قلبي مكسور على وضعي وعلى نفسي

انا بيتي قديم واثاثي وفرش بيتي قديم وبعضه مهتري من الزمن لكن ما باليد حيله ماعندي فلوس اسوي لو شيء بسيط فيه جت وحده عزيزه علي لمدينتنا واستحيت مااعزمها عزمتها وبعت خاتم عزيز على قلبي ماتوقعت بيوم من الايام ببيعه هدية من ابوي الله يرحمه عشان اضيفها شريت الحلويات والعشاء ولوزام الضيافه المعتاده وطلعت من عندي مبتسمه وخاطرها طيب لكن لما صحيت ومسكت جوالي لقيتها مو مخليه كلمه ماقالتها على بيتي حتى بقروب جماعتنا تطقطق وتقول بسميك فلانه خرابه لدرجة بعضهم احتراما لي طلعوا من القروب وانا مصدومه تكلمني اختي تقول ليش عزمتيها واقولها وش اسوي استحيت منها وتقديرا لجيتها طيب وش اسوي بحالي يعني اعزل نفسي عن الناس ادفن نفسي بالحيا جلست ابكي لما صفا راسي من الدموع مقهورة على نفسي وعلى وضعي وبخصوص هالانسانه انا بحالة صدمه منها لدرجة ماكلمتها للان جوالي مالي نفس امسكه