قلبي يوجعني انا مثل ما انا واللي حواليني اتغيرو و بيقاطعوني بطريقة ماترضي احد

السلام عليكم ورحمة الله و بركاته
كيفكم يا حوائيات
انا حادخل في الموضوع على طول

انا انسانة احب النقاش واعطاء الاراء واحب السؤال عن الناس داااااااااايما حتى كثير ينحرجو مني ويقولو انتي السباقة في السؤال ولمااسال اسال عن الام والاخوات وغير اتصل احيانا خصوصي اسال عن امهات صديقاتي والحمدلله ربي يشهد اني مااحب القطعة حتى زوجي مو جايب لي تلفون في البيت عشان الفواتير و الجوال الله يعيني عليه شحن اول مااشحنه يخلص لاني اتصل واسال
المهم عارفة طولت وحاتقولو دي مرة شايفة نفسها بس دا راي الناس وكلامهم عليا

خلال الايام اللي راحت انصدمت في كثير من صحباتي خاصة انهم كانو من اعز الناس على قلبي واواصلهم ولو قطعو اتصل
الاولى كانت معايا في الثانوي كل السنين نجلس جنب بعض في الصف
بعد التخرج انا دخلت الجامعة وهي راحت الكلية بس هي اتغيرت ماصارت تسال انا اتصل واكلمها كل اخر اسبوع وبعدين انشغلت اني تزوجت وعلى طول حملت وجبت ولد وصارتلي ظروف مع زوجي الحمدلله عدت وفي الفترة دي و لا سالت عني بعدها بفترة اعرف من واحدة انها انخطبت وزواجها بعد يومين وانا من فرحتي اتصلت عليها و باركتلها وسالتها عن مكان زواجها قالتلي في الفندق الفلاني قلتلها دا الفندق زوجي يشتغل فيه فقالتلي طيب ما يقدر زوجك يحاول يجيبلنا تخفيض قلتلها اوكي انا اكلمه , كلمته قلي اشوف فكلمني من العمل وقلي مااقدر اسوي شئ لانهم اتفقو خلاص ودفعو عربون وانهم يصيرو معارف صاحب الفندق فقلتلها الكلام دا ,المهم رحت زواجها و فرحتلها و ياريتني مارحت اتصلت بعدها باسبوع اسال عنها ردت وكلمتني بسرعة وقلتلها ارسليلي رقم بيتك عشان نتواصل قالتلي اوكي طنشتني قلت امكن نسيت ,اتصل بعدها بفترة ماترد بعدها بشهر نفس الشئ اتصلت على امها سالت عنها طمنتني عليها
فلما شفت انها ماترد عليا و بترد على صديقاتنا الباقيين قلت في شئ في نفسها عليا و كنت اكذب نفسي عرفت انها حملت وولدت اتصلت اباركلها ماردت ارسلتها رسالة مباركة ,
كيف اتاكدت انها اخدت في نفسها و زعلانة مني اتصلت ليلة العيد اهنيها واتصلت من رقم جديد لي قلتلها الو قالتلي الو قلت السلام عليكم
لسه ماكملت كلمتي الا و قفلت الخط في وجهي قلت امكن بالغلط رجعت دقيت كم مرة ماردت عليا عرفت انها زعلانة اقسم بالله اني زعلانه اني كنت اجري واسال عنها وحاولت اساعدها تتوقعو انها زعلت انه زوجي ما سوا شئ في موضوع التخفيض والله قلبي محروق منها

وفي صديقة كمان من ايام الثانوي
كنا صريحين مع بعض وتحكيني اللي يصير معاها وكل شئ ولما دخلت الجامعة الجامعة قبلتها انتساب فاتعرفت على بنات تانيين من بعدها اتغيرت -عزمتني في حفل تخرجها ماقدرت اروح عشان اولادي جاتهم نزلة معوية واعتذرت منها وقلتلها اجيكي واجيب الهدية الاسبوع الجاي قالتلي اوكي بعدها اتصل عليها اتصل عليها ماترد عليا ارسلها رسايل نفس الشئ عرفت انها زعلت طيب ارمي اولادي واروح
صرت كل فترة ارسلها رسايل وفي الاخير ردت على رسايلي واتجرات ارسلتها كيف يا ... ايش اخبارك
فارسلتلي انا بخير والحمدلله فارسلتلها ايش اخر اخبارك انا اخباري اني حامل في ولد فردتلي بمسج انها بخير و مبروك لكي الحمل وتقولي انها ملكت -انا اتفاجات مرة انها ملكت لانها ماعزمت احد من صديقات الثانوي -رجعت اسال واكلمها و تكلمني بس بحدود
بعدين اتزوجت و كمان ماعزمت احد ومن فترة قلتلها مافي بيبي قالتلي انا والله شاكه في الشئ دا فحللت وسالتها على طول قلتها انتي حامل قالتلي ايوه حامل مرررررررررة فرحتلها
وصارت تسالي عن احسن دكاترة ونصحتها انه دكتورة افضل و اريح وبلاش من الرجال قالتلي صحيح
فجاة بعدها بكم يوم اتناقشنا عن مستشفى تبغى تولد فيها فنصحتها انه المستشفى الاهتمام فيها مررررة سئ و فيها اذلال من تجارب ناس مرة مقربين مني (يعني موضوع نقاش) فصارت تقولي انتي تحبي تتفلسفي و انتي تفكري نفسك انك مرة كلامك صحيح و هو فيه كتير اغلاط قلتلها انا بلغتك بس وانتي براحتك نصحتها بمستشفيات ممتازة قالتلي مستحيل اولد في مستشفيات كده قالتلي انتي اولدي في المستشفى دي اول قبل لا تتفلسفي قلتلها انا مااحب المظاهرفي المستشفيات اهم شئ الخياطة و الاهتمام بس
قالتلي يعني اانتي شايفاني احب المظاهر .... كلااااااااااام كتيييييييييير بعني موضوع نقاش ولحد داحين لا تكلمني مع اني اتركلها رسايل على الماسنجر اني ابغا اطمن عليها وامس دقيت عليها وردت باسلوب واقف انا اللي اسالها انتي كيفك وهي ترد (زي الاستجواب ) وحسيت اني ثقيلة قلتلها انتي مشغولة قالتلي ايوه وقفلت المكالمة ما كملت 20 ثانية (اقسم بالله دا مو اسلوب صحبتي اتغيرت )
انا ماتغيرت هي من ايام الثانوي تدري انه دا اسلوبي احب النقاش واحب اتمسك برايي


وفي واحدة كمان من ايام 5 ابتدائي مع بعض
انا اللي كنت اتصل عليها اسال وامها احبها زي امي اتصل ابغا اكلم صحبتي اجلس اكلم امها ممكن ساعة وفي معرفة من بعيد من الاهل
حتى ابن عمي قلتله يخطبها بس انخطبت قبلها
البنت بعد زواجها مررررة اتغيرت انا اللي كنت ادق عليها ماعمرها اقسم بالله ماترفع سماعة كنت اقول معليش عروسة وحايسة
حملت انا وهي حملت بعدي مرة فرحت ولما جا قبل ولادتي ضاع جوال صحبتي وطلعت رقم جديد اتصل على امها تقولي والله مااعرف اطلع رقمها من الجوال فلما ولدت ارسلت للناس اني ولدت ومن ضمنها واحدة من صحباتها مرة اتصلت وقالتلي مبروك قلتلها قولي لفلانة اللي هي صحبتي فطلبت مني لو جمعت البنات يزوروني ابلغها و بالفعل بلغتها وطلبت منها رقم صحبتي اعطتني هو واتصلت عليها انصدمت مرة اتخيلو عارفة اني ولدت اللي يزعل ليش مااخدتي رقمي منها وقلتيلي الحمدلله على السلامة طبعا انا كنت ابغا اقلها تعالي الزيارة اللي جاين صحباتي بس مررة زعلت قلت امكن هي ماتبغى تجي فليش اقلها
واليوم اللي حددته ماكان اكيد واجلته وقبلها اتصلت اسال عن صحبتي لانه كانت في شهرها لقيتها زعلانة مني ليش ماعزمتيني عزمتي فلانة ليش انا صحبتك انا دايما اسل عنك ماكانه بينا عشرة (حطت اللوم فيا اتخيلو ) مين اللي مفروض يزعل وتقولي اصلا لو قولتيلي ماني جاية لاني ممكن اولد فجأة انا قلتلها اول مرة اسمع انه الواحدة لما تولد تقول للناس تعالولي انا ولدت المفروض هم اللي يقولو نبغا نجيكي قلتلها ولما تولدي حاتشوفي و بعدها و لا كلمتها ولما ولدت اتصلت كلمت امها وباركتلها على بنتها وقبلها اتصلت عليها ماردت
وبعد كده كنت ارسلها مسجات يعني يوم زواجها اعرفه ارسلها مسجات كل سنة وانتي طيبة وبنتها لما كملت سنة نفس الشئ كنت اتصل اسال عنها عند امها دااااااايما وفي الاخير امس ارسلها مسج اكتبلها فيه انه واحدة صحبتنا ولادتها الاسبوع الجاي في توأم قيصري
تدرو ايش ارسلتلي رد والله حاتنصدمو

لو سمحتي لا تتصلي عليا بعد كده و لا ترسلي اصلا مافي بيني وبينك شئ ولو سمحتي لا تتصلي على امي و لا تكلميها

ايش رايكم انا انصدمت مرررة بعد السنين والصداقة باعتها

قولولي بعد دا كله مين اللي فيه الغلط انا و لا الزمن اللي غير الناس و لا ايش ؟!!!!!

وايش تنصحوني بالله عليكم