السلام عليكم ورحمة الله وبركاته
حبيت اقدم لكم ورشة لعمل قلب كانت موجودة على النت وانا ترجمتها وعملت كمان تطبيق منها
* الادوات المستخدمة :-
- خيط قطن أو أى خيط (كل ما كان الخيط سميك كل ما كان
القلب كبير)
- إبرة كروشية تناسب الخيط المستخدم.
* الغرز المستخدمة :-
السلسلة – الحشو– التناقص فى الحشو- التزايد فى الحشو
* خطوات العمل :-
العدد بين الاقواس هو عدد الغرز النهائى فى السطر.
للبداية :- نشتغل 3 س + 1 س للدوران
السطر الأول :-نشتغل 3 حشو + 1 س للدوران (3 حشو).
السطر الثانى :- نشتغل 2 حشو فى أول غرزة ثم 1 حشو فى الغرزة التالية ثم 2 حشو فى أخر غرزة فى السطر + 1 س للدوران (5 حشو).
السطر الثالث :- نشتغل 2 حشو فى أول غرزة ثم 1 حشو فى كل غرزة تالية ثم 2 حشو فى أخر غرزة فى السطر + 1 س للدوران (7حشو).
ملحوظة :- يعنى كل سطر نزيد 2 غرزة حشو واحدة فى أول غرزة والثانية فى أخر غرزة.
السطر الرابع :- مثل الثانى والثالث (9 حشو).
السطر الخامس :- مثل الثانى والثالث (11حشو).
السطر السادس :- بدون أى زيادة نشتغل فى كل غرزة 1 حشو (11حشو).
السطر السابع :- مثل الثانى والثالث (13 حشو).
السطر الثامن :- مثل الثانى والثالث (15 حشو).
السطر التاسع :- مثل الثانى والثالث (17 حشو).
السطر العاشر :- بدون أى زيادة نشتغل فى كل غرزة 1 حشو (17 حشو).
السطر الحادى عشر :- مثل الثانى والثالث (19 حشو).
السطر الثانى عشر :- بدون أى زيادة نشتغل فى كل غرزة 1 حشو (19 حشو).
السطر الثالث عشر :- بدون أى زيادة نشتغل فى كل غرزة 1 حشو (19 حشو).
السطر الرابع عشر :- بدون أى زيادة نشتغل فى كل غرزة 1 حشو (19 حشو).
نبدأ فى عمل الجزء الأيمن من القلب:-
السطر الخامس عشر :- نشتغل 9 حشو + 1 س للدوران (9 حشو).
السطر السادس عشر :- نشتغل أول غرزتين فى غرزة واحدة (تناقص فى 2 حشو) ونشتغل باقى السطر فى كل غرزة 1 حشو (8 حشو).
السطر السابع عشر :- نشتغل أول غرزتين مع بعض وأخر غرزتين مع بعض (6 حشو).
السطر الثامن عشر : - مثل السابع عشر (4 حشو).
السطر التاسع عشر :- مثل السابع عشر (2 حشو) نغلق بمنزلقة.
نبدأ فى عمل الجزء الأيسر من القلب:-
نعمل غرزة البداية فى الإبرة
السطر الخامس عشر مكرر :- نشتغل 1 حشو فى كل غرزة حشو من الجانب الشمال (9 حشو) سيكون هناك غرزة فى المنتصف غير مستعملة.
السطر السادس عشر مكرر :- نشتغل 1 حشو فى اول 7 غرز ثم نشتغل اخر غرزتين مع بعض (تناقص) (8 حشو).
السطر السابع عشر مكرر :- نشتغل أول غرزتين مع بعض وأخر غرزتين مع بعض (6 حشو).
السطر الثامن عشر مكرر :- مثل السابع عشر مكرر (4 حشو).
السطر التاسع عشر مكرر :- مثل السابع عشر مكرر (2 حشو).
الشكل النهائى للقلب
* ممكن نعمل قلبين ونحشيهم فايبر ويكون هدية جميلة لو الخيط سميك أو ميدالية
حلوة لو الخيط رفيع زى دى انا عملتها ودخلت معها شكل حرف
انتهى