قلبي منحرق ولدي ساعدوني

السلام عليكم انا ولدت من 3 اسابيع وحصل لي انفصال بالمشيمه ونزيف حاد ودخلت العمليات ولدت بقيصريه وسوولي نقل دم 7 اكياس والولد كان منقطع عنه الاكسجين 15 دقيقه او 20 دقيقه المهم سووله انعاش والحين هو بالحظانه وسووله اشعه عالراس وطلع فيه نزيف بالمخ ومياه وسوائل سببت تدمر خلايا الدماغ وكان قاعد بانبوب التنفس اسبوعين ومن اسبوع شلوه وتعبان وايد ويتغذا بانبوب والاستشاريه قالت لي انه مع حالته مجرد مسالت وقت وفي اطفال يقعدون شهرين ويتوفون انا يا بنات نفسيتي تعبانه واحس بحزن شديد ما اعرف شو اسوي مثل المربوطه وكل يوم ادعي ربي يرحمه برحمته الواسعه ويكتبله الخير يا بنات اخاف عليه يموت واخاف يعيش ويكونمعاق ويتعذب بالدنيا واخاف يعيش ويحصلي شي خاصه اني مريضه باورام سرطانيه وماحد يراعيه من بعدي من مرت بمثل حالتي وشو صار على ولدها ودعواتكم