السلام عليكم
http://forum.hawaaworld.com/showthread.php?t=3509178
الحمدلله الحمدلله الحمدلله على كل حال
بنات نفسيتي تعبانه مره
مخنوقه وفيني بكيه
الناس والمعلمات للحين مايدرون بخبر طلاقي
وكل ماشافوني قالوا بشري فيه شي بالطريق حمل او شي زابتسم واقول مافيه شي وبداخلي غصه
اشتقت له يابنات اشتقت لطليقي اناظر ملابسي بجدتها وقمصان لسه مالبستها ومفاجات لسه مانفذتها كنت ناويه كل شهر احتفل بذكرى زواجنا اشتقت لشقتي اشتقت اكون انسانه متزوجه اشتقت البس واروح لبيت اهلي ضيفه وبنهايه السهره اتصل على زوجي يجي ياخذني مثل باقي الحريم اشتقت اروح ارتب شقتي لاراح الدوام وانحجز باليوم واليومين اشتقت اكلم امي من شقتي واتناقش مع بنات خالاتي الي تزوجوا معاي بنفس الفتره اشتقت اكون متزوجه كنت فتره طويله عانس الحين صرت مطلقه يارب رحمتك يارب رحمتك والحمدلله على ماقضيت
اشتقت لتخطيطنا للدراسه
كناا ناوين ندرس برى سوى وقدمت بعثه واقبلوني ولله الحمد بس وش اسوي وحدي الحين كنت اسجل بالجامعات الي تقبلنا سوى والحين حلمي تهدم من بيروح معاي وشلون بروح عزابيه يارب رحمتك
اشتقت له بنات ماتوقعت بيذبحني الشوق كذا
مدري وش صار لنا عين ولا شنو
اتصل فيه اخر مره قبل الطلاق قال انا مقدم بلاغ وبيوصلكم البيت والثلاثاء موعدنا تعالي عشان تتنازلين عن فلوسك الي يطلق لازم يدفع نفقه متعه وتطلع مبلغ قلت مابغاها انبسط وقال تعالي تنازلي
عور قلبي يبيني اروح المحكمه بس عشان اتنازل
ترجيته وذليت عمري قلت تكفى لاتطلقني طلبتك قال خلاص هالموضوع انتهى واحنا مانصلح لبعض قعد يعدد عيوبي اني واني اني انشر اسراره بمسجات لصديقاتي واني اقومه من النوم عشان يوديني للدوام واني ابي اسيطر عليه وانبي ابي استغله عشان انتقل من وضع الى وضع يحسسني انه ماخذني من عشيش مو من بيت اهلي مدلعيني فيه بنات ذكر اسباب تافهه جدا ماتوصل لطلاق
اخوي كلم ابوه وتشره عليه وعاتبه وقال حنا زوجناكم بنتنا عشان تصوننونها مو كذا قال الابو ادري وانا مستحي منكم وتعبان من الموضوع اكثر منكم والموضوع مو بيدي بيد الولد وامه انا مابيدي شي
اخوه يقول للاخوي اخوي بالاصل صديقه وهو الي عرفنا على بعض يقول ان شخصيته ضعيفه وانه مايتحمل مسووليه وكل شي يقوله لامه
امه ماكلمت ولا حاولت تصالح واتوقع والله العالم انها الي شجعته على موضوع الطلاق
بنات نفسيتي تعبانه ومت وانا الوم نفسي ذبحتني الحسره والتفكير احس بينفجر راسي اقوم الليل اشاهق من البكي
ابيه حبيته ماشوف الاايجابياته مع اني اسمع عيوبه من اخوانه الي قالوا عنه بخيل ومايتحمل مسووليه وامس قعدت اسولف مع مره اخوي وهي تعرف بنت عم طليقته سالتها ليه طلقها قالت ان بنت عمها تقول انها هي الي هربت منه تقول مايدبر ولا يعرف يحكي ولا يتحمل مسووليه وبخيل ولا كنها كانت حامل فراحت لاهلها وجننها على ماطلقها وبالنهايه اخلعته
انا لاحظت بخله ولا حظت انه مايبغى يتحمل مسووليه بس حبيته وابيه يكفيني انه كان يصلي وخايف من ربه ومايطول صوته علي
باخر مكالمه ترجيته وذلني وقالي الله يرزقك بلي احسن مني عورني قلبي انه يتمنى اتزوج غيره ماحسيت انه يحبني بالعكس حسيته شايل علي حيل ويكرهني كره مو طبيعي وقالي انتي الي تكفين اطلعي من حياتك
بنات خايفه اظل مطلقه طول عمري
خايفه من شماته الناس
خايفه تروح علي البعثه او اروح لوحدي واتبهذل
خايفه ماجيب عيال
خايفه اتزوج شايب لاني مطلقه وعمري 34
هذي مخاوفي
يارب اعوذ بك من شر ماجدواحاذر
الحمدلله مقتنعه بنصيبي والي ربي كتب لي ويارب يكون هالطلاق فاتحه خير لي ورزق كبير
دعواتكم لي
همسات الخريف @hmsat_alkhryf
عضوة فعالة
هذا الموضوع مغلق.
جودي حياتي
•
دايم كرري اللهم اجرني في مصيبتي وخلف لي خيرا منها والله اعرف بنات كبار عمارهم بالاربعين تزوجوا وخلفوا لاتياسي ياقلبي
"وَإِن يَمْسَسْكَ اللَّـهُ بِضُرٍّ فَلَا كَاشِفَ لَهُ إِلَّا هُوَ ۖ وَإِن يُرِدْكَ بِخَيْرٍ فَلَا رَادَّ لِفَضْلِهِ ۚ يُصِيبُ بِهِ مَن يَشَاءُ مِنْ عِبَادِهِ ۚ وَهُوَ الْغَفُورُ الرَّحِيمُ"
والله الذي لا إله إلا هو أن رزقك بيديه سبحانه
وأنه لو كتب لك أن يكون هذا زوجك الذي ابتغاه لك سبحانه سيكون
والله لا سحر ولا عين ولا ربط ولا فك تغير مشيئة الله سبحانه
والله أن رزقك آتيك آتيك آتيك
وأن أمرك كله خير
"أمر المؤمن كله خير"
اسأل الله الحنّان المنّان بديع السموات والأرض ذو الجلال والاكرام أن يغسل قلبك باليقين ويثبتك ويربط على قلبك ويخلف عليك بزوج صالح تقي تقرّ به عينك وتهنأ به نفسك وأن يرزقك الذرية الصالحة الطيبة .
والله الذي لا إله إلا هو أن رزقك بيديه سبحانه
وأنه لو كتب لك أن يكون هذا زوجك الذي ابتغاه لك سبحانه سيكون
والله لا سحر ولا عين ولا ربط ولا فك تغير مشيئة الله سبحانه
والله أن رزقك آتيك آتيك آتيك
وأن أمرك كله خير
"أمر المؤمن كله خير"
اسأل الله الحنّان المنّان بديع السموات والأرض ذو الجلال والاكرام أن يغسل قلبك باليقين ويثبتك ويربط على قلبك ويخلف عليك بزوج صالح تقي تقرّ به عينك وتهنأ به نفسك وأن يرزقك الذرية الصالحة الطيبة .
الصفحة الأخيرة