الله يصلحه ويهديه
في مثل حلو يقول:إذا شفت أمي..جاني همي
دائما يسبقوني عيالي ويروحون عند عمانهم..من يوم ما كان عندي إلا طفل واحد إلى يومنا هذا..ودائما أصغر واحد اول ما يشوفني يتقلب كأنه ملقوص..وألوان البكاء والصياح والضرب والهبال اللي مدري وش يبغى!!!
نفس الشي أطفال الناس الثانين..إذا جوا عندي زي العسل..بس خلي أم الواحد منهم تجي وتعالي شوفي الأذى..
أقول لك هالكلام عشان تطمني أنك مو لحالك في هالمشكلة
ثانيا:أهنيك على حرصك على ولدك..كثير من الأمهات ما يهمها وش يسوي ولدها عند الناس..بس أنتي كذا تثبتين قد إيش أنك محترمة وتحبين يكون ولدك خفيف في حضوره..بس لا تضربينه عشان أحد لأنك وحدك الخسرانة..
ثالثا: نصائح البنات في مكانها..استفيدي منها قد ما تقدرين
والله يصلحه ويخليه لك

شوفي ياقلبي ولدك يبغاله شغل جامد وماصاركذا الا من كثر الدلال لازم تبداين معاه طريقه ثانيه بس مو بالضرب انتبهي لاتضربين ولاتصارخين بس راح نشتغل عليه بالهدوء اولا امنعيه من افلام الكرتون الاكشن والاثارة حتى لو كان يحبها ثانيا الكورن فليكس والاندومي والشوكولاته يعطي طاقه للاطفال عجيبه حاولي ماتعطينه اياه الامرة وحده بالاسبوع ثالثا الاهتمام الزايد فيه اذا سوى شي يعجبك ولو سوى شي مااعجبك العقاب ولا احسن من كذا والاهمال العاطفي ولاتتكلمين معاه وقولي انا زعلانه لانك سويت كذاوكذا والواضح ان ولدك فاهم شخصيتك وعارف انك لووصلتي حدك ماراح تاذينه واهم شي انك اذااخذتي قرارك ماترجعين فيه اوترفقين به مثلا لو قلتي اليوم مافي بلاي ستيشن او تي في خلاص توفين بالعقاب مو تتراجعين وواهم شي حرمانه من شي يحبه وعزيز على قلبه ورابعا قبل لاتروحين عند اي احد التهديد وخليك صارمه وتسوين العقاب اللي هددتيه فيه خامساخفي شوي عليه من امور مجتمعنا انت رجال وانت الحين عاقل تراه طفل هو يبدا يقلد اي رجال من المسلسلات او من الواقع وماادراك مالتقليد عيشيه طفولته الرسول اللهم صلي عليه وسلم كان يلاعب الحسن والحسين وماكان يذكر امامهم الرجوله ابد خامسا انتبهي انك تقارنيه باي طفل او ليه ماتصير مثل فلان او فلان ترى اثرها سلبي سادساحنيتك الزايده ودلعك له وصلوه للحاله هذي نوعي مابين صرامه وحنان صرامه للفعل السيئ وحنان للفعل الجيد سابعا بالنسبه للسانه انتبهي تراددين ابوه قدامه لان الطفل يقلد اللي يشوف يعني لو قال لك ابوه شي قولي ان شاءالله وعندك شي ثاني تفاهمي معاه بالغرفة وبعيد عن مسامع الطفل ثامنا اشغلي طاقات الطفل بما يفيدك في تربيته مثلا جيبي ورق ملونوقولي اليوم بنسوي وجه طفل يطيع امه وسوي وجه وعيون وفم طالع منه لسان وردي نظيف ووجه طفل اخر مايسمع كلام امه عيون وفم طالع منه لسان وردي مونظيف فيه نقط سودا ودموع طالعه من العيون وبعدين خيريه انت تبي تصيراي واحد من الاثنين تاسعا روحي بو ريالين وخذيه معاك وعطيه سله وقولي له ايش رايك ناخذ هدايا للاطفال بالعيله ولو اختار مسدس قولي لا ممكن هذا ياذيهم ويطلع الدم منهم ولازم ياخذالعاب مسالمه قطار سيارة وانتبهي ياخذ العاب فيها قوة او عنف او اكشن او فيها استعراض وغلفوا الهدايا مع بعض وبعدين خليه هو بنفسه يوزعهم عليه عاشرا القصص وماادراك مالقصص بس بشرط الاتفاق فقط على قصه وحده لليوم ولو صمم على قصة ثانيه لاترضخين له لوايش وخليه يبكي قدد مايقدر واتركيه وانشغلي باي شي ثاني انتي كذا توصلين له فكرتين الاولى القناعه بالشي لو كان قليل والثانيه ان كلمتك لازم يسمعها وهي اللي تمشي بالاخير وبكذا يسمع لك -11-انتبهي من كثرة المدح وانك تنفخينه على العيال بالمدح تراه بيستعرض وينفخ نفسه عليهم وقولي له كل الاولاد حلوين وانت بعد حلو مثلهم -12- انتبهي تخلينه عند التلفزيون كثير حده باليوم سلعتين فقط والباقي اشغليه بالتلوين او بالتركيب يبني بيت اويسوي سيارة بس اشياء فيها عنف لا لا لا لا لا لا والف لا اوعطيه ورق ملون مقص امن بلاستيكي وخليه يصمغ ويسوي حتى لو كان عادي امدحي فنه او الصلصال يشكل فيه وانتي شاركيه بهاالشي واشتري له عيون من المكتبه واشياء تلمع وتبهر عينه وخليه يشغل وقته فيهم ويلصق فيهم او السيارات الكثيره اللي تجيك في كرتون من ابو ريالين وقولي له هذي السيارات راح نصفها او نغسلها ليلة العيد وسوي له الة بنزين من كرتون العصير وغلفيها ولصقي فيها المزاز يعني انه خرطوم البنزين اللي يعبي منه او عطيه فاكهه مقطعه وقولي له يالله انا معك بنشكها بعود بس خليه مراقب تحت عينك عشان ماياذي نفسه بالعود او هاتي قطعة بريد انتي لك صحن وهو صحن وقولي يالله بنسوي وجه حلو ولصقوا عليه جزر مبشورهذا الشعر والخشم حبه من بيبي الطماط والزيتون الحلقات العيون والفم شريحة فلفل اخضر اورتبي معاه درج الملابس واشياء كثيرة بس هذ ا اللي يحضرني وتذكري ان النتايج ماراح تطلع بين يوم وليله التربيه شي موب سهل بس ليه مانخليها تربيه ومتعه واستمتاع بالوقت وبالبدايه راح تحسين بالصعوبه ويمكن يزيد بالتصرفات نتيجة استنكاره للتغيير المفاجئ بس انتبهي تياسين لا للياس وهالله هالله بالعزيمه والاستعانه بالله واقراي عليه سورة البقرة والرقيه وخلي سورة البقرة شغاله بالبيت والجاي الى الخالق بثلث الليل وادعي ان ربي يهديه ويعطيك الارادة والقوة لتغييره وانا اشهد انك بيوم من الايام راح تنتصرين زي مانتصروا اللي قبلك وتذكري ان الله لايغير مابقوم حتى يغيروا من انفسهم وانتبهي من الاستسلام والياس لانك هنا تحاربين ابليس ولاتتعثري من اول حفرة وتطيحين وتقولين خلاص لا خلي الحفرة هذي السلم اللي راح تصعدين فيه لفوق وما سلاح المؤمن الا الايمان وانتي سلاحك هنا الايمان والدعاءو الاستغفار والصبر والحنان للفعل السيئ والعقاب والحرمان للفعل السيئ والصرامه وتطبيق التهديد والعقاب وعدم التخاذل فيه اتمنى اكون افدتك

اللهم انزل بقلبها السكينه اللهم واجعل تربيتها لابنائئها برداوسلاما على قلبها كما جعلت النار برداوسلاما على ابراهيم اللهم واجعل ابنائها وابناء المسلمين مفخرة للامم بدينك الحنيف اللهم واخلق فيهم شجاعة وشهامة ونبل واخلاق الانبياء واصحابة والتابعين اللهم امين

اللهم ردالي قلب زوجي واجعل ابنائي حفظة لكتابك وائمة لمساجدك ودعاة لدينك وهديك الحق هم وابناء المؤمنين والمؤمنات والمسلمين والمسلمات اللهم امين
اختي لو اردتي اي مساعده فالمسلم لاخيه المسلم وانا بالخدمه

اسفه ماتشفي خطاك
الله على كلامك منجد نصائح ولا اروع وانا ماكتبت موضوعي الا اني عاارفه انه فيه نااس امثالك طيبه وتحب الخير وتنصح اخواتها
الله يجزاك كل خير يارب يرجع لك زوجك ويكون قرة عين لك اللهم امين
مشكوره يا قلبي على الدعوه الحلوه
ححاول اطبق كل اللي قلتيه بالحرف والله يقدرني ياارب
اذا احتجت نصائح ثااني حارسل لك على الخاااص
ما شاء الله باين عليك خبره في التربيه

يعني يعاندك .. ان شاء الله فترة وتعدي بيكبر ويعقل .. مالك الا الدعاء بالصلاح

بعد اذنك مكعبات عبودي
اختي اسفة ما تشفي خطاك الله يجزاك بالخير ويسخر لك زوجك ويفرحك بعيالك >>استفدت كثير من كلامك فلا تحرمينا من مواضيع مستقلة