قلبي محروووق من مصايب زوجي .. انصحوني

السلام عليكم ورحمة الله وبركاته ..
صباح الخير اخواتي بنات حواء .. وكل عام وانتم بخير بمناسبة شهر رمضان اعاننا الله على صيامه وقيامه

مااعرف من فين ابدا .. صدمتي كبيرة في زوجي وجرحي اكبر .. لنا 7 سنوات متزوجين وعندنا اطفال ..
تزوجته كان غير موظف وانا موظفة وكنت شايلة كل المصاريف .. وانا عروسة دخلت على بيت غرفة وصالة ومافيه فرش الا غرفة النوم ..
اخذت له قرض من البنك عشان يتاجر بالاسهم وخسر وانا 5 سنوات اسدد في الديون ..
وطلعت له سيارة جديدة لان سيارته كانت قديمة وخرابها كثير ..
شجعته يكمل دراسته وفعلا كمل وربنا رزقه بوظيفة ماكان يحلم فيها ,,
توظف هو في منطقة غير المنطقة اللي انا اشتغل فيها .. وقال لي خذي اجازة وقدمت اجازة ..
اول ماتركنا المنطقة اللي كنت اشتغل فيها وسلمنا الشقة .. رفض ياخذ لي بيت في المنطقة اللي فيها عمله وكان يبغاني اعيش مع اهله .. وانا اللي توقعته يعوضني باحسن بيت واحسن اثاث .. رفضت وقلبت الدنيا وجلست عند اهلي انا واطفالي شهرين ,, بعدها اخذ لنا شقه مستقلة ..

بعدها بدا الجفا في المعاملة .. حتى اولاده مو طايقهم .. صار يجلس على اللاب توب بغرفة لحاله ويقفل الباب .. وكمبيوتره مقفل برقم سري ..
اكتشفت انه يشوف افلام اباحية ,, ويمارس العادة السرية .. ومسجل بموقع زواج مسيار .. صارحته وواجهته ماانكر .. وهددته اقول لاهله ووعدني يتعدل ..
واستمر على حالته ,, وبعدين لقيت عنده ايميل كله بنات .. ومعاه جوال ثاني طول اليوم في يده يكتب رسايل .. حتى الحمام ياخذه معاه .. واكتشفت انه يفكر في الزواج ومخطط وناوي يتزوج علي ..

وانا واولادي مو طايقنا ودايم ينتقدنا .. حتى السفر صار يسافر مع اصحابه ويوديني لبيت اهلي ..

انصحوني يابنات كيف اتصرف معاه ؟ اجلس ببيتي مع اولادي واعطيه فرصة اخيرة نحل الامور عشان اطفالنا ؟ ولا اهدده انه لو تزوج اترك له الاولاد واشوف انا حالي وحياتي ؟ مع اني مااقدر اتركهم لانهم حياتي

انتظر ردودكم تبرد قلبي اللي يشتعل حرقة وناااااار ..

اختكم ..