قلبي محروق على امي

وش اسوي يابنات ..
وش بيدكم انتم تسوون لو كنتوا مكاني
اصلا مدري كيف جيت اكتب الموضوع بس خلاص فااض فيني

امي يابنات تعبت وصبرت كثير ااااه ياربي لاتحرمها الاجر
تخيلوا يابنات امي اللي تصرف على البيت وابوي قلييييييييييييييييييييل اشياء بسيطه لان راتبه ضعيف
ويسب امي ويشتمها قدام الناس وبكل مكان وينقص من قدرها
حسبي الله ونعم الوكيل والله يابنات امي طيبه طيبه لدرجة مادري وش اوصفها تعببت معها
اذا جلست انا وخواتي وامي وشفنا وحده عاديه يعني مقبوله تقول ياليتني لى الاقل مثل هذي
اقولها يايمه وانتي وش فيك ليش منقصه من نفسك ؟
ماترد تضحك بس
وانا ادري انه عشان كلام ابووي حسبي الله ونعم الوكيل
ابوي مايصلي تعبببببببببت وانا انصح بكل الوسائل لاحياة لمن تنادي فقدت الامل وماعاد يهمني

كل اللي يهمني يابنات امي والله ان قلبي ينحرق عليها
تسولف لنا دايما عن ايامها قبل وبنص كلامها تقطعه وتقول عسى ربي لايعيشكم عيشتي تقولها من قلب
والله اكتب والدموع في عيوني

انا مابي امي كذا ابي اعوضها بس وش بيدي
اقولها تطلقي الله يخليك والله حنا راضين اهلها ينحطون على الجرح وبيتنا اصلا باسمها يعني بامكانها تطرده
بس هي تقول خلاص ربي بيعوضني

ودايما مشاكل
يابنات ماحس بالاستقرار تعبت ويزيد همي لاشفت امي ابيها تعيش مبسوطه
بس وش ببيدي حيله ؟ وش اسويلها
الله يخليها لنا ولايحرمنا منها قولوا امين الله يخليكم