)": قلبي يوجعني ....

السلام عليكم

حبيت افضفض لكم باللي فيني مع اني مااحب اشكي لاحد بس خلااااص ماني قادره اتحمل
بقولكم شي بسيط جداا من حياتي وهو اللي متعبني مادري من وين ابدا
رااح اقولكم اللي قلب حياتي حسبي الله عليه
هذا قبل ست سنوات تقريبا كان عمري 14سنه كانت امي تاركتني مع اخوي الكبير بالبيت لحالي معه
وبهذا اليوم اغتصبني اناا ماكنت اعرف انه حرام وانه شرفي خلاص ضاااع ماكنت فاهمه شي واصلا ماكنت راضيه
باللي يسويه وقلت له والله لاعلم امي عليك وقال مارح احد يصدقك وارجعو اهلي وماتكلمت كنت واثقه انهم
مارح يصدقوني ومرت الايام وانا ابعد عنه وماعد اجلس معه حتى لو اهلي معنا
وفجاءه القى نفسي مع اخوي لحالنا ويصير نفس اول مره ويتكرر لاحد يسأل كيف تروحين معه لحالكم
هذا غصبا عني وربي مو بيدي اجلس العب مع أخواني الصغار وفجأه يتركوني معاه ليه هذا اللي ابي افهمه
هذا كله يوم عمري 14 ومن يوم صار عمري 15 ماعد قرب لي الله ياخذه يارب
الحين عمري 20 واللي متعبني ان من ذيك الايام ما انام زي الناس اخاف اصحى ما القى احد ويجيني وربي تعبت هذا غير الاحلام الي تجيني ب اخواني و خوالي وعمامي كلهم يسوون فيني مثله ماقدر اتحمل خلاص احس
بطعنه بقلبي وصرت بس اشوف رجال قدامي بالسوق او اي مكان يجيني غثيان حتى لو صورت رجال بالنت
احس معدتي تقلب ماقدر اتحمل مو بيدي الاا ابوي هو غير احس عادي اجلس معه واسولف عكس الباقي
لاني عارفه ابوي مستحيل يسوي مثلهم وخوالي وعمامي ما اقابلهم وزعلانين اني ما اسلم عليهم
لاحد يقولي هم غير اذا اخوي سوا فيني كذا كيف بالبعيد؟
ايوه نسيت اقولكم اول مره سوا اخوي فيني علم امي انا انصدمت
كنت بدخل المجلس وامي وهو موجودين لحالهم وقال سويت فيها #######وهي تضحك وش تفسرون لي
كنت بشكي لها طلع متفق معها وربي حسيت الدم توقف بعروقي لاتقولون تتوهمين انا سمعهتم باذاني
مشيت وتركتهم وانا مصدومه واحاول اكذب الي سمعته ومن ذاك اليوم وانا احاول انسى اللي صار..
بس الحين اللي قاهرني وبيجيب لي الجلطه اني من ذيك السنين احاول انسى ومااجلس معه
حتى لو كلمني ما ارد عليه وابوي مستغرب واخواني الصغار بس ماهموني تمر شهور وسنين مانكلم بعض
حتى اذا جلس قمت صوته شكله يلوع كبدي الله ياخذه ويفكني منه
وبعد كل هذا صايرين امي وخواتي كل ماجلست معهن جابن طاريه لييييه ؟؟ابي اعرف وش السبب
كل ماقلت شي او طلبت شي قالو روحي لفلان يدرون كيف ما اطيقه واكرهه ليه ينشبوني معه
بكل شي معقوله خواتي يعرفون الي سواه فيني ؟
ابي افهم وش السبب فيه شي بحياتي انا مو فاهمته قولولي انا سويت شي غلط عشان يصير فيني كذا
امي مسامحتها مهما صار هاذي امي بس ليه كل يوم تلصقني فيه مو حراااااام
احس بغصه لما تقول اسمي معه وتتعمد تجمعنا كاني زوجته مو اخته مع ان دايم اعصب اذا جابو طاريه
اناا ماهمني تكلموو عنه من اليوم لبكره بس لاتدخلوني فيه خلاااااص احس اني بنفجر ماني قادره انحمل
من يوم كنت صغيره كان ودي احد بجنبي اقوووله كل اللي بقلبي
يوقف معي ويبعدهم عني ويوقفهم عند حدهم بس من؟؟؟ابي اعرف من اللي لازم اثق فيه
انا عارفه بيجي اليوم الي يزوجوني فيه غصبً عني وش بسوي اذا جاء هذا اليوم وعرف زوجي اني مو بنت
قولولي وش اسوي ابي ارتاح من ذا الهم تعبت وانا كل يوم ابكي وادعي على الحقير الى متى وانا اتعذب
ابي اقتله بيدبني وربي كل يوم افكر بطريقه اقتله ابرد قلبي ابيه يتعذب
مومهم لو دخلت بالسجن اهم شي انتقم مو هذا الصح؟ اخذ حقي بيدي
صح يوم كان عمري 14فكرت انتحر بس وش الفايده اذا دخلت النار!! اخذ حقي منه احسن
واللي يستحق يموت هو على الي سوااه .

ادري ضيقت صدوركم بالي قلته وهذا شي قليل واختصار من حياتي
بس والله مالي غيركم احد اقوله الي بقلبي لاني تعبت مادري وش اسوي وين الصح وين الغلط
قولولي وش اسووي احس بموت من ذا الهم دايم ادعي عليه بالموت بالمرض ب اي شي اهم شي
ما اشوفه قدامي ويضحك ويلحقني وولا كأنه سوا شي
ما استجاب الله دعائي افكر اخذ حقي بيدي ادري بتقولو مجنونه
وبتضيعي مستقبلك بس هو ضاع من يوم شفته
مارح تحسون باللي انا فيه كل يوم يكبر جرحي وانطعن الف طعنه من اقرب الناس

ابي منكم تدعون على اللي دمر حياتي
ان الله يسلط عليه الحادث اللي يقضي عليه اليوم قبل بكره

وحسبي الله ونعم الوكيل.