من جد ركزتم على تفتيش الجوال وتركتوا الموضوع الاصلي

طبع الحرمة سبحان الله التفتيش وراء زوجها وهذا تجسس وبنفس الوقت حب استطلاع

نصيحة مني لك لو كان زوجك يبحث عن واحدة ثانية ماكان فكر انه يتزوجك انتي ريحي دماغك

وطالما لغى الدردشة معناها ماهمه انتي ابحثي عن راحتكم وسعادتكم مع بعض لاتبحثي عن

الي ينغص عليكم حياتكم

ماله شي تارك حياة العزوبية وتوه ماتعود على الزواج انتي اصبري عليه وانسي جواله تماما حتى يثق فيكي

مو يروح يحط له رقم سري ولاتدري عن هوى داره ويطفش ويمل منك

دام قالك حبيبتي ومن هالكلام خلاص عيشي جوه لاتعيشيه بقلق ترى مالكم شي متزوجين على المشاكل

قوليله خلاص ان كان هالشي يضايقك مارح امسكه انا اصلا واثقة فيك

ومبروك الزواج الله يسعدكم

انتي غلطانه في تفتيش جواله

والدليل قوله تعالى : " يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا " .

والمفروض يوم لقيتي اشياء عنده غلط كان تنصحينه بطريقة غير مباشرة ترسلين له احاديث وايات تنهي عن المنكر والمحادثات المحرمه لان الشي اذا كان فيه مواجهه يصير الشغله عناد وكل ممنوع مرغوب

وطبعا من ناحية زوجك غلطان مية في المية في الاشياء هاذي اللي يشوفها او يتحدث معاها
بس كل مشكلة تنحل بالعقل وبدون تكبير المواضيع \
كلمي زوجك وانصحيه برفق زي ماقلت لك برفق عشان يستجيب منك

والله يسخره لك

على فكرة جوال زوجي طايح عندي اربع وعشرين ساعه وافتش فيه زي ماابغى وانا نفس الحكاية ونعرف انه نقلب جوالات بعض وهالشي عن رضى ونقرا محادثات الواتس لبعض ومنفتحين على بعض لانه ماعندنا شي نخبية عن بعض

لاتعتذري منه خليك متمسكة بموقفك واذا كلمك كلميه عادي ولاكان شي صار أهم شي لاتبيني له انك متضايقه أو ندمانه نصيحة ولو تكلم معك لاتكبريها وتفتحي المشكلة مرة ثانية هو اذا يبغى يناقش فيها بيفتح السالفة ووقتها قولي له الي بنفسك بدون هواش وربي كذا سياسة مع الرجال الهواش ماينفع بالعكس بيعند وبيلتفت أكثر لهالاشياء