قلبي ونفسيتي دماااار

السلام عليكم ورحمة الله وبركاته
ماعرف كيف ابدا انا لي كم موضوع هنا
ماعرف انا متجزعه ولا حياتي مو حلوة فعلا
والله الحمد لله انا بصحه وعافية بس يبنات مو عايشين زي الناس ياعالم تصدقون ماعرف عماتي لو اشوفهم ماعرفهم واعمامي مقاطعهم ابوي ومقاطع امه وابوه ويسب فيهم وابوي كبير وفاهم ان ذا حرام وقاطعنا من كل الناس انا خبري في الناس والسوالف لما كنت ادرس بالجامعه
تخيلو في العيد محد يعيد علينا والله انقهر لما اشوف زوجات اخواني يروحون لاقاربهم وانا ماعندي استحي كمان مقاطعين كل الناس حتى الجيران متخاصمين معهم
اقولكم حياتي من لما تخرجت جلست في البيت وطبعا مقدر اروح مدراس اهليه لان مافي مواصلات ابوي يرفض السواق الخاص
وانا جالسه داده لعيال اخواني انام لما العصر وبعض الاحيان العصر كمان انام مافي اي شي جديد بالحياة معرف الحفلات ولاالزوجات ولا الجمعات
مامونسني بهالدنيا الا امي الله يطول عمرها
تخيلوا حتى ملابس العيد مو راضي يعطيني فلوس نشتري افرح نفسي فيها كل شوي ياربي ارحمني بسسس الموضوع مجرد فضفضه