قلبي محروق ع ابني

الأطفال ما يحبون أحد يقلهم قول كذا مايقلون بس خليه يشوف التلفزيون وتكلمي معاه على طول كلميه مثل ماتكلمين شخص كبير وان شاء الله تشوفين نتيجه

امين يارب تسلموا حبيباتي

وعليكم السلام
انا ولدي بعمر ولدك تقريبا ما يقول الا بابا ماما ،، و كلمات قليلة مكسرة مكونة من حرف او حرفين بس انا افهمها
احسن كلمة توتاح يعني تفاح هذي الكلمة الواضحة فقط

انا ابني أكثر كلمه ي نطقها وباستمرار جول يعني كوره

يا حبيبتي طمني نفسك و ريحي بالك
أنا أولادي كذا الأن ولدي عمره سنه و ثمان شهور دخلته السنه هذي كي جي
و كلامه خرابيط ما ينفهم و لا يكون جمل تخيلي
و يعاني من التأتأه بعد
أخذته لطبيب أطفال و قالي تطمني و لا تقارنينه بأحد كل طفل يختلف عن الثاني
فيه أطفال ماشاء الله من عمر سنه ونص يتكلمون و فيه أطفال يتأخرون
لذلك بما إنه يتكلم كلكات بسيطه فالحمدلله شوية وقت و يبدا بالكلام
و مع المدرسه بإذن الله بيتغير حاله للأفضل
لا تجبرينه ع الكلام و لا تحسسينه أنه عنده مشكله و أنك شايله هم و قلقانه
خليه براحته ممكن وقت النوم تكوني معه و تدردشي معه على خفيف
و تقولين له حكايه حتى لو أتضح لك أنه مو مستوعب أستمري
الطفل فاهم كل شي بس يحتاج لوقت حتى ينطق بالشكل السليم
و لدي الثاني كان تمهيدي 3 و خلوه يعيدها مره ثانيه حتى يتقن النطق زين
و دخل أول أبتدائي و كلامه مكسر شوي بس الحمدلله مع المدرسه تحسن حاله

سمعت وحده بالمنتدى تقول أنهم يشربون الطفل قهوه عربي يعني فنجال واحد باليوم
تنصح فيه للنطق
و كمان وحده نصحتني لما شافت ولدي مو قادر يكون جمل و هو قريب لعمر الأربع سنين
أعطيه جوز (عين الجمل) نوع من أنواع المكسرات قالت أهرسيه و حطيه مع زبادي
و تمر و برضو نصحتني بالقرع مع الجوز كثيرررر تمدح فيه و خبرتني أنه ولدها
كانت حالته سيئه سواء بالإستيعاب أو النطق و صارت يومياً على كلامها تعطيه
هالوصفه تقول بعد شهر من الإستمرار تحسن للأفضل بكثير
لذلك جربي هالشغلات و لا تملين لازم تصبرين و تطولين بالك
كل مرحله تحتاج لوقت و صبر ما تجي بالساهل
مسألة وقت و بإذن الله يتحسن و لا تنسين كمان المدرسه مرحلة التمهيدي لها دور كبير
بتغير حالته بإذن الله