حبيبتي هوى الدار يابنت الحلال زعلانه عشان زوجك يدخن أحمدي ربك تعالي شوفيني وتعرفين النعمة اللي أنتي عايشة فيها

حبيبتي الجبل والشمس انا ادري انة بينج وبين ريلج مشاكل من موضوع غلطة عمرج وما اقووول الا الله يصلح بالكم ويهديكم ويوفقكم وادعو من كل قلبي انة يصلح اموركم واتمنى انج تبشريني ان الامور تنتهي على خييير . الله يصبرج حبيبتى ومشكووورة على الرد لكن والله المسالة هذى مضايقتنى وانا في بيني وبين زوجي مشاكل اكبر من جذى لكن انا ابية بصحتة والله مو علشاني لكن علشان الاطفال الصغار الى مالهم ذنب

حبيبتي أهم شي أنج ماتخبرين ريلج أنج عارفه انه يدخن من وراج لأن هذا بيكبر الموضوع اكثر. يعني ممكن يقول ليش تراقبيني وأنا ريال وباسوي ألي ابيه ، ويعني تعرفين من هلكلام.

حبيبتي أنا اشوف انه مالج الا الصبر اذا تبين تحافظين على بيتك وحاولي بسياسة (حلوة) انج تقنعينه انه يترك التدخين.... ويارب يتركه قريب.

حاولي ترتبين مشاكلك اختي ..
انتي تقولين ان بينك وبينه مشاكل اكبر من الدخان ..
طيب ليش يكون الدخان هو الوقود والفتيل الي يشعل هذي المشاكل كلها ..؟


حاولي ترتبين مشاكلك وتبدين بالاسهل والله يسهلها عليك انشالله
اما الدخان .. فا اعتقد زي ماقالت احد الاخوات .. لاتحطين زوجك على مفترق طرق ..ي انا يالشي الفلاني ..

لان هذي الطريقة كثير من الازواج ما يفقهها .. ولا يعرف الاختيار الصحيح..بل الغالب انه يختاركم كلكم ..فتكوني غير مستفيدة ..

وتمنالك التوفيق

بالنسبة لحلفك عليك كفارة يمين وتأكدي من شيخ
والطلاق يقع من الرجل هو يتلفظ فيه

بالنسبة لزوجك فاستمري معاه وممكن لأنك حلفتي تبيني له انك زعلانة
علشان مايستهين فيك , لكن طبعا لا تتركينه وتروحين لأهله هو محتاج للمساعدة

أختي لكل شخص مفتاح , فحاولي مع زوجك بشتى وأنواع الطرق
ابدلي جهدك واستمري
أجل كيف يكون كل رجل عظيم امرأة
إلا لأنه وراءه تسدد وتنصح وتكون هي الحضن الناصح

سمعت قصة من إحدى الداعيات أن امرأة كان زوجها يدخن
فكانت قايلة له كلما اشتريت علبة سجاير عطني خمسة ريال
صار أول شهر ويعطيها خمسة ريال قيمة كل علبة
يوم جا آخر الشهر أخذت الفلوس وحرقتها قدامه
هو سكت
جا الشهر الثاني , ونفس الحالة تاخذ منه خمس ريالات قيمة السجاير
وفي نهاية الشهر جت بتحرقهم قام عصب عليها
قالت على الأقل أنا ماأأذي عيالي ووأأذي نفسي بحرقهم
أنت بالسيجارة تدمر صحتك وعيالك
فامتنع عن التدخين بسبب هذا الموقف

طبعا اختي لا تتوقعين ان الاخت هذي هذا أول موقف لها
لا حاولت وبذلت جهدها والي سوته موقف من عدة مواقف

ولو تحطين حجر تحت موية تقطر وتجين لها بعد شهر او شهرين
راح تلقينه تفتت
والي فتته ماهو قطرة ولا قطرتين
كل القطرات السابقة من أول قطرة لآخر قطرة هي الي فتت الحجر

والإنسان ألين من الحجر