والله ما ابغا ازيد همك

لكن ما اقول الا الله يهديك

الله يكون في عونك أختي ..

الكلمة خلاص طلعت .. وإنتي مقرة ومعترفة إنها غلطة كبيرة ..

مثل ماقالوا البنات .. أرسلي له مسجات اعتذار ودقي عليه ولا توقفين محاولات تراضينه .. وإذا قدرتي ترجعين للبيت وهو في الدوام أو متأكدة إنه طالع مو موجود فروحي لبيتك وخلي بنتك عند أهلك هالليله .. وجهزي له عشاء وجلسة رومانسية وهدية بسيطة مع كرت أكتبي فيه كل كلمات الاعتذار .. وبمجرد مايدخل على طول بوسي يده واعتذري له ( وماعليك من البنات اللي يقولون لك لا تذلين نفسه له لأن كلمتك قوية مرررة ) .. واشرحي له الموضوع ، ولا تجيبين له طاري الحمل والعلاج حزتها خلك تركيزك على حبك له وإنك ماتتخيلين تعيشين بدونه وإنك تتمنين تعمرين له البيت بأحباب الله ومن هالكلام .. وإن شاء الله إنه ماراح يردك .. وذلي نفسك له هو جنتك ونارك وإنتي غلطتي عليه .. وإن شاء الله راح تنصلح الأمور ..

بالنسبة لموضوع الحمل أولا عليكي بالاستغفار والدعاء في جوف الليل وعند نزول المطر وفي السجود والصدقة ،، وبعدين إذا هدا الموضوع بينكم اقترحي عليه إنكم تتعالجون عند مستشفى حكومي .. عندك اليمامة .. وعندك مستشفى الحرس ( يعالجون العقم مجانا حتى أطفال الأنابيب ) .. وبعدين احمدي ربك على هالزوج اللي صابر عليك وراضي كل هالمدة .. وبعدين في احتمال ( أقول احتمال ) إن زوجك يكون خايف إنه المسألة تكون منه ( وترى الرجال يعرض له مايعرض للمرأة ) يعني مو شرط خلاص جاب طفل يكون خلاص معصوم من أسباب العقم بعدين ،، بس حتى لو كان المشكلة منه فالغالب إنه يكون موضوعها بإذن الله بسيط ..

أهم شي في هذه الفترة هو إنك ترجعين الأمور لمجاريها .. وتخيلي ( لا سمح الله ) إنك عالجت وعالجت وعالجت مرة ومرتين وثلاث .. وجا زوجك بعدين وقال لك ( لو إنك حرمة كان حملتي ) وش راح يكون شعورك حزتها .. والله بتحسين سكين انغرست في صدرك .. فوسعي صدرك وبالعكس لا تخلين هالموضوع جوهر حياتكم .. حتى لا ينعكس الموضوع عليك بعدين لو ماحصل حمل .. لا تكونين سبب في إنه يقتنع إنه الواحد مايكفي خصوصا وإنك تعتقدين إن العلة فيك .. نصيحة مني لك ( وتراني مجربة العلاج وموب دايما ينجح ) فحطي ببالك هالاعتبار ...

آسفة لأني طولت .. وآسفة إن كنت ثقلت عليك بالكلام ..ويارب تنصلح الأمور بينكم ويرزقك ربي ماتتمنين من الذرية عاجلا غير آجل ..

والله اخوكي انسان غريب كيف يردك زوجك وانتي غلطانة ترى الكلمة اللي قولتيها ترى تهز جبال كيف بزوجك معليش حبيبتي ادفعي الثمن شوي ترى الكلمة اللي قولتيها قوية حاولي زي ماقالت الاخت تدخلي احدمن القرايب بس يكون عاقل مش مثل اخوكي اللي عندو كرامة هو يرضى هذة الكلمة على نفسه :angry2:ترى الاهل لهم دور كبير المفروض يحاسبوكي امامه ويردو له كرامته اللي انجرحت مش يقولك اخوكي خلي زوجك زي ماخرجك يردك ماشاء الله هو عنده كرامة وزوجك لااااااا سامحيني حبيبتي على قسوة كلامي بس والله العظيم حسي بمعنى الكلمة وخليكي في مكانه لو قالك منتي حرمة كويسة ايش يكون ردة فعلك ترى ها راجل مش حرمة انتي فاهمة ويش قصدي تاثير الكلمة هاذي حايكون في علاقتكم فيما بعد الله يوفقك ويسعدك حاولي تمسكي لسانك بعدكدة ولا تذكريه الا في الخيروانه سيدالرجال وامدحيه واذكري اجمل الصفات حتى لومش موجودة فيه حتى تتصلح الخدوش اللي بينكم:26:

فعلا كلام الاخت هذا احسه اصح شي

الله يصلح بينكم ويرزقكم الذرية الصالحه ياحي ياقيوم

طمنينا عليك حبيبتي

الله يهدي سركم وبجد جرحتيه كلمه تهززززززززز وربي، الحليم عند الغضب اصبري ودعي ربك وكلمي احد ثقه من اهله رجال عاقل
يصلح بينكم ولا امام المسجد مافيها شي ويارب يطمنك