العظيم انه يبلغنا رمضان ويبارك لنا بشعبان ..
ويرحم موت المسلمين يارب ويدخلهم جنات النعيم
بنات قبل لا ابدأ بالموضوع احب اقولكم اني انا من النوع اللي يحب يكتب الموواضيع
من بعد تجربه وبعد ما اتاكد وبعد مااشوف فرق كبير
مو من النوع اللي يجرب شي وتوي جربته اكتبه
مفروض اننا نجرب ونشوف ونحكم واللي حولنا يعطونا شهاده ع التجربه ثم نحط موضوع
فيه كثير هنا مع احترامي لهم كل خلطاتهم لا تفيد ولا تودي ولا تجيب
الله يهديهم ويصلحهم ..
طبعاً بدآآية رآح اعرض موآآضيع السآآبقة اللي عن تجربة مو اي كلآم منقووول ..
7
7
7
سآقك فيه "شعر تحت الجلد - حبوب وبقع " تعآلي عندي ورآح تتخلصين منها بأذن الله<< بالصور
قنآع الآميرآآت وش يسوي عن تجربة.. لاحد يشكي من مشآآكل الوجة من بعد اليوم << بالصور
ج ــدول للع ــنآية بالوجه والرقبة .. من السبت حتى الخميس .. بالصور..
نبدا بالموضوع ..
بنات قبل فتره قريت موضوع هنا عن الترمس المر بعد ازاله الشعر بالموس
وركزوووو معي بكلمه موس مو حلاوه موووس
تقول البنت الترمس وظيفته مثل الليزر .. تقولون كيف اعلمكم
الليزر قبل لاتجيهم يقولون لك شيلي شعرك بالموس والترمس مثل الليزر
طريقته شيلي شعرك بالموس بعدين حطيه والترمس المر
قوي ع بصيله الشعره يضعفها وبكذا الشعره تجيك خفيفه وبعدها تختفي بالمره
مرارة الترمس قويه ع الشعره عشان كذا الترمس مثل الليزر واحسن بعد
حنا نخسر ع الليزر بالالف وبعضهم يقولون ماجاب نتيجه وتضييع فلوسها
انا اقولك مع الترمس اخسري 10 ريال وانتي تضحككين ..
الليزر يقولون يستخدم 8 جلسات وتفيدك ..
انا اقولك الترمس بعد فيه جلسات ..
انا كل جمعه كل عصر اشيل شعري بالموس
انتي حددي لك يوووم مناسب
نجي للطريقه ...
اول شي خذي ترمس مر مطحون من عند العطار ذوقيه اذا جاك مررر اعرفي ان هوو ..
خذي مقدار كوب الجبنه
مقدار ثلاث اكواب مويه حاااااااره مع كوب واحد ترمس مر
يعني ثلاث اكواب مويه ÷ كوب ترمس
حطيه باي شي عندك قدر طاسه اي شي بس يكون حديد ويستحمل الحراره
وغطيه وحطيه بالثلاجه يوم كامل ..
انا اسويه بالفجر واليوم الثاني الفجر اطلعه ...
بعدين صفيه بالصفايه يطلع لك مويه شويه معليش عااادي خذي هالمويه
وحطيها بغلبه بخاخ تكون نظيفه وانصحك ماتاخذين علبه المنظفات لانها مهما
غسلتيها ماتروح الماده اللي فيها من العلبه ..
طبعا اللي صفيتيه لا ترميه اصبري بقولك كيف تستفيدين منه
...
الاستخداام ..
ادخلي الحمام نظفي نفسك بطريقتك المعتاده بعدين غسلي جسمك بالمويه ...
شيلي جسمك بالموووس بشويش بدون تجريح ولا احد يقولي وش نوع الموس ..
عااادي اي موووس معروف الموس لو العااادي الموهم موووس..
بعدين غسلك جسمك بالمويه نظفيه من الشعر ..
نجي للنقطه الاهم مو احنا بعد ماصفينا الترمس باقي ترمس ..
خذي منه اربع ملاعق او خمس مع نص علبه زبادي مو كامله
مع شويه ليمون انا اقسم الليمون نصين استخدم نص واليوم الثاني استخدم النص الثاني
حطي هالخلطه ع جسمك حتى الوجه لمده 10دقايق انا ادخل
بالجوال في الحمام احطه صامت عشان بس احسب
هالخلطه مو بس تاخر نمو الشعر ..
تصفي.. تنعم.. تنظف.. تبيض \بس مو من اول استخداام !!
استخدمي الخلطه لحد مايخلص الترمس اللي صفيتيه ولا تسووون الا بالجلسه الثانيه
بعدين اذا غسلتي الخلطه نشفي جسمك وحطي المنقوع حق الترمس انتظري 10 دقايق
وهو ينشف لحاله انصحك لا تنشفينه هو ينشف لحاله
بعدين حطي لونشك المعتاد وعيشي يومك ..
حطي من المنقوع باليوم خمس مرات بعد كل صلاه عشان ماتنسين
...
النتاااايج ...
الجلسه الاولى : كنت ببكي الشعر يوم رجع رجع دبابيس يخرع وقلت يابنت واصلي
ماوراك شي وانتم اللي متزوجه انتبهي من المحرووس اللي عندك لا يحس جسمك انه دبابيس
الجلسه الثانيه : لاحظت ان نمو الشعر تاخر مو مثل اول بس برضو دبابيس بس مو قرف مثل اول
الجلسه الثالثه : حسيت ان فيه فراغات بيدي وكتفي الشعر مارجع وفخذي اخف بكثير
الجلسه الرابعه : اختفى شعر بطني وظهري وكتفي ويدي وفخذي
الجلسه الخامسه : بصراحه انا وقفت عند الجلسه الخامسه تقريبا للحين شعري مانبت\بس شعر ساقي والمنطقه الحساسه والابط باقي يبي لهم صبر شوي صحيح خف الشعر بس باقي فيه شعر
ولازم اصبر واواصل لحد مايختفوون .
بنات لحد يقول يوووووه مليت ماعاد اصبر اذا مافيك حيله لا تخاطرين وتغامرين ..
واذا بتقولون ليه شعرك ما خف بالنسبه للساق انا اقولكم
لان شعري غزير عايلتنا الشعر فيها مكثف
وكل بنت عن بنت تختلف يمكن انتم تحصلون نتيجه من ثاني جلسه بس انا غير
وانتبهو تجربووون بالوجه لحد يقولي والوجه لا لا لا ..
وهذه تجربتي للترمس ..
والسلام عليكم ورحمه الله وبركاته