كلمات من قلب عاشق يارب تعجبكم :
قلبى يا حبيبتى راجع
بالحب وبالمواجع
يحضن اهلك وأرضك
ونجوم ليلك وشمسك
ويبوس حتى الشوارع
نفسي أحضن وشوش
أصحاب ماتغيروش
وأهلى الطيبين
ولمتنا فى الحسين
فى وقت ماحسبلوش
نفسي فى شربة من نيلك
وأتوضى منه وأدعيلك
وأمشي فى وسط الزحام
وأصرخ من غير كلام
وأسمع من الناس مواويلك
نفسي أرجع زى زمان
وأحضر لمة رمضان
وأضحك ضحكة من قلبى
مع أصحابى وحبايبى
فى مكان غير المكان
طالت بينا السنين
عايشين ومش عايشين
تايهين حتى عن روحنا
وبنداوى فى جروحنا
ونقول فى يوم راجعين
واخدانا الغربة منك
غصبن عنى وعنك
ونلف بلاد كثير
مانشمش غير عبير
نسيم نيلك وزهرك
يابلد أغلى الحبايب
وعد ومن قلب دايب
مسير الطير يعود
ويعدى من الحدود
ويرجع كل غايب
حنين المصرى @hnyn_almsr
عضوة مثابرة
يلزم عليك تسجيل الدخول أولًا لكتابة تعليق.
قهوة الضيافة
•
الصفحة الأخيرة