رسالتك قويه
يعني لو جيتي بأسلوب افهم من كذا وافضل

تكلميها وتقولي فلانه بطلب منك طلب وان شاءالله مايضايقك وكذا
وانا احبك والجلسة بدونك مو حلوة ..
بس عيالك الله يصلحهم شقيين مرررة وانا اليوم عازمه بنات اول مرة يجون
تعالي وخلي عيالك مع ابوهم .. وسامحيني بطلبي هذا ولا تاخذي بخاطرك..

يعني جيتيها بأسلوب
مو ( حياك ولاتجيبي عيالك) ؟؟؟ انا بصراحة لو بمكانها .. اكيد مارا اجي
لكن لو بأسلوب اكيد بجي ولا راح اجيب البزران

مدري احسها قوويه شوي .؟؟؟؟؟؟؟؟؟؟؟؟؟

قوويه مهما كان هذول عياله يمكن ماعندها حد يمسكهم
او حتى لو عندها يمكن ماحد يتحملهم الا هي ومهما كان هذي امهم
حتى لو مازعلت خذت بخاطره وانا معك من جهه ثانيه
انها ماتقول لعيالها لاعيب ولااجلسوو ماحب هالنوعيه من الحريم
لو انك ماقلتي لها افضل من انك تحدديها من بين عيالهااا
الله يرضى عليكم

اكره الحرمه الي عارفه ان عيالها شياطين ويأذون الناس ويحوسون بيوت خلق الله وتجيبهم معها كل ماراحت وجات
انا مجربه ذا الشي قسم يجوني حريم كرهوني بالزيارات كلها بسبة عيالهم حشى شياطين مو اطفال والمشكله الام ولاهي يمك ابد والعيال يسرحون ويمرحون على كيفهم ولازم قبل لايروحون من عندك ياكاسرين شي يامخربين عليك شي وتعالي نظفي وصلحي من وراهم
انا اقول لكل وحده عندها اطفال ملاقيف انتبهي لعيالك عند الناس او لاتجيبيهم معك خير شر ولاتجي وحده تقول مافيه احد اخليهم عنده خلاص انتي عارفه ان محد يتحملهم اجلسي عندهم وماله داعي تبلشي الناس فيهم
بالنسبه لي ياما قلتها بوجه اي وحده تغث كبدي بعيالها لما اتصل اعزمها اقول لاتجيبين عيالك معك خصوصا لما يكون عندي ضيوف ماعندي استعداد اتحمل بصراحه

تستاهل هي وأمثالها اللي يخلون عيالهم يحوسون ببيت الناس وهم يتفرجون ..
احسن لك والله افتكيتي منها ومن أذى عيالها ..