قلبي ينزف دماً

السلام عليكن ورحمة الله
مابطول عليكم بالموضوع وأحاول اختصر لكم لأنو حكايتي طوييييلة
انا متزوجة من سنتين وعندي بنت عمرها سنة وشهر ربي يحفظها لي يارب ،المهم انا متزوجة من ولدخالتي هو إنسان ملتزم ومؤذن مسجد << نبذة مختصرة جدا عنه
المهم من تزوجته وحياتي كله مشاكل في مشاكل ، تخيلو وانا عروس لسا ماقفلت أسبوع يطلب مني اطبخ له ولما رفضت عَصّب عليا وخرج وقفل عليا الباب حق الشقة وجلست يوم كامل بدون اكل قالي اقعدي موتي من الجوع 😐تخيلو بنات من في هالزمن يطبخ من اول أسبوع لها !!
وحملت منه بعد شهرين وأنتو عارفين تعب الوحام وعمايله 🤒 تخيلو بنات كنت مااقدر اشتغل بالبيت واكتر أوقاتي في سريري وروحة وجية عالمستشفى ،كان لما يجيب لي الدواء يرميه ليا زي البهيمة ولما انام يضرب السرير برجوله عشان يصحيني وانا لما شفته مو مبسوط من حملي أجهضت الجنين لأني يادوب ليا أسبوعين من حملت ولسا مانفخت فيه الروح وجلست عند ماما شهرين ورجعت لبيتي وحملت بعد 7 شهور وكان طاير من الفرحة ولما ولدت ندمت أني حملت وخلفت قد شعر راسي لانه كان مايرسلي مصروف ولا موفر لي أغراض ولما يجي يجلس في مجلس الرجال ويطلب بنته ويسلم عليها ويروح وانا حتى ما يكلف ويتطمن عليا وحتى اتفقت معاه أني اسمي بنتي على أمي ووافق ويوم السابع سمى البنت على أمه ومرررا انقهرت وما سكت له وزعلت منه وجلست 6 شهور بعد النفاس وبعدين رجعني عالبيت ، المهم هو مايحترمني ومايقدرني ويرفع صوته عليا ويتنافخ عالطالع والنازل وطول اليوم مكشر حتى مايوديني عند اهلي الا في الشهر مرتين بحكم شغله ولا يوديني عند بيوت اخواني واخواتي ولا عند أعمامي وعماتي ومانعني اروح زواجات او جمعات بنات ومايعطيني مصروف الا50 كل شهر وناقشته خلاه مية ريال ومرة اتناقشنا مررررا وقلتله يوديني البيت ولما وصلنا تخيلو حطني في الشارع وأخذ بنته وفحط بسيارته وانا ابكي وأجري ورآه زي الكلب وهو ولا هامه وبرضو ماما رجعتني له وآخر مرة من 3 شهور اتخاصمنا مرا وأخذ جوالي ورماه عالدولاب فوق وبعد كم يوم رجع ونزلي هو قلتله ماابغاه ومو اول مرة يسوي هالحركة معايا واحتد النقاش وقالي انتي قليلة أدب قلتله انت عرفت ادبي وأخلاقي وجيت أخذتني قالي لو أعرفك كدا مااخذتك وانا قلت لو أعرفك كدا انا كمان مااخذتك وبعدين قالي أصلا انا غلطان لما أخذتك وندمان كمان قلتله دامك غلطت صحح غلطك وطلقني ورعات وخرجت من البيت وجيت بيتنا وحكيت لامي واخواني وقالو هذي المرة انتي صاحبة القرار لو تبغي ترجعي ارجعي ولو ماتبغي تقعدي في بيت ابوكي معززة مكرمة المهم خلال ال3 شهور مايسأل عني ومايدري عني حية ولا ميتة ولما يجي يسلم على بنتي يوقف في الشارع ويرسل عيال اخوه عشان ياخذو البنت وكذالك في الرجعة ودحين رسل الأسبوع الماضي رجاجيل عشان يرجعوني وانا رفضت وصممت عالرفض واخواني قالو خلاص تفكر ونرد عليكم وتخيلو كمان خالتي حسبي الله ونعم الوكيل عليها تمشي وتقول للناس إنّو أمي مجلستني عندها وماتبغا ترجع بنتها عالبيت قالت هذا كلو لأنو أمي قالت لها الموضوع بيدها هيا وانا مااغصبها على شي مااتبغاها وبعدين اخواني ضغطو عليا أني ارجع ورجعوني غصبن عني وانا والله ماوافقت الا لأني ماابغا الناس تفكر إنّو أمي مجلستني عندها ويطلع كلام خالتي صح ودحين بكرا العشاء يجي ويعتذر لامي ولإخواني وليا ويسمع شروطي ويديني الرضوة ولو ماوافق على شروطي يادار مادخلك شرر ...
بنات انا اللي قاهرني إنّو خالتي تحرض ولدها عليا بس اللي عجزت افهمه ليش؟؟؟؟
انا بنت اختها شقيقتها ليه تسوي فيني كدا انا وسلفاتي ؟؟ هما كمان ثنتين خربت بيوتهم وطلقتهم من ولدها لانهم ضراير وزوجت ولدها بالزوجة الثانية عشان تقهر الاولى ....
ياما اتضررت منها بس حسبي الله ونعم الوكيل عليها لانها ظلمتنا كثيييير .. ولو جلست احكيلكم عنها ماتكفيني صفحاااات
وولدها كمان اللي هو زوجي مرررررا خيخة كلمته كلمة أمه وهو بيدها زي الريموت كنترول وانا والله تعبت معاه وكارهته كره العمى واللي متعبني اكثر إنّو لما ارجع دحين كيف اجلس مع إنسان قالي أني انا غلطة حياته وندمان انه تزوجني؟؟
ساعدوني والله أني ابكي ليل نهار بس عشان الله مايجمعنا مع بعض تاني
صح كلامي مخربط وطويييل بس وربي من جد قلبي ينزف دم من القهر والتضحيات
ساعدوني وواسوني في مصيبتي وكربت