متزوجه من اربع سنين عندي طفلين صغار بنت عمرها ٣ سنوات و٨ شهور وولد عمره سنه و٨ شهور ...
زوجي يعامل اطفالي كأنهم كبار اذا خربو شي يصارخ عليهم باقوى ماعنده ولما يبكوون يقعد يسكتهم بصراخ احاول اتدخل واخذهم وابعدهم عنه يمنعني ويهددني بالظرب ويقعد يحط الوم على انهم يخربون وما امنعهم .. مع انهم ياعمري هادين وخرباتهم عاديه للي بسنهم 💔
موقف امس بالسياره ...💔
كنا طالعين ووقف بمحل يشتري كم غرض وانا اخذت الجوال واطفال يلعبون عادي ..
ركب السياره شاف الزر تبع المسجل مو في مكانه طبعا قعدنا ندور مالقيناه ..
المهم ولدي ابو سنه كان بحظني شاله ورماه ورا وقعد يصارخ عليه وعلينا وقتها ولدي خاف وجلس يبكي وهو يزيد بالصراخ عليه وهو يزيد بالبكااا .. ابي اخذ ولدي معاي اسمي عليه رفض وقعد يهددني انه يظربني وجلس يسبني .. يقول انتي السبب وانتي بس تدلعينهم وتحظنينهم حتى خربتيهم !!!
طبعاا وولدي لسى مستمر بالبكاا الشديد وبنتي خايفه وانا خلاص بنهاااااار بموووووت وهو ياقلبي يبغى يجي بحضني وابوه يرجعه وراا بقوه وبصراخ
جلسنا يمكن بالطريق اكثر من نصف ساعه وولدي يبكي ويشهق وابوه يسكته بصراااخ ...
متخلين الموقف والعنف النفسي ضد طفل بعمر سنه و٨ شهور
طبعا رجعت البيت وانا منهاره من وضع طفلي واخذه واحضنه واسمي عليه واعطيه رضاعته ونومته وقلبي منحرررررررق..
من امس ماجفت عيني على ولدي منظره لسى مايفارقني .
تعبت من زوجي وقسوته الغريبه بحجه انها تربيه
واني انا ماعرف اربي 👎
ابي اتطلق بس المشكله اهلى بمنطقه بعيده ... ومستحيل اذا طلبت الطلاق يواافق ووديني لا اهلى مع اطفالي .
خلاص معاد اتحمله كررررهته وخايفه على نفسي وعلى اطفالي منه ...
حسبي الله عليه 💔😭
الآمل المنتظر @alaml_almntthr_14
عضوة جديدة
يلزم عليك تسجيل الدخول أولًا لكتابة تعليق.
هيووشه
•
الله يعينك بتنعكس معاملته ع شخصيتهم مستقبلا حاولي تتكلمي معه انهم اطفال ومايفهمون وقلبهم لسى صغير وراح يزرع الخوف في قلوبهم وبيضعف شخصيتهم
الله يحنن قلبه عليهم
الله يحنن قلبه عليهم
انا زوجي كذا لما كانو اطفالي صغار لأنه مو خبره في العربيه لكن لما شوي كبروا كلما تساهل اكثر لكن مو مره كثير لسى شوي ينزعج من ازعاج الاطفال
ترا كثير رجال كذا او شخصياتهم مختلفه في أزواج يحبون الاطفال وعندهم صبر واكثرهم ماعندهم صبر
انني حاولي لاتجادليه ورح يخف إذا كبروا الحل انك لا تجيبي أطفال ورا بعض عشان ماتكثر المشاكل يعني خليكي اربع سنين واحملي
ترا كثير رجال كذا او شخصياتهم مختلفه في أزواج يحبون الاطفال وعندهم صبر واكثرهم ماعندهم صبر
انني حاولي لاتجادليه ورح يخف إذا كبروا الحل انك لا تجيبي أطفال ورا بعض عشان ماتكثر المشاكل يعني خليكي اربع سنين واحملي
الصفحة الأخيرة
ان شاء الله ما نكررها وزي كذا.. وكبري عقلك.. واذا صارخ على عيالك استودعيهم الله واقري عليهم حتى لو انهم ورا وانتي قدام اقري عليهم بينك وبين نفسك واستودعي الله نفسياتهم..
انا جربت هالشعور كثير كثير زوجي قريب جدا من زوجك ياما كسر العاب ولدي وصارخ ََوتفل عليه وهو بعمر ٨ شهور.. وانا طريقتي اذكر الله وادعي واستغفر واستودع الله ولدي الحمدلله ماشاءالله تبارك الله الحين ولدي عمره ٥ سنوات ولا صار له شي نفسيته طبيعيه ماشاءالله على اني كنت مثلك اصيح واخاف خايفه يجيه شي بس الحمد لله عدت على خير ماشاءالله عاد الان ولدي كبر وتحسسن كثير وتحسن ابوه معه.. يعني انتي هونيها وتهون...
اهم شيء لا تكبرينها والرجال ترا ينسا تكون لحظة غضب بعدها يهدأ ويزين اغلب الرجال كذا..
ولا تعلمين اهلك عشان ما يحرضونك عليه..
حاولي مشاكلكم ما تطلع برا البيت..
والحياة الزوجيه تحتاج صبر ودعاء وتوكل على الله مو على كل مشكله بخرب بيتي واطلب الطلاق...
تعوذي من بليس واصبري عيالك بيكبرون وتخف حوستهم وزوجك بيزين ويتعود عالاطفال.. اهم شي انتي وسعي صدرك واذكري الله واستودعي الله عيالك ََواسالي الله يثبت عليهم عقولهم.. وهو حاولي تهدّينه.. وبتلقينه يخف بإذن الله.. وبتكبرين في عينه لانه بيشوفك عاقله... الله يرزقكم الاستقرار في حياتكم..
أكثري من الدعاء قولي اللهم اجعله زوجا صالحا لي يحبني ويخلص لي ولا يمل مني ابدا وسخره لي وسخرني له واجعله أباً صالحا لأولادي يحبهم ويخلص لهم ولا يمل منهم ابدا وسخره لهم..