ايش سبب تاخر حملك ؟؟؟

مايصير ياخيتي تحزنين كذا عشان هالشهر ماحملتي…
الحمد لله يارب دامك بصحة وخير فالله رايد لك الخير ، شوفي مواضيعي واقري كم مرة سويت انابيب وماينجح ، اذكر مرة جاني احباط وضاق صدري وللأمانه نقدت على نفسي عقبها لانه فعلا عيب علي اعترض على حكم الله ، احنا سعينا بالسبب وبذلنا ودفعنا دم قلبنا بالعلاج لكن نوقف عند ارادة الله سبحانه ،، الله يريد التأخير مو للحرمان تعالى سبحانه ، ربي يريد لنا الخير واحنا قليلين علم وقليلين ايمان كذلك فالله يقوي ايماننا ،، ثقي باذن الله ان كان بالحمل خير فانك بتحملين وعطاء ربك عظيم لانه كريم ومجيب للدعاء ويحب يسمع صوتنا ويقول امن يجيب المضطر ويقول ادعوني استجب لكم ، الدعاء مايوقف على لحظة فادعي بكل وقت ولاتتعلقين بزود ترى اغلب سبب لمنع الحمل هو النفسية سبحان الله ، اسئليني ياخيتي ولله ان النفسيةيوم تصيق وتتوتر تخلي الحمل مايتم والا مايكمل سبحان الله ،، قخاليا تعوذي من ابليس وانبسطي انه ربي صرف عنك الحمل هالمرة لان مابه خير وباذن الله بيرزق ربي بعبدالله واخت واخو معه المرة الجاية بس خلي روحك حلوة ونصيحة لك ولكل اخت تعالج لا تتعلق ، انا من اشهر وقفت العلاج وانشغلت بنفسي ولله بين تعديل جسمي وراحة ونادي وسفريات وتمشيات ، اي شي يعيشني بوناسة اسويه ، قلت بوقف تفكير بالحمل الى ما احس نفسيتي صارت ممتازة وما احس اني متوترة ومتشفقة ، ولله ماتتخيلين اني لدرجة انبسطت وقلت خيرة اني مو حامل للنه فعلا نفسيتي كانت بحاجة للعلاج عشان لو افكر بحمل مرة ثانية ما اصير متوترة ،،، خلاص نسعى بالسبب ونحاول نشغل روحنا بكل شي حلو ، تدرين اخيس شي كنت اسويه اني كنت على قوقل ماغير اقرا وابحث واعيش بوهم ،،، حاليا لو افكر ارجع اعالج ماخذه وعد على نفسي ما اقول لاحد من اهلي ومعارفي ولا ابحث بقوقل واحاول انسى الحمل حتى لو حملت ، لأن التعلق الزايد ياخيتي سبب كافي للفقد