بسم الله الرحمن الرحيم
بدون مقدمات انا متحمسه من ثلاث ايام كل يوم ادخل ابي انزل موضوعي بس قالولي باقي لا امتلك تصريح والله قلت لامي ادعيلي يعطوني تصريح وهيه صايمه و الحمد لله <<<<<طيب الزبده:23:
جايبتلكم طريقه جريش اذا ما اكلتم اصابعكم صفقوني<<<<تورطت
الكميه ترى كثيره يعني حقك وحق جيرانكم او اذا عندكم عزيمه يعني تقريبا تكفي 12 شخص
بسم الله
باكتب بازرق واخضر نتذكر ايام الثانوي....
المقادير و الطريقه:
1- اولا تسلقي في قدر ضغط حبه دجاج لمده نصف ساعه وطلعيها وتتركيها حتى تبرد وتنتفيها بيدك زي الشاورما (خليها على جنب بنحتاجها بالاخر) ولاتكبي المرقه
2-اربع كاسات حب جريش ابيض (مافيه نوع محدد) منقوع لمده ثلاث ساعات في ماء حار
هذا اول مانقعته
هذا بعد ثلاث ساعات تقريبا
3- نجيب قدر كبير ونحمس فيه حبه بصله مقطعه صغار (مايحتاج صورة)
لاني نسيت اصور
ونحط عليها الجريش المنقوع ونضيف عليه ثلاث كاسات ماء حار ونصف اصبع زبده (مهم)
ونخليها على نار هادئه حتى يتشرب كل الماء اللي عليه. بس انتبهي قلبيه عشان مايحترق
4- بعد مايشرب الماء نضيف واحد لتر لبن (المراعي) افضل شيئ و كاس من مرق الدجاجه اللي بقدر الضغط وكاسه ماء وتحركيه كل عشر دقايق ضروري لمده ساعه
5- اخيرا........... تضيفي حبه مكعب ماجي و ملعقه كبيره ملح (خشن يكون افضل ) والدجاج المنتف وملعقه من الماجي الابيض
حطيت صورته لان اتوقع انه غريب بس ترى موجود في اقرب بقاله وتحركيه وخلاصصصصصصصصصص....صار جاهز
اخيرا ذوبي اصبع زبده(سمن) واذا حضرتي صحن جريش اسكبي عليه القليل من السمن وبالعافيه ...........
تكفون امي قالت بشوف كم اللي بصوتلك انتي وطبخك <<<<اكيد تحطمت
قلتلها طيب الميدان ياحميدان فطلبتكم بفندق خمس نجوم (يعني الخمسه اللي تعرفوها فديتكم )
د.أروى @daro_1
عضوة
يلزم عليك تسجيل الدخول أولًا لكتابة تعليق.
الصفحة الأخيرة
ما شاء الله
رفع الله قدرك وعملك