قلة ثقه ولا ضعف شخصيه مدري

السلام عليحكم ورحمة الله وبركاته


كيف حالكم يا بنات


حبيت تشاركوني وتنصحوني وتخبروني عشان اطلع من اللي انا فيه

مليت من ها الدنيا ما عرف شو الحل لمشكلتي

طلبتكم ما تردوني كل وحده تدخل تخبرني وش ممكن اسوي


اول شي انا متزوجه من تقريبا اكثر من سنه


احس انه ما عندي ثقه في نفسي ماعندي شخصيه ما اعرف مع انه ولا مره احد قالي هذا الكلام انا بس اللي احس شخصيتي ضعيفه جدا بعض الاوقات احب كل شي يكون لنفسي ما اعرف اذا ها الشي ممكن يكون انانيه ولا ايش هذا

مثلا حد يطلب مني شي وينسى يرجعه انا ما اروح اطالب احط في قلبي اني من خاطري ما ودي ارد اعطي هذا الشخص شي مره ثانيه لانه ما يرجعه في نفس الوقت ما اقدر اقوله فلان انا ما بعطيك لانه انه مب حلوه في حق الواحد اظل انتظر وانا محتاجه ها الشي لانه يخصني انا فما اعرف ها الطبع شو اسمه هل هو انانيه ولا بخل ولا شو بيكون

ومثلا الحين انا يوعانه ميته من اليوع وعندي اكل باكل جا احد واكل الي باقي هو على باله انا شبعت وانا مب شبعانه انا ساعتها ما اقول شي لكن في قلبي احس ناااااااار يالله ليش ياكل اكلي ليش ما يروح يسويله انا يوعانه واايد واريد اكل واهذا تفكيري

كيف اقدر اخلي عندي ثقه في نفسي

ليش احس دايما انه الغير احسن مني


ليش انا انانيه لها الدرجه انا والله اريد اعطي لكن من قلبي ما اعرف كيف

لما اشوف حد راح مكان ولا شي انا بودي اروح مثلهم وارجع لكن ما اعرف ليش اتضيق

غيوره قلة ثقه معندي شخصيه انانيه
شسوي يا ربي فترات احس اني ملانه ولا ضايقه ضيق اتم كله اتضيق وكل ما يسالني زوجي شفيج ابكي وكره الغرفه ما يدخلها من كثر ما اضيق واشتكيله وانكد وقته ما عرف شو اسوي يالله تعبت من ها الحال


اريد اتقرب من الناس اريد يكون عندي هدف لحياتي

ما اعرف شو اسوي بوقتي ملل في ملل ما عندي هدف عايشه اصحى الصبح انتظر الليل انام فليل وكذا على ها الحال شو اللي ممكن اني اسويه دخيلكم خبروني


ما عندي حد غير زوجي

كل الناس عندهم صديقات الا انا احس بنفسي وحيده
حتى خوات زوجي احس نظرتهم الليه عادي يستحون مني ما يكلموني لا شي الا اذا كانو يريدون شي مني والله يعلم اني احبهم مثل خواتي بس هم احس لا ما يحبوني ما ريد اظلمهم احس انه محد يحبني غر زوجي الللي وايد اتعبه وامي وابوي شو اسوي دخيلكم محتاجتلكم ولنصايحكم وايد


ما عندي حد اكلمه ينصحني يخبرني يقولي يدلني



يارب انك تساعدني:08::icon36::icon36