قلبي معصور من قالولي خبرها

السلام عليكم بنات مالي في المقدمات
والله لو الواحد يفكر انه مايدري متى يومه وان بأي لحظه ممكن تتوافاه المنيه
خصوصا في زمننا هذا كثرت فيه موت الفجأه
فخليك مستعده له
بنات يوم الخميس
وتحديدا الساعه 3 وربع العصر تقريبا كلمت زوجي بحكم اني عند اهلي وهو في منطقه ثانيه بسبب شغله
يالله يتكلم ... فلان وش فيك .. جلست على حيلي .. قالي فلاااانه ماتت (اخته)
بناات من الصدمه قلت من جدك انت؟
بنات امس بالليل شايفتهااا ماااافيها شي جنبي كانت
وتلاااعب عيالي خصوصا ولدي
بنااااات وربي اذكر سوالفها
شفتها قبل لايجيني خبرها ب24
امس بالليل انا عندها اليوم يجيني خبرررها ؟؟ كيف وششلووون ؟ انهرت بكيييت جلست استوعب الصدمه
اختي بالغرفه الثانيه سمعت صوتي وصياااحي قطعت صلاااتها وجتني مررتاعه
اقووولها فلااانه ماتت وربي امس معي مااافيها شي
بنات وقت العشاء هي الي سوت الشاي وولدي كان عندها وتوكله يالله
جلست تهدي فيني الين هديت
كلمت زوجي بعدها قلبي صار معه قالي شفتي فلانه (اخته الله يرحمها) توفت وهي تصلي 😭😭😭
بنات وربي وربي وربي ماكانت ملتزمه
ولا عبات راس ولا قفازات ولا دور تحفيظ
عمل سوووته تقبله الله ماندري ايش هوووو
يوم جو الاسعاف يشيلونها شقوا جلال الصلاه حقها لانها طاحت على سجادتهااا
يالله انا لله وانا اليه راجعون كذا صرت اردد بعد ما استوعبت شوي
رحنا شفناها بالمغسله سلمت عليهاااا
يالله قبل امس جنبي تسولف لي وتضحك واليوم اودعها بكفنهاااا
المغسله تقول لنا وهي ماسكه وجهها المبتسم على هالوجه تبكون ؟
ياااااا الله هنيا لهاااا وش شااافت خلها تبتسم كذا
بنااات الله يرحمها كانت سمراء كيف صارت ورديه صافي جسمها ؟؟؟ رافعه اصبعهااا
هزززت موتتها تويتر حتى الدعاة اكتبوا عنهااا
وهي عايشه بيننا مالها اثر
بنات كانها موته داعيه يالله
انا لله وانا اليه راجعون
اثرت فيني وافاتها واحسها بقلبي مثل الحسره
كل ماجيت انام اتذكر سوالفها واجر جلستها معي
احس للحين ابي احد يقولي حلم
كلنا على هالطريق عارفه
بس امس يسولف معك واليوم تشوفينه بكفنه والله مو هينه على النفس
الله يغفر لها ويربط على قلب امها وولدها واخواتها
انا لله وانا اليه راجعون
اعذروني لو كلامي ملخبط