شخباركم صديقاتي ,
تحسّون اني دآخله المنتدى و آكلت الجو هاه <-- مالت بس
بس اني داخله بــ عزم هآه , <-- ياليل
المهم ماعلينا ,
تذكرون يوم يصير الميرندا و البيبسي و السفن آب , والكولا والعايله كلها بريال ونص ,
يوم يعصبون الناس , وقاطعناهم وقسم بالله ما اذوقه
وعلوم رجاجيل , ويقولون عصير الربيع برتقال بريال ومفيد وصحي , أزين لنا
ومن هالكلام , مسوين بيجرحون مشاعر البيبسي ويرجع لسعره
واللي يشتري فيمتو ولا عصير ويمر من ثلاجة البيبسي ويطالعه بنص عين
ويقوله اقعد , خل النص ينفعك
واللي ابوه عيا يشتريله بيبسي !
ليه ؟ لـ انهم زادوا نص ريال
واللي يجي كذا , يشتري شي , ويسفط البيبسي ويفتح ثلاجته ويطالع فيه , ويصكها ويقوله اقعد انت ونصك
صحيح كلنا هايطنا ببداية الامر , بس بالاخير رضخنا للأمر الواقع و الحاصل و الجائر
لـ أن لاغنى عن البيبسي , واخوياه .. اللي دقوا خشومنا وقالوا شارينا شارينا , بـ ريال ونص ولا بعشرة
يعني حلال على الريد بل , و البايسن والهولستن <-- لحد يطالعني تراني ماأحبها
ان الريد بل مدري بكم و البور هورس بحدود 5 , والهولستن بـ 3 !
والبيبسي زاد نص يبي يوكل عياله عيش فيه , قومتوا الدنيا و قعدتوها
صح مانبي ه الزياده و النص سوى حركات وتجارب و حيل ومعارك
بس ماردنا للبيبسي ,
فــ " مهب لزوم الهياط على قل سنع "
- مايستفاد : << صار درس مطالعه للأبتدائي..خخخ
1- لاتهايط , واخرتها يندق خشمك
2- البيبسي لاغنى عنه , فـ هو حلاوة الاكل
3- البيبسي , ماتأثر من سفطكم له , شوفوه كيف منطله العلب حقته بالشوارع
, من كثره,
والحين اكتب الموضوع وانا اشرب قدح من الببسي البااااااارد<<< منااااك
من منكم قاطع البيبسي وماذاقه من حينه ؟ ( من ارتفع يعني ) ؟!
انتهى
من اصابعي الزينه
الله يحفظ لج اصابعج وانا من زمان اقول يا زين عصير بو نص >>> عندنا في قطر