مشكورين على ردودكم بنات ونيابة عن اختي اقولكم الف شكر لكم وللمشرفات منتدى حواء وجميع اعضاءمنتدى حواء تحياتي ونتبقى مع تكملة القصه...........



الجزء العاشر""والأخــــيــر""

مها:"طلال اكيدماشفت الجوال ولاأخذته معك"
طلال:"لالأني طلعت مستعجل ولاأخذته"
مهافي قلبهااقوله والااقصرالشرلايامهاانت تطولين الشرماتقصرين الاخلين اقوله بس اخاف يطلقهااحسن من زينهاعاد>>>
طلال:"الوووومهاوين رحتي"
مها:"هلاطلال معك بس قبل شوي نجلامرسله من جوالك رسايل مادري وش قصتها كلام بايخ مادري وشو"
طلال عصب:"ارسليهاواناأشوفها"
مها:"عندك بالرسايل المرسله"
طلال:"مافيه شي شكلهاماسحتها"
مها:"خلاص اشوي وارسله"
طلال:"يالله حبي اكلمك بعدين"
مها:"يالله بحفظ الله"
وارسلتهامهاوانهبل طلال وراح ينادي نجلا:"نجلوووووه انت مرسله لمها"
نجلابلامبالاه:"لاماارسلت شي من زينهاعلشان ارسلها"
قام طلال ومسك شعرنجلا:"لوماتعترفين ماراح يصيرطيب"
نجلا:اي عورتني ايه مرسله عندك مانع"
طلال:"هالمره بمشيهالك لاكن لوتعدينهاياويلك"
نجلاء:"....."
طلال:"جهزي غراضك بكراماشين"
*****
نرجع لصاحبة الدم الخفيف لمى وتحديدفي الفيصليه هي واختهاوراهم واحديغازلهم ولمى تردوهويردب10((ملاحضه ))
غلط انه الفتاة تردعلى الشاب لأنه لوردت راح يزيد وحناشبابناالله يصلحهم مايصدقون تردالبنت علشان يزيدون خلونايابنات نسفهم ولانقيلهم اي اهميه لأن المثل يقول
((الحقران يقطع المصران))والحقران مفرده حقروالحقراي"عدم المبالاه"
**
نرجع محورحديثنالمى الي كان يغازلها>>>
الرجل:"ياهوه عطوناوجه"
لمى:"من زينك اصلاانت مالك وجه ياحيوان"
الرجل:"بعدعمري على هالصوت مقبوله منك"
لمى قالت مافيه الااني املله:"مقبول احسبك ممتاز"
الرجل:"ههه يازينك انت وتنكيتك بس فيهاملح موطبيعي"
لمى:"خلاص نقص الملح علشان يصيرطبيعي"
الرجل:"طيب خلينانصيراصدقاعلشان نكلم بعض ونكت"
لمى:"لاوالي يعافيك خلقه حاميه كبدي منك انت وقذلتك الي كنه سعف نخل"
الرجل تفشل:"طيب خذي الرقم ماراح يضرك"
لمى:"بيضرني ويتعبني بعداقول ظف وجهك لاانادي حارس الأمن يطلعك بيزه ماتسوى"
_____________
كانت مهارايحه تسلم على خالتهاام طلال وطلال مخلي لمهاواهله مفاجاءه قال بيروح يسلم على اهله بعدين يروح يودي نجلالبيتهابعدين يروح لمهاوللأسف انه مهاكانت في بيت خالتهادخل طلال والكل تفاجاءطلال حب يلطف الجو>>>
طلال:"هلايمه هلامها"
ام طلال:"ليش ماقلت انك ماشي "
طلال:"حبيت اخليهامفاجاءه وش رايك حلوه صح"
ام طلال:"الاتجيب المرض هذي مفاجاءه الامفاجاعه"
مهاكانت تناظرنجلاومنقهره منها >>
طلال:"مهاوش لونك"
مها:"طلال ليش ماقلتلي انك راح تجي"
وفي هالحضه استغلت نجلاالفرصه:"لازم يقولك هورجال ومين حضرتك علشان يقولك"
مها:"هيه انت تراه زوجي قبل مايصيرزوجك"
طلال حب يتدارك الموضوع>>
طلال:"يالله نجلاعلى البيت"
نجلا:"لاماراح اروح بقعدعندخالتي"
طلال:"مهايالله نمشي"
مها:"وانابعدبقعدعندخالتي"
طلال:"وبعدين انت واياه وحده تروح معي والله تعبان"
مها:"طلال انابروح يالله مع السلامه خالتي"
في السياره>>>
مها:"يعني عاجبك كلامهاقبل شوي "
طلال ضحك:"مهوحبي انت بعدماقصرتي"
مها:"لوانك ماسكتني كان اللحين اناواياه بالمستشفى قاهرتني"
طلال:"والي يرحم والديك تراني مابي اسمع اسمهااسكتي بس"
*****
هندعلى الماسنجرتكلم فيصل>>
هند:"صدق وبعدين وش صار"
فيصل:"ابدتهاوشت اناواياه قليل
ادب اصلاورحناوقعنامخالفه"
هند:"طيب وش قال لكم المدير"
فيصل:"يقول لاعمركم تعودوله وقلناانشاءالله"
هند:"وينك يامهاتسمعين ولدخالتك تصدق فيصل مهالوتسمعك كان جت تتهاوش معكم"
فيصل:"هههههه ياحليلهاوش اخبارهامع الدراسه"
هند:"بلعت الكتب من كثرماتذاكرترااذاتزوجتني ماراح ادرس"
فيصل:"موعلى كيفك حبيبتي انامابغى زوجتي جاهله"
هند:"اقول يازين ربة منزل بس احسن من قومة هالصبح"
فيصل:"اقول هنو،،،وش رايك بلبسي يوم اجيكم"
هند:"يجنن بس ليه تسأل"
فيصل:"لأن ربعي بيروحون السوق فاقلت البسه"
هند:"اهاااخلاص البسه"
****
نجلاءوالي انقهرت من مهاماتدري وش تسوي فكرت وفكرت واخيرالقيت الحل والله يامهالاأخلي طلال يكرهك هين ودقت على مازن طبعاحبيبهامادري صديقها>>>
وبعدالسلام
نجلاء:"مزوني حبيبي ابطلب منك خدمه بسيطه بس ماترديني"
مازن:"عيوني لك"
نجلاء:"ابغى تكلم وحده اسمهامهاوابغاك تقهرهاوابيك تفرق
بينهاهي وزوجهاطلال.......الخ"
وقالتله خطتهاوبالفعل مارفض وقالت له كل معلومات مهاوقالتله بعديدق على ويقوله انه يعرف مهاوقاله متى ادق عليهاقالت اللحين بهالحضه>>>
وفي بيت مهاجالس طلال ومنسدح على الكنبه ومهاتناظرالتلفزيون دق في هالحضه مازن ردت مها>>
مها:"الو"
++:"هلامهااخبارك قلبي"
مهاتحسبه سعوداخوها
مها:"هلافيك والله تمام مين انت "
++:"انامازن "
مهاصكرت السماعه على طول طلال حس فيها.
طلال:"مين هذا"
مهابارتباك:"سعودبس صوته بعيدوقال بيدق مره ثانيه"
طلال:"طيب اناماشي بروح اودي هالسحليه بيتهاتبين شي"
مها:"سلامة عمرك"
وطلع طلال ودق بعدطلعته بنص ساعه ردت مها>
مها:"انت وش تبغى"
مازن:"ابغاك حتى اذاكنت متزوجه طلال اطلقك منه وبعدين لومارديتي علي راح اقول لزوجك انك لك علاقه معي وبعدين طلال مايحبك لوانه يحبك كان ماتزوج عليك وانت صراحه كاسره خاطري لأنك عقيم..."
مهاقعدت تصيح:"ياسافل ياواطي يلي ماتخاف ربك اناماهمني كلامك"
وصكرت السماعه في وجه>
وارسلهامازن=لوماتردين على مكالماتي راح افضحك=
جدعت مهاالجوال ياربي ليش كذاوش سويت بدنيتي واذادرى طلال وش راح يسوي اكيدبيطلقني اعلمه لاماراح اعلمه خلاص اناماراح ارد على مكالماته ونشوف ياحيوان اناوالاانت>>>
<<<بـــعدمرور3ايـام>>>
دخل طلال والشرطالع من عيونه
طلال:"مهاااايالشريفه يلي تلعبين على خطين مهااا"
مهامجردماسمعت هالكلام ركضت لطلال:"وش فيك طلال يتصارخ"
طلال:"ولك عين بعدتتكلمين"
وقرب من عندهاوصفقهاكف
مها:"أه طلال حرام عليك وش فيك"
طلال:"جهزي غراضك علشان تروحين بيت اهلك وورقة طلاقك بتوصلك"
مهاقعدت تصيح:"طلال ليش وش فيه قلي"
طلال:"نجلااشرف منك لأنك انسانه بايعه نفسهاللرجال"
مهاسمعت كلام طلال واستردت قوتها
مها:"لحدهناوبس الاشرفي لاتتكلم فيه ماطلبت منك تتكلم عن شرفي"
طلال جرهامن شعرها:"جهزي غراضك وبلاكلام فاضي"
وركب طلال السياره وراحت مهاتجهزغراضهاوداخت وطاحت وطلال يطنب ولاكن لامجيب دخل طلال ولقاهاطايحه على الأرض>>
طلال يحركها:"مهاقومي مها"
ولاكن لامجيب شالهاطلال ووداهاالمستشفى ودق على اهلهاوجوطلع الدكتور>>
طلال:"بشردكتور"
الدكتور:"مين حضرتك"
طلال:"زوجها"
الدكتور:"لاحول ولاقوه الابالله احتمال تصيربغيبوبه لمد24ساعه لانه زوجتك ياأخ طلال تعبانه نفسياوماتتحمل الصدمات القويه"
طلال:"طيب يادكتوروش بنسوي اللحين"
الدكتور:"راح نخليهاترتاح عندناالى ماتجي الدكتوره تشوف حالتهاالنفسيه"
ام سعود:"ياقلبي يابنيتي انت وش سويتلهاياولدي"
طلال نزل راسه:"حصل خيرياخاله بس انتم روحواارتاحواوانااذاصارشي ادق عليكم"
وراحواودخل طلال على مهاوهي عليهاالمغذيه والكمامه حقتCO2‏ وشكله يكسرالخاطرجلس يتأملهاطلال يناظرشعروهونازل خصل على وجههاويناظربرائتهايارب اناوشلون صدقت هالرجل اكيديكذب وطيب من وين جاب المعلومات وشلون درى عن مهاانهاعقيم لامايكذب بس معقوله مهاتكلمه وبعدين لاتنسى ياطلال مهاتحبك وشلون تسب شرفهاوتفضل هالسحليه عليهاقطع افكاره صوت صراخ صادر من احدقريب عنده صوت مهاتصارخ:"ماااااااابي احد خلاص اتركوني بلحالي "
دخلواالدكاتره والسسترات ومسكوهاوعطوهاابره مهدئه جلس طلال وضم يدهاوحطهاعلى صدره سامحين يامهااناالي رجعتلك تعبك يارب انك تسامحن خلاص اول ماتصحى راح اقولهاماصارشي وتقضي السالفه>>>
،.،.،.،.،.،.،.،.،.،.،.،.
في بيت ام سعود>>
هند:"يماه كيف حال مها"
ام سعود:"خنت حيلي هالبنيه تلعوزت يقولون غيبوبتهابتقعد24ساعه"
هند:"كله من هالطلال الله ياخذه"
ابوسعود:"قولي استغفرالله قدرالله ولااعتراض لقدره وقومي جيبي مفتاح سيارتي خلين اطلع"
هند:"طيب"
ام سعود:"ابوسعودلاتنسى الخضارترى ماعندناشي"
ابوسعود:"انشاءالله تبين شي ثاني "
ام سعود:"سلامتك "
_________
طلال دق على عبدالرحمن اخوه لأنه قريب لمه وطلعواجميع>>>
عبدالرحمن:"طيب انت متأكدانه مايكذب"
طلال:"اصلاوشوله يكذب ماله مصلحه"
عبدالرحمن:"طيب ياطلال كثيرناس حقودين مايحبون الخيرلأحدتلقاك متهاوش انت وواحدوحقد عليك"
طلال تنهد:"اه ياعبدالرحمن ياليتني مارديت عليه والااصلامهااطهربنت شفتهابحياتي"
عبدالرحمن:"اجل يوم انك تحبه خلاص انسى وطلق هالسحليه على قولتك وعيشواللمستقبل"
طلال:"ياليت اطلقه بس مهارافضه تقول علشان العيال آه ياعبودوالله احبه الااموت بالأرض الي تمشي عليه"
عبدالرحمن:"وينك يامهاتسمعين طلال وش يقول عنك"
طلال:"الله يقومهابالسلامه"
.........
مرت ال24ساعه على اغماء مهاوكان طلال عنده طول هاليومين
حركت عيونهايمين يساروقف طلال فتحت عيونهاوشافت طلال والي كانت مشتاقتله تذكرت كل الي سوالهاخالدولفت وجههابالجهه الثانيه بحيث انه ماتشوف طلال وراح لهاطلال >>>
طلال باسهامع خدها:"حمدالله على سلامتك قلبي"
مها:"....... "
طلال:"مهاانااسف حقك علي ويالله قومي لنابالسلامه علشان ترجعين لبيتك ورجلك"
مها:"طلال انابرجع بيت هلي"
طلال:"لااذاتبين خالتي تجي للبيت اقولها"
مها:"طلال اناتعبانه مافيني شده على الشغل دق على ابوي يجي ياخذني"
طلال:"تكفين مهاتعالي معي"
مهانزلت دمعه من عينها:"اسفه طلال رجعه ماراح ارجع وروح الله يسهل دربك"
طلال:"مهابتروحين بيت اهلك يومين وترجعين بيتك"
.،.،.،.،.،.،.،.،.،
وبالفعل راحت مهالبيت اهلهاومرت يومين عليهاماكلمت طلال خافت يمكن صارله شي ترددت تدق عليه والالا
لايامهاهوسب شرفك لاماراح ادق وليش مادق هوطيب
ومن جانب اخرطلال كان يفكرفي مهاغريبه مادقت ولاارسلت يمكن صارله شي بس انامكلم خالتي امس وتقول طيبه خلين ارسلهااشوف تردوالالا
ارسلهاطلال{مساءالحب مهاوي اخبارك؟ترابكرابجي اخذك تروحين لبيتك خلاص يكفي قعدفي بيت اهلك}
فرحت لماشافت الرساله بس تذكرت انه كل الي صارمن سبته
ارسلتله وهي متردده{طلال رجعه ماراح ارجع وكل واحديروح بطريقه وش فايدة العشره الزوجيه اذابنت على شك وعدم ثقه روح الله يسامحك}
ارسله طلال{وين قلبك الي كان يموت فيني وين شوقك
وين لهافاتك ياعيني والحق معاي انالك ارخصت نفسي تعاملني بقساوه ياخساره}
ارسلتله مها{شكراعلى شي قلته كذب عني واناالي غيرالخيرماجاك شي مني والي علي قلته لاماتوقعته ياليت كل الناس باعوني موانت}
ارسله طلال{مهاارجعيلي وانسي كل الي صاربيني وبينك
ارجعي لطلال حبيبك الأول تذكيرين يامهايوم قلتيلي ماحديفرق بيني وبينك الاالموت وين كلامك الحلوارجعيلي يامهاارجعي لزوجك ورجلك}
مهاشافت الرساله وقعدت تصيح وزادتعبه وعطته ام سعودحبه مهدئه>>
نامت مهاوارتاحت وقامت لقت مكالمات من طلال ورهف وسمر
دق باب مها>
مها:"ادخلي يمه"
طلال:"احم احم ماتوقعتين صح"
مهاوقفت تصلح شعرها:"ليه ماقلتلي انك راح تجي"
طلال :"دقيت عليك ومارديتي واحسن بعدعلشان تكون مفاجاءه"
وجلسوايسولفون وماحسوافي الوقت >>
طلال:"يالله مهاانااليوم جاي اخذك للبيت"
مها:"...."
طلال:"مهاتكفين الي تأمرين فيه اناموافق"
مها:"اكيدبس اخاف شرطي مايعجبك لأني اناالي قايله لك لا"
طلال:"انت اطلبي وشوفي اوافق والالا"
مها:"اممم ابغى تطلق نجلاء"
طلال انسدح من الضحك:"لواعرف ازغرط زغرطت انااصلاكارههامن اول ماأخذتهاخلاص طلبك منفذوحنامومستعجلين على العيال "
مها:"وفيه بعدشرط ثاني"
طلال:"سمي اطلبي واناانفذ"
مها:"امممم ابغاك ماتشوف غيرمهاوي حبيبتك"
طلال:"وانامن عندي غيرحبي ونبض قلبي"
<وبالفعل ارجعت مهالطلال وطلق طلال نجلاء وفرحت نجلاءانه طلقهالأنهامارتاحت معه ومرت عليهم الأيام حلوه خصوصاانه طلال راعى مرضها واستانست مهاوخف مرضها.
"""""""""""""""""""""""""
<<بعــدمـرورسـت سنـــوات>>

هندزواجهابعداسبوع على فيصل>>>
سمركملت دراستها وقاعده في البيت>>
سعودرجع من امريكا واستقروافي الرياض>>
رهف ولمى مازالواصديقات مهارهف عندها بنت تيلادولمى حامل بالشهرالرابع>>>
مها:"يالله طلول تأخرنااناوفهودي والله هالمديره
دايم تهاوشني"
طلال:"انااصلاماابغاك تدرسين بس انت الله يهديك انت وعلم الأحياء وصاخه وع مالقيت غيره وبعدين ولدك فهود تراماقام روحي قوميه"
مها:"فهودقوم حبيبي تأخرنا"
فهد:"ماماخليني انام "
مها:"يالله حبيبي قوم لايجي بابايضربك"
طلال عصب:"فهووودوجع يوجعك يالله قوم"
قام فهدولبس ونزلت مها
وراح فهدللمدرسه ونزل >>
مها":"فهودي حبيبي تعال حبني"
طلال:"وابوفهدله حق مثل مافهدله حق"
مهاخدوده حمر:"طلال بلاحركات خلاص كبرنا على هالحركات"
وهكذادامت حياة طلال ومهاعلى الحب والاحترام والتقدير>>>




<<<الـــــــــنــــــهايــــــه>>>

،.،.،.،مابعدالنهايه(*_*).،.،.،.،.،.،
كواليس قلب هدمته الجروح:::



طبعا اتمنى من كل قلبي ان القصه تنال اعجابكم قبل كل شي
حاولت اني اخلي القصه من واقعنا والحمدالله نجحت فيها كنت اكتبها وانا بقمه من السعاده خصوصا اذاصرت اكتب عن مها وطلال
والله انا اليوم اسعدانسانه واتعس انسانه اسعد انسانه لاني خلصت القصه والي دامت قرابة شهر
طبعا المده طويله بس جتنا الاختبارات ولهيت عن القصه
بس كنت افكرفيها كنت افكر وش راح يصير لمها وطلال حاولت اخلي القصه اكثرمن 10اجزاء بس صديقتي ورفيقة دربي عبيرالنادرين قالت لي لاخليها10اجزاء لأني اول مره اكتب قصه بالعاميه وكنت اول ماكتبتهاوريتهاعبيرالنادرين وعطتن ثقه بنفسي واستانست لماسمعتهاواتعس انسانه لأني بترك طلال ومهاهندوفيصل رهف ولمى نسيت اقولكم بعض الشخصيات طبعاطلال كنت بخلي اسمه خالدبس كاتمة العبارات قالتلي ملينامن خالدفي كل مكان لازم خالدفيه ووعدبرضه ماكنت ناويه اموتهاكنت ناويه اموت مهاوتنتهي القصه بس حسافه مهاحلات القصه بوجودها طبعامعظم شخصيات القصه اقتبستها من الي حولي احداث القصه سريعه جدانظرالضيق الأجزاءكمان طيحة مهاخليتها فجعه بالنسبه لكم تحسبونهاماتت وبعدذكرت
"تنبيه وملاحضه"لاني كنت ناويه احط القصه هادفه قبل ماتكون رومانسيه اومليئه بالمشاعرطبعافيه مواقف حطيتهافقط حتى تشكون بشي انااصلاماحطيته وتفوقت فيها
ترددت في كتابه العنوان وبعدتفكيردام يومين قررت احط عنوانه قلب هدمته جروح والمقصودفيه هي مهاوبعدحاولت ادخل في القصه شخصيه مرحه ودخلت لمى اذاكنتواتذكرون يوم تقول عن تعريف المول تراني مخذته
من كيميااول ثانوي وحطيته ابي اضحك الجميع وليدالي كنت كارهته من اول ماحطيت دوره في القصه لأنه قاهرن باللي سواه للمهاوالله يجعل مصيركل واحديلعب على البنات مثل وليداللهم آمين(وحده حاقده بعذري من الي اسمعه هالأيام الله يكفيناالشر)بس الرجال فيهم الطيب وفيهم الشريربس مايقصرون حرام الله يخليهم لنا
ولوفيه اي اخطاء اوتعليق ماعجبكم فسامحوني لاني اكتب القصه ولاارجع اقراهاثانيه اخلي كاتمة العبرات هي الي تقراها
ختاما:،
احب اشكركل من قراالقصه واتمنى انكم استفدتوامنهاواحب اشكرعبيرالنادرين الي عطتن اشياءكثيره كنت محتاجتهاواناأكتب القصه
واحب اشكركاتمة العبارات الي ماتخلين من نقدهالي وتوجيهها
وماانسى حبيبة قلبي الدمعه الحزينه قدمتلي خدمه ماراح انساهالأن لو لاالله ثم الدمعه الحزينه كان القصه ماصارلهاجمهور
واحب اشكر منتدى حواء لدعمهم لي وتشجيعهم
وأناطموح المستقبل اودعكم على لقائي بكم في قصه اخرى)
تحياتي:
طموح المستقبل
‎ ‎ The end

وووووووووووواااااااااااااااااااوووووووووو

تسلمين ياقلبي ..

مشكوووره القصه مررره روووعه ..

تسلمين ..

ننتظر جديدك القادم ان شاء الله ...

هلا غاليتي القصه حلوة ولكن بعض الأخطاء الإملائية تفسد روعة القصة وبعد انتي لم تبيني كيف ان مها جاها ولد اختصرتي كثير فيها لأنها هي بطلة القصة فلو انك وضحتي فيها اكثر ربما تكون احلى!

هذي وجهة نظري
تقبلي تحياتي
سمرمر

هلا بك سمرمر حبيبتي الاخطاء الام وارده في كل مكان وبالنسبه للاختصار نظرا لضيق الوقت بس مشكوره جدا على النقد لاني احب النقد يفيدني بالقصص الجايه
تـــــــــــــــــــــــــــــحياتي.....

سملت اناملك وبورك فيك .