قلبي منحرق وابغا افضفض

يالغاليات

انا صار لي سنتين ونص متزوجه وعندي بنت
زوجي طيب وحنون..لكن مشكلته عيونه زايغه ورغم كذا امشي واسوي نفسي مانتبهت
اول يوم زواجي لقيته كاتب لي ورقه في كلام حلو..وتعرفون العروسه اول يوم مايجيها نوم
طلعت الصاله لما نام اتفرج عالتلفزيون لقيت الدفتر اللي ماخذ منه الورقه
ولقيته كاتب اسم بنت فيه غير اسمي لكن بنفس القلم ونفس الخط لما جا ثاني يوم جيته بمزح وريته الدفتر وقلتله مين فلانه؟؟ارتبك وقال مدري مو انا اللي كاتب يمكن اللي كان ساكن قبلي في الغرفه
المهم سكت ونسيت الموضوع..بعد ما حملت وشفت بالسونار انها بنت قعدنا نفكر باسم لها قال زوجي وشرايك نسميها فلانه..على اخت صديقي...تخيلو يقولها بكل بجاحه!!
وزعلت وراضاني وسكت..بعد ماولدت قالي بنسافر لاهله عشان يشوفون البنت قلتله طيب اذا رحنا هناك ابغاك توريني اغراضك القديمه ومذكراتك قالي طيب..لما رحنا قبل مانوصل مر على بيت وقال بضحك ااخ هالطاقه لها ذكريات ناظرت فيها وسكت على بالي يمزح ورحنا لبيت اهله
وفيما بعد اكتشفت ان الطاقه هذي كان فيها بنت وكانت تحبه واسمها نفس الاسم اللي شفته يوم زواجي
ووراني مذكراته..تخيلو يابنات يوريني رسايله مع البنت اللي قال بيسمي بنتي عليها!!!
بغيت انجن وعصبت وسويت لها سالفه بعدين تاسف وشقق الاوراق قدامي وقالي هذا ماضي وبنساه
المهم صدقته وسكت ..بعد فتره لقيته فاتح الايميل وقام منه ماسكره قعدت افتش فيه لقيت اسم بنت ناديته وقلتله من هذي؟؟
قال هذي بنت جيراننا اللي عند الطاقه..قلت وليش ضايفها ان شاء الله قام يحلف انها هي اللي ضايفته وانه مايدري من فين جابت ايميله وانها اصلا متزوجه وماتستحي تبي تسولف معه وانه فهمها انه متزوج وانه يحبني وانه يبي يسوي لها بلوك بس مايعرف لانه عليمي في النت
المهم سكت للمره المليون
مره لقيت عنده رساله نصها اذا تبغا تتعرف على بنات وصبايا دق على هالرقم وطالعت في جواله لقيته داق عليهم ولما واجهته قالي بس حب استطلاع ابغا اعرف وش قصدهم!!
وتهاوشنا وتاسف ومشيتها له..قبل كم يوم كان يوقت الساعه واخذت منه الجوال قلت بفتش لقيت في الرسائل المرسله رسالتين دمروني بصراحه
وحده كاتب فيها انا متذكرك حتى بالاماره عمرك صار 19 ونص وهداياك للحين عندي يا... وحاط اسم الدلع حقها(هذي هي البنت اللي كان يبي يسمي بنتي عليها) وتكملة الرساله خلينا نتواصل لو في الشهر مره ومرسل هالرساله على جوال بنت اخته لانها صديقتها
والرساله الثانيه من رقم غريب كاتب لا تدقين لان زوجتي عندي
قلتله شهذا؟؟؟؟؟
قام يناظر ويناظر ومسوي نفسه مستغرب قال مدري
قلت شلون وعصبت وسالته ليه وانها فلانه اللي تعرفها وانه للحين يحبها ويكذب علي
الي يقهر انه انكر وقال مو انا اللي مرسل ودبسها في ولد اخته
زيكذب كذب بايخ غير منطقي ومهو راضي يعترف لليوم
حنا قبل فتره بسيطه تزاعلنا زعله قويه لان اهله يجون يسكنون في شقتي فغيابي وانا قلتله اني تعبانه في الاثاث ولا ابي احد يسكن في بيتي وان مو فيه وعصب وتهاوشنا وهالرسايل اللي ارسلها في نفس هالوقت
والله يابنات مرررررررررررره مقهووووره وافكر اروح لاهلي واخليه بالقلعه
كرهته والله كل شوي يجي عندي ويعيد الكذب ويقول مو انا بس ماقدرت اصدقه صعبه صعععبه
التهمه راكبته
ابي احد يواسيني ولا يعطيني حل تكفوووون
واللي ماعندها حل تدعيلي الله يعديها على خير ويخليه يحبني بجنون