قلبي بيتقطع على بنتي

السلام عليكم ورحة الله....


آآآآه يابنتي مدري وش اسوي فيها...

بقوول لكم سالفة بنتي وتكفون قولوا لي هل حالتها طبيعيه احد بنته مثل بنتي,,,

بنتي عمرها خمس شهور ومن شهر تقريبا مدري وش فيها ماعد تبي الرضاعه مره غيرت لها الحليب وبرضو نفس الشي مستحيل ترضع وهي صاحيه الا اذا كانت نايمه ترضع عادي بسم الله عليها وديتها للدكتور قال من الزكمه عندها زكمه داخليه منشان كذا ماتقدر ترضع تخلصنا من مشكلة الزكمه الحمدلله وبرضو نفس الشي ماتبي ترضع لو تجلس خمس ست ساعات مستحيل ترضع وديتها مره ثانيه للدكتور قال لازم نعمل لها تحاليل علشان نتطمن ان ماجاها انيميا من قلة الرضاعه وبعد التحليل قال الدم عندها شوي نازل لان المفروض الدم عند الرضع من 9ونص الا 14 ودم عند بنتي 9ونص يعني على الحفه بس الحمدلله على كل حال اعطاها الدكتور كذا فيتامين وغير لها الحليب بحليب اس 26 لان كمية الحديد عاليه فيه شوي وبنتي محتاجه الحديد لكن المشكله نفس الشي ماهي متقبله الحليب ولا الفيتامينات

قالوا لي اهلي احط ع الحليب شوي سكر يقولوا يمكن تصير تتقبل الحليب او عسل اصلي فماادري عادي اذا سوت لها كذا والا فيه ضرر عليها علمن بان الدكنور منعها من الاكل كله لاسريلاك ولا زبادي ولاغيره يقول علشان ماتلتهي به ويقول في هالعمر ماتحتاج غير الحليب وبس