الله يعينك اختي انتي بنتك ماتقدر تحفظ
انا عندي ولد4 ونص عمره وله يحب انه يتعلم
لا يقراءوله يحب يكتب بحدلني ماطلع زي اخوه
الكبير ومعاه اخته بعد وله جاي يتشجع الله يعين اقلوبنا

الله يعافيها والاخوات ماقصروا بالحلول
لكن حبيت اقولك اتصدقي عنها بنية شفائها
وعلبك بالدعاء

نفس حالة بنتي مافيه تركيز وعندها صعوبه بالتعلم

الحين تاخذ دواء لزيادة التركيز

بس مالقيت المدرسه اللي تقبلها بالحكومي طبعا

كلهم يقولون ماعندنا لها مكان بالصعوبات

والله اني تعبانه ومليت من كثر مااروح واذل نفسي للمدارس ولا فيه فايده


والمدارس الاهليه اللي فيها صعوبات رسومهم غاليه

ياليت تكفون اللي تعرف مدرسه فيها صعوبات ورسومهم مو غاليه بشرق الرياض تدلني

والا مدرسه اهليه جديده يعني توهم فاتحين يساعدونها عالاقل تدخل الترم الثاني

الله يجزاكم خير على الرد والله يهنيكم في عياالكم


البسمة الريئة

الله يجزاكي خير ..وهذا اللي صاير حتى تعبيرها عن الشي احيانن يجي غلط...ومافيها فطانه

يعني لو تطلب منهم المعلمه شي..ماتعلمني احيانن بيسون حفله ويقولون لهم جيبو كذا وكذا ..تلقينها ماتدري عن شي ..ولعرفت انا بعدين اقولها ليه ماقلتي لي ..قالت انا مدري .. وفوق كل هذه كله عصبية ..


اختي ..احب اطفاالي ..انا بنتي في حكومة لكن لصارت عندهم حالات صعوبات يجيبون لهم معلمة حقت صعوبات


انتي اذا مالقيتي راجعي الرئاسة فيها قسم حق صعوبات التعلم وحاولي انك تطالبينهم بهالشي او انهم يعلمونك اي المدارس اللي حاطين فيها معلمه حقت صعوبات.... تلاحقيها ترى اذا ماعرفت الحين راح تظل ماتعرف شي بعدين ..مثل بنتي


والله يفرجها يارب على بنتي وبينتك وكل البنيات اللي مثلهم يارب ياكرريم

رحت للتشخيص المبكر قالو مافيه مكان كل المدارس اللي فيها صعوبات زحمه

لان المدارس الحكوميه اللي فيها صعوبات لازم تحويل من التشخيص المبكر

العام رحت لهم وقالو تعالي السنه الجايه وهالسنه رحت لهم قالو تعالي السنه الجايه بنتي الحين بثاني بس للاسف ماتعرف

لا املاء ولا قراءه ولا رياضيات متعبتني بالتدريس عصبيتها مالها حدود بس صراااااااااااااخ

الله يفتح على قلبها وكل مسلم