بصراحه ماغلطتي لانوفيه ناس عيالها اذيه والام تتضحك لك حتى ماتقولهم اجلسوا

معاك حق وارتاحي منها اكره الام الي تشوف عيالها كانهم شياطين وهي بس تسولف وتضحك انا اعاني من نفس الشي من حماتي والي يقهرني في بيتها يالله تخليهم يتنفسون من الادب

والله كل شي يتنظف ويتعدل هو يوم بالشهر او الاسبوع
حلو القلوب متصافيه وعلى بعض واعتبري عيالها عيالك
واذا هي ماكلمتهم تحملي هو يوم واحد وش بيصير يعني
كلها مكنسه وترتيب ومسح وكل شي يرجع زي ماكان
بقولك قصه صارتلي
كان عندي كنب فخخخخخم مررررررررررره
وكانو الاطفال في البيت الي هم عيال اخوي وبنتي وبنات اختي
والكنب كان في جلستنا بالصاله
وبس اداري فيه راح يومي وانا اعطي نصايح على ذا الكنب
وكان لونه بيج فاتح يعني اي حاجه تبقع فيه
وفصلته غااااااااالي وتعبت تعب في الموديل والتفاصيل لانو تصميمي يعني جهد شخصي
وصرت كل يوم اشيك عليه والاقيه نظيف مع 5 بزران 24 ساعه عليه
القاه نظيف ولابقعه
لاني وراهم طوال الوقت
بعدين جلست مع نفسي افكر واضحك وضحكت ضحك هستيري
وجلست استغفرواذكر الله ههههههههههههههههههه
وش طرى ببالي؟
قلت انا حارقه رزي ومحافظه على الكنب وحالتي حاله
راحت صحتي وصوتي وانا اداريه
وعزمت من بكره اطنش واشوف وش بيصير
ياترى وش اكبر شي بيحصل
رحت نفذت وعدي
واشوفهم مره يلمسونه وايدهم مليانه كاكاو
واحيانا روج
واحيانا مويه يرشونها على بعض
واحيانا الوان
وانا ماسكه نفسسسسسسسسسسسسسي
يوم جاء اخر اليوم رحت نفظت الكنب ومسحته بنفشه مبلوله
ومنظف الكنب
والله مااخذ مني دقايق الا ورجع مثل ماكان
قلت بنفسي سبحان الله ازعجت هالصغار وخوفتهم ووترتهم
وقبلهم نفسي والسالفه ماتستاهل
ومن ذاك اليوم قبل سنتين وانا مطنشششه وقاعدتي ان كل شي يتصلح
والحين ببيتي مخليه جراتي 2 ماخذين راحتهم بعيالهم وكل ماشفتهم حاسو الحلا والا طاح عليهم
اقول بالعافيه الله يخلي المكنسه
اهم شي صفاوة القلوب ونواياها
والصغار احباب الله
هو الصح ان الام ماتاخذهم معاها بزياراتها بس لو اضطرت
صاحبة البيت وش تسوي تحرق نفسها؟؟
لا بالعكس تاخذ الامور ببسااااااااااااااااااطه
وكل شي يتصلحححححح

ما الوومك .. بصراحه استغرب من اللي تخلي عيالها يسوون دمار شامل ولا تمسكهم وبنفس الوقت تزعل من الحق !!
يعني استحملوا عيالي غصب عنكم !! الواحد يالله يتحمل عياله

يالله بصراحه احتتترت هوا اني اعتذر منها استحاله
بس ابي اعرف اذا غلطانة
وهو يوم واحد قلتلها لاتجبيهم