قلت لزوجي بنت زعل وعصب

السلام عليكم ورحمة الله وبركاته

من الي قالت لزوجها احتمال انها حامل بنت وزعل !
لاني يوم قلت له تضايق ..

ياربي لك الحمد انا فرحانه وماعندي مشكلة لكن ليه الرجال يكرهون البنات ويبون اولاد
كله رزق من رب العالمين والحمدلله ان ربي اكرمنا ورزقني بها الحمل ياربي لك الحمد

والحين كيف اتعامل معه ..هو من البداية كان يقول شكله ولد لانه هو واخوانه واخواته وعائلتهم
كثير عندهم الاولاد وكان متوقع انه ولد وكنت من البداية اقولة يمكن بنت ويقول لا ويعصب ..

يعني انا مالي ذنب وحاولت اقوله ان الرجل هو الي يحدد جنس الجنين
لكن استحي اتكلم واخاف منه وغير كذا يصارخ وانا مااتحمل ع طوول تنزل دموعي ودائما طالع
وجالسة في البيت بروحي اتعب وادووخ وهو والله مايدري عني ..
ولا اعرف اتفاهم معه ياربي هوني علي وارزقني بجنين سليم يارب ماابي الا الصحة والعافية
وحسن الخلق والخلق وتمامه يارب من غير زيادة ولا نقصان

ولا قلت ابي اسوي اشعه رباعية صرخ علي وقال مو لازم وقلت طيب سونار لاني تعبانه شوي واحس
بمغص قال مو لازم ويطمنش ولاتحمس ابد يشتر اغراض للنونو ما كأن المولد بنته


حبيت افضفض لكم شوي

وبالمناسبة ابي اسم بنت

لانه حضرته اسم الولد ملزم علي اسم ابوه وهو شين ولاقدرت اقنعة اغيره
لكن مالي الا الله ثم الدعاء واسم البنت يقول انا بعد بسمي مقهوورة منه ودي افجر فيه :44:

لكن قلت يمكن اقترح اسامي ويحطها في عين الاعتبار مع كثر التكرار

ونفسي لو جاني ولد اسمي فيصل ولا فراس لان مايعلم مافي الارحام الا الرب الكريم
لكن مافيه امل التعب والشقي لي والاسم وكل شئ له ..

فقلت اخذ رائكم في اسم البنت والولد وش احلي فيصل ولا فراس

والله يوووفقكم ويهون عليكم يارب

ويسخر لكم يارب