قلبي يوجعني مرررة 😭💔

السلام عليكم ورحمة الله ،
بنات بالله ساعدوني احس قلبي بيوقف وبموت من التفكير .. تعبت .. عمري ٢٢ سنة ..
اعترف اني مريضة نفسياً صار لي ٥ سنوات ..
بسبب قسوة واذى نفسي تعرضت له بمراهقتي اثر علي للاسف ..
انا مريضة وسواس قهري .. وتأقلمت مع المرض لان صعب جداً ازور طبيب نفسي بحكم المجتمع اللي انا فيه واللي ينظر للمريض النفسي انه مجنون .. وبحكم ان ما احد من اهلي يعرف بمرضي فصعب اروح لطبيب نفسي 💔 ..
الزبدة .. بنات الموضوع جالس يطلع عن سيطرتي ..
بالاسبوع الاخير المرض زاد علي جداً ..
وصلت لمرحلة ما اقدر اتحكم بنفسي وارتجف بشكل ملحوظ خوف من افكاري اللي انا بقرارة نفسي مستحيل اكون سويتها .. لكن الوسواس يقنعني باني سويتها ..
صار لي موقف من ١٠ ايام والى الان احلل فيه ..
وهو اني كنت بالسوق وانا امشي بالسوق تهيأ لي اني رميت ميموري ( بمعنى ذاكرة تخزين للصور او الفيديوهات ) فيها صوري كلها .. وان احد اخذ الميموري وشاف الصور وراح تنتشر ..
والى الان احلل الموقف الف مره وارجع افكر فيه .. متخيلين صار لي ١٠ ايام ما اكل زي الناس ولا انام زي الناس وقلبي يعورني مو قادرة امارس حياتي 💔
وانا متاكده بقراره نفسي اني ما رميت شيء ..
لكن الافكار مو راضية توقف ..
رجعت البيت وشيكت على عدد الميموريز اللي عندي بس عشان يرتاح قلبي واهدا .. ونفرض ان عددهم ٥ .. جاني وسواس ان عدد الميموريز كان ٦ بس صاروا خمسه لانك رميتي واحد بالسوق ..
واكيد احد اخذه وبتنتشر صورك ..
بالله بنات تعبت من هالمرض ، ليتني ما طلعت من البيت ولا رحت السوق 💔 ..
١٠ ايام صار لي احلل بهالموقف واقتنع بعد تحليل عميق اني فعلا ما رميت حاجة ..
بس ما تمر ٥ دقايق الا ترجع لي الفكرة من جديد ان ممكن ما رميتي شيء ، بس طاح منك وانتي مو حاسة .. طيب اقنع نفسي ان شنطتي ما كان فيها ميموري ، ارتاح شوي ويرجع الوسواس اني رميت الميموري ووالخ .. كل ما اقنع نفسي من ناحية تطلع لي فكرة جديدة ترجع الخوف لقلبي ..
بنات وش الحل مع عقلي تعبت ..
طبعاً مثل ما ذكرت انا مقتنعه اني مريضة نفسياً وكنت متأقلمة مع المرض ..
لكن هذا الموقف خرج عن السيطرة ..
ودموعي من ١٠ ايام ما وقفت تعبت 💔
بس ابغى قلبي يرتاح 💔💔
حزينة مررة على نفسي وعلى الحالة اللي وصلت لها ..💔💔
بانتظار نصايحكم ..