نور الله قلوبكم باآيمان .
واسعد الله اوقاتكم بالقرآن .
وصباحكم/مسائكم
رضا من الغفور المنان .
خواتي الغالياتي :
نفسيتي حيل تعبانة والله صاير لي كم يوم ماذاقت جفوني النوم
بنتي الله يخليها ويحفظها لي طبعا بنتي الوحيده عمرها 11 شهر
مزززيونة وبيضا وصحتها مممتازة ..
ولها جوها والكل يحبها ويصورها ويسأل عنها من الأهل والاقارب والزميلات ...
وعلى طووول في الواتس آب يراسلوني ارسلينا صورها
والقيهم مسويين لها تصميم ..
وكثير والله العظيم يسألوني وش تأكلينها ووش تعطينها وهم مخلفين اثنين وثلاثة ..
وانا على نيتي واققووول ةاعلم عااادي ..
وبعدها بنتي اصيبة بأكزيمااا حااااده وعانت وعانيت معاها
ومافي دكتور ولا استشاري مارحت له وماكو فايدة ومراهم كلها كرتزوون .
وبعدها قريت عن كريم الشيخ سلامة الجهني للأكزيما بالمدينة المنورة .
ووصيت وجبت لها ولله الحمد خفت من بنتي بنسبة 90%
وبس اروح جمعات وعزايم والله والله ماتصحى بعدها اليوم الثاني من النوووم الل البيجامه كلها دم من الاكزيما ترجع بشكل مو طبيعي وارجع على كريم الشيخ وترجع تختفي وعلى هالحاله
وصار يجيها بكا وصياح وتخاف ..
واقرأ عليها ..
وانا احس ان بنتي مليانه عيووون بس اهمال مني ومن ابوها ماودينها شيخ يقرأ عليها .
ويومين كانت عندي عزايم عند اهل زوجي واليوم الثاني عندي اهلي .
((ربوع وخميس ))
والكل كان يشيل فيها ويمدحها وبنتي عمرها 11 شهر ولا حبت ولا مشت يقوولون من السمنة ماتقدر المصرية << كناية على بياضها وسمنتها الله يحفظها
ويوم الجمعة صحينا انا وهيا كالعادة وطلب ابوها كاس شاي
ودخلت المطبخ اصلح الشاي وحطيته فوسط الطاولة وشايله اللبتون برميه .
وهي بمشايتها وتجي وتدق طرف الكرسي اللي على الطاولة
والله يابنات ماتصدقون الشاي بوسط الطاولة .
طاحت الكاس على الطاوله والشاي طار على وجهها وعلى رقبتها وعلى صدرها وكتفها ..
وانحرق نص وجه بنتي كانه مرسوم رسم الحرق نص الوجه بالتمام .
وطياااران انا وابوها على اقرب مستوصف
والله اني طالعه من دون ماغطي وجهي ولا لبست شئ برجلي
غير كنت لابسه جوارب السيراميك ..
الدكتور طمنا والحين لها اسبوع وبنتي مو هي لا شكل ولا نفسية
خااايفة وبس تبكي وماتبي تنزل من حظني والله اني انام وانا جالسة لو نيمتها بسريرها تصحا تبكي وترفس برجولها بقووووة خااايفة .
والله اكتب لكم وانا دموعي على كيبوردي تنقط قلبي انحرق والله انصهر على بنتي راح جمالها .
بس همي الحين انها تنسى اللي صار لها لأن بنتي من النوع الحساس ومدللة حييل عشان كذا متأزمه نفسيا .
هل تنصحوني اوديها استشاري نفسي ؟؟
ان انتظر لما تتشافى شوي وتتحسن واوديها لشيخ يرقيها
وبالنسبة للحرق اللي بوجهها هو حرق من الدرجة الاولى يعني الاغلب زي الصلخ على احمرار فقط وماقص الدكتور اي شئ منها يعني مافي فقاعات فيها موية الا وحدة بس قرب الاذن وكتب لها مرهم زيتا تعرفونه ؟؟
الدكتور يقول هي صغيرة واللي بالوجه ان شاء الله بسيط والوجه غالبا يتعافى بسسسرعة لكثرة الأوردة الدمووية فيه ..
ابي اسألكم تتوقعون يترك اثر بوجهها ؟؟
ومن تعرف قصة كذا واختفت اثار الحروووق ؟؟
ووش رايكم بالعسل الحر ابوها طلب عسل حر واصلي 100% .
متى ابدأ احطه ؟؟
الله ينجينا واياكم وفلذات كبودنا من نار جهنم ونااار الدنيا ,,
انتبهوا لأطفالكم رعاكم الله ..
اتمنى اللي ماعندها رد تسجل دعوة لبنتي اللي هي بنتكم ايضا
لا تدققون بالأسلوووب اني في هم لا يعلم به الا الله .
حفظكن الرحمن ..
يلزم عليك تسجيل الدخول أولًا لكتابة تعليق.
بنت العز777
•
الله يشفيها يارب ويخليها لك ويحفظها ويفرج همك ياااااااااااااااااااااااااارب
ياقلببي عليها :( الله يشفيها ياارب.. الله يشفيها.. الله يشفيها لو تقدري يااختي تجيبي من اثر صديقاتك والي يقربوك العين حق .وان شاء الله تشفى
طيب تبين علاجها؟؟
اكيد ايوه ارقيها خذي من اثر الحريم وروشيها بنتك لاترسلين صورتها لكل من هب ودب
بنتك لاتلبسيها لبس يزيد بياضها نظفيها ولبسيها لبس عادي الاحمر والالوان الا تشذ البنت
فيها ابعدي عنها واذا كان عزائم لاتاخذين بنتك او نيميها بغرفه بعيده عنهم يااختي حنا
كبار ماتحملنا العين طفله بتتحملها ارقيها روشيها بمويه وملح مقرى فيه وسدر بسانتبهي لين
تشفى من الجروح وادهنيها بالليل بزيت مقري وشربيها منه وحصني بنتك
غير كذا استشاري نفسي 11 شهر كيف تفهم كلامه يااختي اختى انحرقت لين انشوت وهي كبيره
مو صغيره شوفيها مو ماثر ابدا فيها وغير كذا طفله جلدها سبحان الله يتمدد وماراح يوضح ان شاء الله
اكيد ايوه ارقيها خذي من اثر الحريم وروشيها بنتك لاترسلين صورتها لكل من هب ودب
بنتك لاتلبسيها لبس يزيد بياضها نظفيها ولبسيها لبس عادي الاحمر والالوان الا تشذ البنت
فيها ابعدي عنها واذا كان عزائم لاتاخذين بنتك او نيميها بغرفه بعيده عنهم يااختي حنا
كبار ماتحملنا العين طفله بتتحملها ارقيها روشيها بمويه وملح مقرى فيه وسدر بسانتبهي لين
تشفى من الجروح وادهنيها بالليل بزيت مقري وشربيها منه وحصني بنتك
غير كذا استشاري نفسي 11 شهر كيف تفهم كلامه يااختي اختى انحرقت لين انشوت وهي كبيره
مو صغيره شوفيها مو ماثر ابدا فيها وغير كذا طفله جلدها سبحان الله يتمدد وماراح يوضح ان شاء الله
الل يحرسلك بنتك ويشفيهاااا
ياعسل بنتك لاتنسي دايم حصنيهاااا
الاذكار جدااا مهمه
انصحك بالعسل الاصلي. ان شالله تخف الاثاااار. كثير وانتي حاولي بنتك لااا تشيكيهااا مره خليها عاديه عيون الناس ماترحم
الله يخليهااا لك ويحميهاا
ياعسل بنتك لاتنسي دايم حصنيهاااا
الاذكار جدااا مهمه
انصحك بالعسل الاصلي. ان شالله تخف الاثاااار. كثير وانتي حاولي بنتك لااا تشيكيهااا مره خليها عاديه عيون الناس ماترحم
الله يخليهااا لك ويحميهاا
الصفحة الأخيرة