قلبي محروق على اولادي من مرت ابوهم وحسبنا الله وكفى

السلام عليكم
انا تزوجت زوجي الاول قبل ١٣ سنه وجبت منه ولد وبنت والان الولد عمره ١٣ سنه والبنت ٩ سنوات
تطلقت منه قبل ٣ سنوات وتزوجت من رجل آخر والحمدلله حياتي معاه جدآ مستقره وجبت منه بنت وعمرها ٣ شهور
حياتي اللي قبل مع طليقي كلها شك وضرب واهانه وانا صبرت عليه كثير وانا الحمدلله موظفه وراتبي ممتاز وكنت اصرف على البيت وحتىطلعت له اكثر من قرض وتورطت فيها وكنت صابره بس عشان اولادي والحياه تمشي ولمن وصل الحال انه تعبت نفسياً من الضرب والشتموالاهانات لدرجة اني اضطريت اني اراجع طبيب نفسي واروح جلسات علاج سلوكي ونفسياً تعبت ونزل وزني ٢٠ كيلو لدرجة اهلي كانوايفكرو ان فيني مرض خطير وماكانو يعرفو بالجحيم اللي كنت عايشه فيه وبعدها خلاص قررت اني اطلب الطلاق ودخلت اهلي والحمدللهكانوا متفهمين وكانوا شايفين انا قد ايش تعبت وتبهدلت في حياتي وبالفعل تطلقت منه وبعدها ربي عوضني بزوجي الحالي وحياتي معاهيارب لك الحمدلله مستقره ومرتاحه جداً معاه
طليقي بعد طلاقي على طول وانا في العده تزوج وحده مطلقه وعندها بنتها عايشه معاها عمرها ٦ سنوات وطبعاً كانت حضانه اولاديمعايا لاني كنت لسه دوبي مطلقه وبعدها بسنه ونص تزوجت وقبل ما اتزوج رحت المحكمه وطلبت حضانه اولادي تكون معايا بس اختلفت معطليقي على مواصلات المدارس لانه رفض يوصل اولاده للمدرسه اذا كانوا عندي وانا ما اقدر بحكم عملي لاني موظفة حكوميه وعملي بعيدعن بيتي وما اقدر اودي الاولاد المدارس وارجعهم ولا عندي سواق وكمان اخاف على بنتي اذا راحت مع سواق والافضل تروح مع ابوها
وبعد المفاهمه في المحكمه صارت حضانة اولادي معاه وحكموا لي بزيارة اولادي اسبوع اي واسبوع لا طبعاً كل نهاية اسبوع وفي الاجازاتالكبيره يجلسو شهر عندي وحتى هذا الشهر اللي يجلسو عندي رفض ابوهم يدفع لهم نفقتهم وانا قلت مافي مشكله اولادي وعلى قلبي ولاابغا شيء ( هذا كله تم في قسم المصالحه وماتحولنا للقاضي وانتهي الموضوع على كده )
الان عدى على هذا الكلام سنتين بس والله يابنات تعبت من مرت ابو اولادي بشكل ماتتخيلو
في البدايه ولمن اولادي يكونو عند ابوهم تمنعهم يتواصلو معايا نهائي وتخاصم الولد والبنت لو كلموني وتقعد تسبني عندهم طول الوقتوتعمل لي حظر في الواتس اب من جوال ولدي رغم ان ولدي كبير وعمره ١٣ وعنده جواله الخاص ( وفي مره اتفقت انا وولدي انه يكلمني عنطريق الانستقرام عشان مرت ابوه ماتعرف وللاسف اكتشتفت انه يتواصل معايا وعلمت لي حظر من كل مكان في جوال ولدي وتقول له ياويلكتكلم امك !!! )
وحتى جدة اولادي ( ام طليقي ) كلمتني ومو راضيه عن الوضع وكانت تعتذر مني على تصرفات مرت ابوهم وتقول لي لاتزعلي يابنتي وربناشايف كل شيء
قبل فتره انا كلمت مرت ابوهم وقلت لها يافلانه حرام عليكي تعملي كده وقامت قالت لي والله انتي مو ام وانا ما اعرف كيف انتي وام وراحاحرق قلبك على اولادك ( قصدها انها ماتخليهم يتواصلوا معايا؟!!)
المصيبه ان ابوهم شايف كل اللي يصير وماله اي كلمه وانا تعبت والله.. يعني اجلس انتظر لين يجي وقت الزياره واكلمهم وانا بنفسي اروحاخدهم
ولمن يجو عندي والاولاد يحبو انهم يجلسو زياده عندي تقول لي مرت ابوهم احمدي ربك اني تكرمت عليكي وخليتك تشوفيهم !!!
الان انا قررت اطالب بحضانة اولادي وماني عارفه كيف ابدأ وايش اسوي ؟؟؟
وانا الحمدلله تعملت السواقه وطلعت رخصه كله عشان اولادي والحمدلله الان اقدر اروح فيهم اي مكان وانا بنفسي وقت الزياره اخدهموارجعهم
بس اللي افكر فيه رجعهتم من المدرسه لاني عادي اوديهم الصباح معايا وانا طالعه لدوامي بس الرجعه ما اقدر عليها بحكم ان مكان عمليبعيد جداً عن مدارسهم وعن بيتي واصلاً ساعات عملي طويله الى الساعه ٥ وساعة الاستراحه في دوامي ماتكفيني اطلع واخدهم وارجععملي ثاني
وكمان قررت اجيب شغاله ع اساس لو رجعو من المدرسه يكونو معاها لين ارجع من دوامي بس اخاف ابوهم يرفض يرجعهم من المدارس ومااعرف ايش اعمل وقتها ؟!!
المصيبه يابنات ان زوجة ابوهم عندها بنت والسنه اللي فاتت بنتها دخلت اول ابتدائي واضطرت ان بنتها تروح تعيش مع طليقها ومرتهواولاده وتجيها بنتها كل نهاية اسبوع وتكلمها كل يوم جوال قدام أولادي وهي تمنعهم يكلموني
وهي تبغى اولادي عندها عشان يعلبو مع بنتها وانا مو ذنبي يابنات ولا لي دخل في بنتها او غيره انا اللي يهمني اولادي
وبالنسبه لزوجي الحالي متفهم وضعي ومن شروطي في عقد الزواج مايمنعني من عملي وكمان ان أولادي يعيشو معايا
بجد تعبت ومو عارفه كيف اتصرف بس ربي عالم ومطلع على كل شيء وشايف كيف انها قاعده تفرق بيني وبين اولادي وتمنعهم عن الكلاممعايا وهي تكلم بنتها في اي وقت
وعلى فكره هي كمان خلت طليقي يعمل لي بلوك في كل مكان ولا اقدر اتواصل معاه او اكلمه بخصوص اي شيء للاولاد وحتى لمن يجيولدي عندي تعمل بلوك من جوال ابوه في جوال ولدي وتقول لولدي اذا تبغى شيء كلمني ولاتكلم ابوك ؟!!!
الله يفرجها عليه بس ويرزقني الحل يارب