قلبي يعورني

السلام عليكم ورحمة الله وبركاته

والله يا خواتي قلبي يعورني من الصبح ومو عارفه وش اسوي

شوفوا انا أم عندي 4 عيال بنتين وولدين بنت 11 سنه ولد 9 بنت 5 ولد سنتين ونص

المهم البنت الي عمرها 5 ماشاء الله عليها الله يحفظها حركيه وايد وما تخلي اخوانها في حالهم دوم ضرابه وصراخ وانا دايم احاول احل الضرابات بهدوء عشان ما تصير البنت عصبيه وتزيد وتعاند

من يومين زوجي سافر مهمة عمل وصار كل البيت على راسي مو مشكله عادي بس ضغط علي

المشكله الي معوره قلبي صارت اليوم الصبح لما صحيت العيال للمدرسه قامت الصغيره تبكي وتصارخ وتقول ما ابي اروح ومن هالكلام انا قلت حركات كل يوم وبتسكت في الاخير ورحت اغير ملابسي على ما تخلص هي من الحمام وانتوا بكرامه وبعدين امشط شعرها واجهزها وانا في الغرفه اسمع الصراخ والصياح ............... طلعت بسرعه الا اشوف الكبيره ضاربه الصغيره كف على وجهها والله اول مره يصير كذا جن جنوني رحت اسكتها ودخلتها الغرفه تلبس ورحت اتفاهم مع الكبيره وهي عنيده تراها وايد كنا لوحدنا انا وهي قلت لها ليش ضربتيها قالت هي بدت وهي وهي وهي ................ سالتها وين ضربتيها كان تقول في وجهها .......... اقول لها كف يعني ......... تقول ايه كذا بكب بجاحه ....... قلت لها كرامة الانسان في وجهه ليش بس ضربتيها في وجهها ليش مو بايدها او اي مكان يعني انتي ترضين اضربك في وجهك وجت عندي مقابل وجههي والله وهي طولي وتقول لي ايه ارضى وعطيتها كف :( والله اول مره وعورني قلبي بس ساعتها من الي فيني مشيتها وهي راحت ولا كأن شي صار والله شي يقهر

وش رايكم كيف اتصرف وش اسوي ؟؟؟؟؟؟؟؟؟؟ بموت قلبي يعورني