بسم الله الرحمن الرحيم
ترددت كثيرا في كتابة هذا الموضوع
ولكن حبيت افيد به ناس تحتاجه بشده
وبتكلم باسلوب عامى قريب للقلب
لي فتره الف باليوتيوب ابغا شي
عن القران ولقيت محاضره
حركت قلبي اسمها قلبي القران
لخالد الجبير واعجبتنى مره
تكلم عن القران وكيف
انه لازم الواحد يكون معه تفسير
وهو يقرا يقرا الصفحه وياخذ
التفسير الميسر ويقرا التفسير
لان الله انزل القران للتدبر
فجلست اقرا من سوره البقره
واقرا التفسير حقها ماتدرون قد ايش
فرحت وتحمست اقرا زياده
من الايات اللى لفتت انتباهى
في سورة البقره (ومن خاف من موص جنفا )
ماكنت ادرى وش معناها
لكن بالتفسير عرفتها وفهمتها
يعنى الايه اللى قبلها تتكلم عن الوصيه
والايه هذي تتكلم عن الموصي اللى يوصي
بظلم ممكن يصلح كمان في سوره ال عمران
انا هالفتره احفظها فصرت احفظها
بالتفسير كيف ؟؟؟؟
الصفحه اللى احفظها اول شي اقراها
واجيب التفسير واسباب النزول
وعندى دفتر خاص اكتب فيه
اول شي بحثت عن معنى السوره
وتعريف كامل للسوره
سبب تسميتها ونزولها وكتبته
والايات اللى فيها سبب نزول وتفسيرها مهم
اكتبها ومن الاشياء اللى اعجبتنى
معنى اسم مريم
في الايه (وانى سميتها مريم )
مريم معناتها خادمة الله
وفي كمان الايه (ءامنوا بالذي انزل على الذين
امنوا وجه النهار واكفروا اخره )
تفسيرها انهم اتفقوا يؤمنون بالاسلام اول النهار
واخر النهار يقولون انهم بحثوا بكتبهم وطلع الدين غلط عشان الناس ترجع عن الدين
مره تستمتعى لمن تفهمى معنى الايات ومع الحفظ ترسخ ببالك
وحتى لمن تقرئيها مايشتت مخك تكونى فاهمه معناها
كمان في ايه بسورة البقره اللي هى
اوصاف البقره اللي بيذبحونها
لو ذبحوا اى بقره لاجزئتهم
لكنهم سالوا كثير عن اوصافها
يبغوا تحديد فحددها الله لهم
واشتروها من عند غلام فقير مع امه بثمن كبير
واستصعبوا يذبحونها لانها غاليه
في الايه وماكادوا يفعلون
بصراحه بحر القران شي عظيم
دايم اسال نفسي وين انا عن هاللذه
وين انا عن هالفهم
هذا والحمدلله
اللهم اجعلنا من اهل القران وخاصته
اللهم اجعلنا نحفظه على الوجه اللى يرضيك
اللهم اجعله حجه لنا لا علينا
هذي كم محاضره اسمعوها وبتعجبكم
https://www.youtube.com/watch?v=UsKorhuFJYo
قلبي القران لخالد الجبير
عبد المحسن الاحمد
افلا يتدبرون القران
https://www.youtube.com/watch?v=NHJSPVmO4_A
يلزم عليك تسجيل الدخول أولًا لكتابة تعليق.
عاليه الهمه
•
والله انك صادقه جزاك الله خير
الصفحة الأخيرة