يااختي عيالك كبار
الطلاق مو حل دام كل شيء ضدك
لا وظيفه لا سكن لاشيء واهلك من اولها مو معك
اول ماتكلموا قالوا خلي عياله عنده ليش
من الاول مشاكل
وبنتك لو بتبكي ولا تلعب وش بيسوون
وانتي من بيصرف عليك بعد
فكري شوي
لعبتي بتفسيات عيالك وشوفي قبل يصير لهم شيء وش صار لهم
ليش بعد كل هالسنين جيتي تتخذين قرار زي هذا

كلنا نمر بضروف ويمكن اكثر منك وساكتين وتمشي الامور عشان العيال
الطلاق يحتاج كثير اشيئاء وظيفه واستقرار وبيت واسع
وعيالي معييي مو معهم مو تشتت
واهلللل معي واقفين
ليش اهلك ساكتين طيب مافي محاولات للصلح
ارجعي بيتك وعيشي لنفسك وعيالك ببيتهم وقريبه منهم
سكن وانتي حولهم ويصرف عليهم وانتي دوري لك على شغل
وانسي ان لك زوج اهتمي بنفسك وجسمك وعمرك داخليا وخارجيا
وشخصيا غيري فيها
مع الايام يمكن يتغير مصيره يكبر ويركد
اما الطلاق صعب صدقيني
انتي ارتاحي شوي واكتبي بورقه الزين والشين وشوفي
اكتبي عن مشاكلكم
مثلا تتمشكلون على كذا وكذا دوري حلول وتنازلات
وكذا انتي وش قصرتي فيه عيوبك وش هي
حساسه . تردين . زنانه . كذا يعني وشوفي الامور
واطلبي ربك الخيره
انتي اكيد بفتره اكتئاب انه ماسائل عنكم وتضايقتي
وشوفي لو تطلقتي كيف اجل ماراح يسئل
تجمع كل شيء وانفجرتي ارهقتي نفسك من البدايه
تعوذي من ابليس وارجعي لعيالك

ليه زعلانه احمدي ربك وعيالك خذيهم من المحكمة وفوقها نفقه

يا بنات كيف تلوموها شفتوا مواضيعها والله وضعها ما يحتمل
يبغاها طول الوقت واقفة في المطبخ في بيت امه والسب والقدح والتفل، يتفنن ويتلذذ في اذلالها
وبعدين تقول لكم يضربها ويضرب عيالها ضرب، ركزوا هنا عيالها بكوا و ترجوها تطلع من البيت يعني اكيد من شي كايد واضح عنف شديد و تهديد وش تنتظر يقتلهم يصير فيها او فيهم عاهة دائمة..
يختي ما ينفع تتخلين عن عيالك لهذا الاب العنيف ما يصير يسوي فيهم شي ..اشتغلي ابحثي عن شغل بياعة اي شي والله لو اشتغل فراشة في مدرسة والم اولادي في حضني ..حرام حزنوني عيالك
استأجري بيت صغير لو غرفتين يلمك انتي وعيالي وتاخذي نفقة الاولاد منه
قريت عندكم القانون تغير اهلك ما يقدروا يرغموك عالقعدة في بيتهم ولا يقدروا يمنعوك تستأجري ولا يقدروا يمنعوك عن العمل خلاص استفيدي من الحقوق اللي اعطاك اياها القانون تحركي انتفضي بلا ضعف حاربي عشان اولاد

اقراي سوررررة البقره عجييييييبه عجيييييبه اخذها بركه وتركها حسره حتى لوبينكم شي بيبطل باذن الله عين حسد سحر استقواء من احد اقري اواخرها يوميا والبقره اذا ماقدرتي لها يوميا جزئيها ثلاثه ايام وربي وربي تشوفين البركه والصلاح ولم الشمل وماهي الا سبب والنفع من الله سبحانه بس حطيها سبب حطها الله لنا حل لمشاكلنا
سبحان الله وبحمده قوليها في اليوم والليله مائة مرره يمكن فيه ذنوب هي سبب شقانا فسبحان الله وبحمده والاستغفار تمسح الذنوب وبيصلح الله الحال
اسال الله العلي العظيم في هذا اليوم الفضيل ان الله يفرج همك ويصلحلك زوجك ويرده لك مررردا جمممميل عاجلا غير اجل يارب ياقريب ويقلبه من زوج اشقاك لزوج يدور لسعادتك في كل شي يرضي الله ثم يرضيك ويسخره لعياله فاطر السموات والارض

استحملي عشانهم او اتفقي مع زوجك على الانفصال بالبيت خلاص هو بحاله وانتي بحالك ...طيب انتي ايش استفدتي لما تركتي له الاولاد ؟؟ بأمانه ليه ؟؟؟انتي مو تقول انه يضربكم !! طيب تتركيهم له ليه ؟؟