قلبي معورني وتعبانه

السلام عليكم ورحمه الله وبركاته
صار لي فترة والله قلبي معورني وتعبانه بالحيل بس يوم جلست مع نفسي وفكرت هديت اعصابي : عندي مشكله انا انسانه منبوذه محد يحترمني محد يعزني محد يقدرني يعني با الأصح مهمشه وهذا الشي من يوم كنت صغيره بقولكم على بعض المواقف اخو صديقتي توفى الله يرحمه رحت عشان صديقتي وعزيتها وعزيت امها المهم جلست في العزا تقريباً عشر دقايق كذا شفت صديقتي في غرفه جالسه هي وصديقاتها وبنات خالتها ماعطتني وجه ولا كأنها شايفتني جلست شوي على جوالي المهم بعدين شفتها لوحدها وجلست اكلمها وهي تكلمني عادي بعدين جت بنت خالتها بعدين لفت وعطتني ظهرها مستوعبين طيب اوكي تعطيني ظهرك ليش على الأقل احترمي وجودي الموقف الثاني بنت خالي ارتفع عليها السكر لأنها مريضه سكر المهم وداخت ومسكتها وجلستها على الكرسي وعطيتها قاروره مويه وفكيتها لها قالت خالتي تري تعرف تفكها ماله داعي تفكينها لها على اساس انك تحبينها يا الحقوده اخ ياقهر قلبي وقتها قلت لها اثبتي لي اني حقوده طنشتني وراحت بقولكم على شي والله العظيم هذا مو مدح هذي الحقيقه اني مسالمه وقلبي طيب واخلاقي طيبه اسامح كل الناس ولا عمري دعيت او تكلمت في احد احب الناس كلهم اتمنى النجاح والصحه والعافيه لكل الناس لاحظت ان البنت اللي تكون حقوده وتشتم وتسب وتتهم الناس لاحظت انها محبوبه في وحده من قرايبنا كذا الكل يحبها الحمدللَّه علاقتي مع الله ممتازه لأني سمعت ان الله اذا احب عبد جعل له القبول في الارض لاكن انا مكروهه