قلبي معورني ع زوجي والصلاة وعلى نفسي!

السلام عليكم

يابنات قلبي معورني اول شي على نفسي لاني قمت أأخر صلاة الفجر كثير ولااصلي بوقتها مع اني احاول جهدي ومرات اقوم ومرات لا،، باقي الصلوات باوقاتها الحمدلله
احس بتأنيب الضمير وقلبي يعورني على نفسي اخاف تنقبض روحي وانااكون نايمه عن صلاة الفجر :(
المشكله الاكثر بزوجي مو بس يأخر صلاة الفجر ماادري ليه احسه متهاون بالصلاة،، اهو يصليها اكيد بس عادي عنده يأخرها ومايصلي بالمسجد بعذر مو مقنع صراحه!!اللي مستغربه منه انه زوجي ما شاء الله طيب واحسه عاقل ولله الحمد كثير بس ماادري ليه يتهاون مرة بالصلاة :(
مرات تجي جلسات مصارحه بيناتنا واخر مرة صارحته لماقالي امانه تقولين اذا كان ودك اغير شي من طبعي ماعاجبك
قلت له شي فيني وفيك مقصرين احنا الاثنين
قالي ايش؟؟ قلت له الصلااة:icon33: قال صح طيب وغيره :44: هنا حسيت احد عطاني كف ع وجهي من قلب لانه في العاده اذا فيه نقاط لازم نتناقش فيها اهو عدى السالفه على طول وكأنها مو مهمه استغفر الله ،، بس قلت يمكن كانت هالنقطه احرجته ويرجع يفكر فيها
لكني لقيته على طول بعد صلاة المغرب أذن واقام وقام صلى بعد نص ساعه لانه كان ياكل حاجه ويشوف التلفزيون قهرنيييي وكان ودي ابكيييي صراحه
متعجبه منه كل شي فيه زين ما شاء الله بس اهم شي عندي هالناحيه ،، اذا قلنا الفجر ينام طيب باقي الصلوات ليش مو ملتزم باوقاتها بالضبط؟؟

افكر اقول لازم اصلح العيب فيني اول بعدين في زوجي
شوروا علي يابنات حاسه بتأنيب الضمير وقلبي معورني مرة ع حالتنا:09: