رفع

يوووه انتي منجدك تأثر فيك وتشوفينها تنمر؟
بناتي كلهم الثنتين نحيفات بنيتهم كذا
ومن هي مولوده نتفه اذا قالو نحيفه اضحك اقول فديتها من صغرها رشيقه وفعلا انا مبسوطه ماانزعج
يوميا اسمع هالكلام من اهلي وأهل زوجي واقاربي وصحباتي
بنتي الكبيره للحين نحيفه بس تحسن جسمها وطلعت لها زغيدات مع المدرسه💕😂لا وزعلانه اذا قلنا لها متنتي ماتاكل كثير تخاف تطلع لها كرشه عايله عندها هوس النحافه😭😂
بالعكس انا اميل لطفل النحيف تكون ملامحهم بارزه
وخفيفين
مااحب الطفل الدبدوب ملامحه مغطوسه ويجيك ثقيل🤣😂

و عليكم السلام و رحمة الله و بركاته
سؤال ، أيش تتوقعي يكون كلامهم ! يعني آخر مقال علمي قرأوه أو آخر كتاب دين حضروا شرحه ! أو آخر دورة تطوير ذات شاركوا فيها !
بصراحة هذا أغلب كلام العامة ينحصر تفكيرهم بال'مجريات' حصل كذا و كذا بحياتنا ..... الخ
أو يسألونك عن أي تغير حصل بحياتك و لو ما حصل يسألونك ليه ما حصل تغيير ! و تكرار
الفراغ ... و مجال اهتمامهم له دور
عمومًا يا أختي الأهم إنه تطمئني على وضع بنتك الصحّي عند طبيب أطفال فإذا قال الحمد لله كل شيء عندها سليم و العامل الوراثي له دور فبعدها لا تفكرين و تحزنين على كلامهم
و ممكن توضحين لهم إنه إنت مهتمة بها و بتغذيتها و الطبيب ف***ا و هي سليمة .. و إن شاء الله يخففوا من ملاحظاتهم
لأن أتوقع إنهم من قرابتك مثل أهلك أو أهل زوجك و غالبًا يكررون نفس الملاحظة بسبب قلقهم و خوفهم عليها و إذا شعروا إنك مهتمة بيرتاحوا شوي
و تذكري لو كرروا بعد ما توضحين لهم حاولي تتجاهلي و اهتمي لتفكيرك و ما يمنع تخففين من الزيارة قليل لكن لا تبالغي لأن الأصل إنهم يسألوا من باب اهتمام و ما ينتبهوا إنهم ازعجوك الله يهديهم
و لا تفكرين إنك مهملة أو غيره كوني واثقة ..
و متوقعة ردود فعلهم حتى تخففي عن نفسك
و صحيح كلام العضوات إنه كل أم إلا ما تعرضت لنفس الموقف بإختلاف السبب و الملاحظة .. اقصد تكرار الكلام على نفس الشيء ، فاستمتعي بحياتك و تأقلمي عليهم


تقبّلي مروري ،
توت 🌹

دايما أعطي انطباع للآخرين انو إلا بنتي خط أحمر وترى اغلب الأطفال الطبيعيين نحاف وكذا زي بنتك لي عندهم خدود غالبا لي انلعب بتغذيتهم حليب صناعي وسيريلاك ومعلبات واكل برا المضاف إليه محسنات طعم كلها خراب للصحة والجسم فيصير حرقهم بطيء وتتراكم فيهم الشحوم مايعتبر شي جميل ولا مضرب مثل لي يعلق خشي فعينه من ماكان يكون بنت أهم من الجميع لو احد قالك ما طالت ما تخنت قولي هم كذا البنوتات الكيوت يازين بنيتي وجمال بنيتي وضميها وبوسيها ودلعيها كأنك تلاعبيها واجلسي ونتي سافهة لي تتكلم وجهي لها نص كلام ولاتكمليه معها حوليه دلع لبنوتك وهي فحضنك كأنك نسيتي وجود الحرمة اصلا خلها تنحرج وتفهم انو رأيها مو مهم وماحد يبغاه فهمت كان بها مافهمت كلمة احسن من عشرة قوليلها يافلانة لو سمحتي ماحد طلب رأيك بخصوص بنتي أتمنى مايتكرر منك هالغلط مرة ثانية بنتك وبعدها الطوفان اي احد يرمي على بنتك كلمة حطيله حد لا تعملي اعتبار لأحد ما عمله لبنتك الله يحفظها لك وتشوفيها احلى البنات

بنات اللي يقولوا لا تحسين عادي مزح...!!؟؟ انا اعرف. بالعكس انا اتقبل المزح خاصه مع اهلي والأمور طيبه
لكن ليه التكرار لدرجه ان صار الموضوع هوس عندهم مافهي سالفه الا هي
اللي يمزح يمزح ع ضحكه ع شي اما ذولا يجوني مهاجمين الله ليه بنتس صارت كذا ماتاكلينها ووووو والمشكله عارفين ان هي كذا ليه دايم عينكم ع البنت صاار معهم هوس بشكل غير طبيعي حسسوني أن بنتي مريضه أو فيها شي غير طبيعي
واللي تقول جد اهتمي فيها انا بنتي وأخبر فيها عن الكل لو فيها مشكله كان ماجيت كتبت ذا الموضوع ورحت عالجتها لكن بنتي طبيعه جسمها كذا من جبتها كل شي جربته مكملات فاتح شهيه أنواع الحليب القوى أنواع التحاليل وكله يقول تمام
لكن هي بنيتها ومعظمها نحيف خلقه من ربي وهم عارفين بس يحبون يغثوني بالسؤال اللي شايل همهم بزياده
حتى إحصائية تغذيه حطيت لها المشكله في بنتي عادي تاكل لكن لقمتها ع قدها لازم تزيد عشان تسمن وفوق كذا تلعب وتنطط وتحرق كثير وجسمها قابل للحرق نفسي ولا تعاني من اي مشاكل ثانيه
لكن الآن أنا تاثررت نفسيتي بنتي بدت تفهم وتسأل عن نفسها معقوله وصلوها كذا وهي طفله توها حرام والله
ابي اطنش مااقدر