قلبـي يعـورني

السلام عليكم يابنات


حبيباتي الله يخليكم انصحوني وش اسوي بنات تعبانه وضايقه فيني الوسيعه


انا كنت مخطوبه لشخص (ماملكت بس خطبه) احبه مره بس مريت بظروف واجد معاه ومشاكل وجروح المهم وافترقنا وانا كتبت هالشيء هنا من قبل ..

وانا شهور طويله مو قادره انساه وانسى الجرح لانه الانسان الوحيد اللي جد تمنيته وحبيته من كل قلبي ، المشكله اني ابي اقطع هالصفحه وارتبط بغيره مو قادره ماني متقبله ابدا اكون لغيره ،انخطبت كذا مره ولشباب كويسين ويبوني جد بس كلهم رفضتهم مو قارده اتقبل فكره اني اتزوج غيره ابدا..


يابنات انا طفشانه من حياتي والله تعبت ابي اشوف حياتي وافرح اهلي مو قادره .. المصيبه انه مره كان غيور ويشك وبعد ماتأكد انه انا مره ماعندي اي سوالف شباب تو قبل كم يوم فتحت رقمي القديم وشفته مرسل رساله يقول انه مره تغيرت افكاره وانه يحن لي بس الحين مايقدر يخطب وانا خبرت اهلي بس اهلي مايبونه خلاص بعد كل اللي صار. وانا مو متقبله اي حد يتقدم لي كل ماتقدم لي واحد تجيني ضيقه واجلس ابكي وافكر فيه روحي ماترتاح الا معه مع انه ذلني وهاني وباعني برخيص لاتقولون ماعندك كرامه وربي قلبي يألمني مره لاني مع كل اللي صار لسا احبه واخاف ظلمته .


علموني كيف اتجرأ واوافق على غيره اشلون وانا كل ماكلموني عن اي انسان طرى لي وجلست اقارن لاشعوريا



دعواتكم بنات الله يشيله من قلبي واشوف غيره حرام اللي جالسه اسويه بعمري خاصه انه عمري 28 .