قلبي زي النار ادخلو عطوني حل مع ولدي

مـــــدري وش ابدا فيه قلبي كنه فيه جمر يلتهب والله الحين راسي مصدددع ويوجعني من كثر ما بكيت اليوم


مشكلتي ولدي الله يحفظه ويخليه لي

ادري بتقولون المشكله عاديه وتصير مع كل الاطفال بس انا حاسه انها كبر الجبال ما ابي اطول عليكم بقولها لكم من بدايتها


البدايه من يوم ما بدا ولدي بالشهر السابع وتبدا معاه معاناة الامساك والحين عمره سنه ونص من وقتها وانا تبدا معاناتي مع الدكاتره والمستوصفات

اول واحد عطاه شراب انازول 125
وغير حليبه وعطاه ملين ايزي لاكس
ومرهم لانه كان عنده جروح من الامساك


ثاني واحد عطاه حليب نوفولاك للامساك
وشراب ريالاك للامساك
وتحاميل جلسرين ونفس المرهم الاول


وبعدها المستشفى العسكري رفض الدكتور يعطيه اي شي
يقول لازم يعتمد هو على نفسه الملينات تسوي له كسل بالامعاء
وعطاه تحاميل جلسرين بس


طبعا مع كل اللي قلته لكم انا ما خليت شي مدحوه هنا بالمنتدى للامساك الا وجربته عسل وزيت زيتون وزيت خروع

طبعا الاكل برتقال وتفاح وملوخيه ومدري ايش من كثرها ولدي يرفضضضها وبقوه ما ياكل شي لو اذبحه

هو عيشته الحليب بس وحليب الفراوله والشوكولاته بسسس وفشفاش
حاولت معاه ياكل بكل الطرق اللي اعرفها واللي قريتها هنا يرفضض ويجلس يبكي لو ابي اغصبه

المهم
بعدها وديته لدكتور قبل يومين لدكتور اخصائي باطنيه
وكشف عليه بالسونار اول ما كشف عليه سالني ولدك ياكل؟؟؟

قلت بصراحه لا ما ياكل يرفض الاكل

قال باين ان اللي عنده انكماش وتقلص بالامعاء


قال لي خليه ياكل قلت له اكتب لي فاتح شهيه لانه يرفض الاكل وما رضى قال انتي خليه ياكل
الطب كله ما فيه شي يعلم الطفل الاكل


وهذا انا بمعاناه ما يعلم بها الا الله

حاولت لي يومين احرمه من الحليب عشان ياكل وما عنده مشكله حتى لو ما مافي حليب ما ياكل
حتى العصيرات يرفضها

المشكله الدكتور الاخير كتب له الحبوب اللي تطحنينها وتذوبينها بما او حليب هي مستحضر طبي من السنامكي

لي يومين اعطيها اياه وهو نايم برضعة الحليب
وهو يبدا من يوم يصحا يتعصر ووجهه يصير احمر ودموعه من شدتها تطلع غصب عنه ورا بعضها

والله اليوم جلست ابكي معاه لين ما انفجر راسي وهو يشوفني ابكي ويجلس يبكي معاي انفجع مني



تكفوووووووووون ابي حل او نصيحه

ادعوا له والله احس بيصير له شي
يااااااااااارب اني استودعك ولدي فانها لاتضيع ودائعك

ياااارب احفظه لي واشفيه وخفف عنه