بسمة لقاء

بسمة لقاء @bsm_lkaaa

عضوة جديدة

قلبي بيوقف من الهم . رجائي الحكيمات يطرحون نصيحتهم محتاجه دعوه منكم

الأسرة والمجتمع

  • مدري من وين أبدأ السالفه طويله
  • بس بختصرها لكم
  • انا عندي ولد و4 بنات والحمدالله زوجي طيب لكن للأسف غير طموح وكسول شوي
  • الزبده ان اخوانه اللي اكبر منه واصغر قدروا يشترون بيوت ومقتدرين ماديا
  • وحنا للأسف للحين في ايجار ونحاول نقتصد قد مانقدر
  • لكم تتخيلون الوضع اشلون
  • خصوصا في التجمعات العائليه والزيارات الأجتماعيه الغصه بحلقي يوم اشوف سلايفي يتباهون قدامي بالأثاث الجديد والبيوت الملك والطلبات المتوفره
  • كل مارحت لهم ارجع مهموومه وتعبانه واذا اعتذرت عن زياراتهم لأني انغص من حركات حريمهم زوجي يزعل ويقول اخواني مابي نقاطعهم مع ان اخوانه وابوه مو معطينه احترام وتقدير واحسهم مهمشينه لأنه على قد حاله ويكسر خاطري يوم اشوفه يتذلل لهم عشان يرضيهم ، مع اني الحمدالله لما ابتعد عنهم فتره اقتنع بحياتي ومستواي وتهدى نفسيتي وش الحل انا الصح او زوجي . حتى جماعتنا واقاربنا يتقربون من اخوانه عشانهم افضل ماديا اكثر منه .. معقول وصلنا لها الحال صارت الناس تحكمها المظاهر واللي معاه فلوس هو اللي صح ويستاهل .
15
4K

يلزم عليك تسجيل الدخول أولًا لكتابة تعليق.

تسجيل دخول

نبوضه88
نبوضه88
موشرط يتقربون لهم عشان الفلوس اتوقع شخصياتهم اجتماعيه اكثر من زوجك الله يرزقك البيت الملك الواسع وانا وكل مسلم
غلاي عبدو
غلاي عبدو
حبيبتي فهالدنيا ما حد ياخذ الي نصيبه
اذا رضيتي بنصيبج بتعيشي فراحه وقناعه تامه
يمكن صح اثاث ورفاهيه وفلوس لكن مش مرتاحين معنويا
الله ياخذ ويعطي فمرات يكون معاك شي مش مع غيرك
قولي الله يبارك لهم فرزقهم ويرزقني افضل من ما رزقهم
اقتنعي وارضي بتعيشي فراحه
اهم شي زين معك وطيب
حاولي معاه خطوه بخطوه بيوصل
وصدقيني بالدعاء والاستغفار بتتغير حياتك للافضل
الله يغير حياتك للافضل ويفتحها ربي عليكم
وربي يرزقك بيت وحال افضل من سلايفك
واتساب
واتساب
الرجل الكسول الي ماعنده طموح مادي مشكله يخلي حياة زوجته واولاده عذاب وحرمان ويحسون بالنقص
بتقولي المظاهر مهمه ايه مههممه حنا بززمن المظااهر لااحد ينكر حتى الي احوالهم الماديه متوسطه
نص ميزانيتهم تروح على هالمظااهر وش نسوي لازم نساير الناس عشان مانصير نشااز والأهم نستانس بحياتنا
المهم حاولي تحمسيه وتشجعيه يمكن يتغير قولي عيييب عليك فشلتناعند العالم لابيت صااحي ولا اثاث ولاشي صررت مسخرة سلفاتي كررهتني بالجمعات يعني وش فررقك عن اخوانك شد حيلك اشتغل عمل حر اي شي بس شغل مخك وبطل كسل تحررك ياخي
وووخليك ورااه ياكوود يتعددل ويحس فيك اذا صرتي زيه ساكته وراضيه بيظل عمره كله على هالحال واردى وانتي كيفك عااد
فزورة حزورة
فزورة حزورة
الارزاق يقسمها الله سبحانه بين عباده مافي يد زوجك حيله كم واحد حاول واجتهد ولاقدر يكسب بالعكس دخل في مشاريع وورط نفسه بديون وبعضهم دخل السجن فلاتضغطين على زوجك اكثر من اللازم على شي مش في يده
وكثير ناس مستاجرين وعايشين حياتهم وعادي ليش تفكرين انهم يبون انك تنقهرين او شي زي كذا لاانتي لك ذنب ولازوجك لك ذنب
تصرفكم صحيح بمحاولة الاقتصاد والتوفير طيب انتي ليش ماحاولتي توظفين وتساعدين زوجك وتبنون بيت يد وحده ماتصفق
منجو
منجو
فعلا الدنيا أرزاق لا تلومين حظك و وضعك و لا تقاطعينهم علشان توافه الأمور
حاولي توصلين للقناعه و الرضا بحالك و تذكري نعم الله عليك أهمها الصحه و العافيه ألي كثير يتمناها
و ركزي على زوجك كثري النصايح له شجعيه و حمسيه يتغير و يشد حيله و يترك الكسل و بيتغير حالكم للأفضل
و خاصه مع الدعاء و كثرة الأستغفار يا أختي أستغفري و يرزقكم ربنا و يجعل من أمركم مخرجا لا تيأسين من رحمة الله
و طالعي للي أقل منك حال ولي ماعندهم حتى سكن لو أيجار و مشاركين أهل أزواجهم بالسكن شي أحسن من شي
أن طالعتي للي أفضل منك حال بتتعبين
الله يسهل أمرك و يفرج همك ...