🇸🇦السعوديه🇸🇦 :

والله يا بنت الحلال دام البنت تكلمت وعلمت وانت علمتي اختك رح ينتشر ويطلع الخبر ساعتها بيكون موقفك صعب جدًا أمام زوجك. هذي بنته عرضه وشرفه كيف مايعرف الي تعرضت له! الي تعرضت له جريمه مهو شي ممكن نتغاضى عنه. لكن دامك مأجله هذا الشي انت بنفسك كلمي ذاك الكلب قوليله الي سويته ببنتي من خمس سنوات توني دريت عنه ووالله ما أترك وإن فضيحتك بتكون على يدي خليه يتوقف عن أذية بنات خلق الله خوذي أجرهم. ولاتكثرين تحقيق مع بنتك خلاص هي علمتك بكل شي لاتحاصرينها بالأسئله كل ماشفتيها بعدين معد بتقولك شي. فقط انتبهيلها واحضنيها دايم وعززي فيها ثقتها بنفسها وفيك ولاتخوفينها من الناس أو من الطلعه منحالها خليها تحس انها قويه وذكيه وتقدر تحمي نفسها دايم ومحد يقدر يلعب عليها وعلميها ان الدنيا فيها الصالح والطالح وان الأشياء السيئه الي نتعرض لها هي الي تقوينا وتزيد فهمنا وإدراكنا. بس أهم شي لازم تعرف ان الأب والأم هم الوحيدين بعد الله الي لازم تكون ثقتنا فيهم كبيره وان لو غلطنا أو أحد غلط علينا لازم نعلمهم عشان يساعدونا وحتى لو خاصمونا يبقى خصامهم خصام مصلحه. وثم توقفي تماما عن فتح هذا الموضوع معها مررره. ولعد تقولين ليش ماعلمتيني من زمان خلاص.. هي علمتك الحين وانتهى الموضوع. وتذكري ان ابوها رح يعرف مهما أجلتي هذا الشي

والله يا بنت الحلال دام البنت تكلمت وعلمت وانت علمتي اختك رح ينتشر ويطلع الخبر ساعتها بيكون موقفك...